حلوياتي لعيد 2015 و اخرى في بعض مناسباتي

[goumar]

]للاخت تغرينيه وصفة التارتولات 250غ مرغرين
125غ سكر ناعم
صفار بيضه و بيضه كامله
فاني و فرينه حت تتلم العجينه و هي بدون خماره نعمر بيها قوالب الدزيريات اي نوع عندك و نثقبهم بالشوكه و نعمرهم بالحشو اللي هو 2 كيلات كاوكاو محمص و مرحي + كيله مرب المشمش ونذرذر فوقها اللوز المنسل و ندخلهم يطيبو بعد ما يطيبو ندهنهم بالناباج للمعان وما يتعسلوش خاطر عجين صابلي و الحشو راح يكون مذهل و متوازن الطعم راح تتفاجؤو بيه
وصفة النجيمات للاخت العجينه 500غ مرغرين
زوج كيسان سكر رطب
كاس مايزينه
2 صفار 2 بيضات كاملين 1 خماره
الفرينه
نجمعو كل المقادير و تكون طريه نحطوها في الكيسات اي شكل عندك يوجد عدة اشكال وبعدما تطيب نحط حبه فوق حبه و نحشيهم اما بنوتيلا او نيسلي او مكسرات و نعسلها بعسل خاثر فوق المشبك راها طريه ونديرو فوقها السوغيز او وردات بعجينة اللوز و ندهنها بالناباج و التزيين يمكن تبدعو فيه كيما تحبو
التارت للاخت مريم
6 بيضات
كاس سكر كاس فرينه
نص كاس نشا
نص فنجال زيت
فاني و خميره
نقسم على نصفين كل المكونات نص نديرلو نص كاس فرينه و النصف الاخر ندير نص كاس فرينه فيهم 2مغارف كاكاو كبار و نقسم كل خبزه على اثنين و نشربها و نحشيها بالكريم شونتيه و قطع كرز مجفف ولما نكمل الطبقات نطليها كامل بالشونتيه والحواف ندير فيهم شكولا مبشوره والفوق شكولا مقطعه بالسكين و نكمل التزيين كيما الصوره2/lTI9bM.jpg[/img][/url][img]https:///GoRRSc.jpg[/imgال]
السلام عليكم و رحمة الله و بركاته عيدكم مبارك تقبل الله منا ومنكم و غفر لنا و لكم هاذو حلوياتي لعيد الفطر 2015 حبيت نشاركهم معاكم و نسيت ما صورتهمش في الصينيه المهم تعطوني رايكم في خدمتي وبلاك تدو افكار ونربح دعوة خير راني محتاجتها انا و عايلتي دمتم في رعاية الله و حفضه الحلويات هم حلوى بالنوتيلا و السوغيز كونفي وحلوى التارتولات بالكاوكاو واللوز المنسل و كحلوش و قلبو ابيض بالشكولا والجلجلانيه بالعسل
التورته كنت خدمتها في حفلة المدرسه راني غير نتعلم بشوي
الحلويات الاخرى هاذوك الحلويات الثلاث كنت خدمتهم لما خرج زوجي من المستشفى ادعولو ربي يشفيه يارب ويحفظو كانو قلوب بجوز الهند و بقلاوه و لي مارس بالشكولا و كاين قلوب بالجلجلان و الشكولا والمشوشه و خبزة تونس اللي بشكل مربعات فوقهم السوغيز و البقلاوه خدمتها في العديد من المناسبات و الكعبوش او الرفيس كيما تقولو انتم طبعا الوصفه التقليديه الاصيله نتاع الجدات بدون اي اضافات عصريه نتمنى اني ما نسيت حتىاسم حلوى لاني مانحبش صور الحلويات بدون اسما و الى الملتقى في مجموعه اخرى باذن الله لحلويات اعراسنا ومناسباتنا و ما تنساوش الدعا

[ام عبدو و ملاك]

ما شاء الله حلوياتك يهبلو ربي يشفيلك زوجك و يحفظهولك من كل شر و يحفظلك عايلتك

[amel litim]

ما شاء الله رووووووووووووووووووعة

ربي يشفي زوجك ويشفي جميع مرضى المسلمين اللهم آمين

[ريحانتي]

الصور كبار بزاف

[idron0]

الله يبارك ماشاء الله عليك
حلويات جد رائعة الله يعطيك الصحة
كل عام وانتم بالف خير حبيبتي

[goumar]

المشاركة الأصلية كتبت بواسطة المعلمة الجديدة

ما شاء الله حلوياتك يهبلو ربي يشفيلك زوجك و يحفظهولك من كل شر و يحفظلك عايلتك

هذا من ذوقك بارك الله فيك

[سماح 88]

كل عام وانتم بخير الصور كبار لم تطهر من الافظل تصفير الصور عند تحميلها

[sandibal]

44444444444444444444444444444444444444444444444444 44444

[samassimsouma]

هايل الله يبارك صح عيدكم

[وداد100]

444444444444 يعطيك الصحة

[tong2]

الله يبارك روعة
الله يعطيك الصحة
كل عام وانتم بالف خير حبيبتي

[goumar]

المشاركة الأصلية كتبت بواسطة amel litim

ما شاء الله رووووووووووووووووووعة

ربي يشفي زوجك ويشفي جميع مرضى المسلمين اللهم آمين

مرورك اروع بارك الله فيك امين

[hadjer45]

حلويات جميلة تسلمي

[goumar]

المشاركة الأصلية كتبت بواسطة ريحانتي

الصور كبار بزاف

بارك الله فيك و الله في بالي راهم صغار باذن الله نحاول معاهم

[nora cha]

ما شاء الله . صح عيدك