هذه قصتي أيها الأحبة

[life is life]

السلام عليكم اخواني
بعد ظهور نتائج اثبات المستوى و نتائج الباكالوريا
قررت أن أخبركم بقصتي و أنا واثقة أنها ستمنحكم دفعة الى الامام و عزيمة
أختكم سنة 2009 دخلت تقرى مراسلة سنة اولى متوسط
و انا وراها وراهااا سنة بعد سنة و مر الوقت و وصلت تارمينال و سجلت للباكالوريا
الحمد لله ربحت المراسلة ب 11.90 """" رغم انو و الله هذا العام فيه تخلاط بزاف و نورمالمو كنت ندي اكثر "" راكم عارفين المستوى تاع المراسلة
المهـــــــــم كملت مع المراسلة و الحمد لله
و اليوم خرجت ريزولتا تاع الباك و ربحته
يعني ربحته من اول محاولة و الحمد لله و و الله ما حفظت دخلت فهامة و ثقافة عامة و الله و الله نهار جوزت تاع المراسلة ماكانش علابالي بروقرام واش فيه كامل و قريت الاسبوع الاخير
و ما كنتش نتوقع نفسي ننجح
لكن الحمد لله ربي ما خيبنيش
و ربحت تارمينال تاع المراسلة و الباااك
الحمد لله ياااااااا رب

[مريم المتفائلة]

oooooooo bsahtek hbibà

[le visiteur]

الله الله طلعتيلنا المورات يا اختي الكريمة
اكيد عندك ارادة و اصرار قوي ان شاء الله تدي شهادة الليسنس
ادعيانا معاك ننجحو.

[adelov1]

الف مبروك عليك و الحقيقة هي ان الارادة و العزيمة تحققان ما لا يخطر ببال و لكن كل هذا بالتوفيق من الله.............

[life is life]

المشاركة الأصلية كتبت بواسطة nasira12

oooooooo bsahtek hbibà

الله يبارك فيك

المشاركة الأصلية كتبت بواسطة le visiteur

الله الله طلعتيلنا المورات يا اختي الكريمة
اكيد عندك ارادة و اصرار قوي ان شاء الله تدي شهادة الليسنس
ادعيانا معاك ننجحو.

ربي ينجحكم خاوتي و الله فرحة الباك ماكانش قاع كيفها الحمد لله يااا ربي

المشاركة الأصلية كتبت بواسطة adelov1

الف مبروك عليك و الحقيقة هي ان الارادة و العزيمة تحققان ما لا يخطر ببال و لكن كل هذا بالتوفيق من الله.............

طبعا اكيد هذا بفضل ربي و الحمد لله

لكن الواحد يتسبب و يخليها عد ربي سبحانو ماني عاطية فرحتي لأحد
الحمد لله ياااا رب