شرح كتاب اكثر من 25 تمرين في البايثون مع الحل - مهم للمبتدئين - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتديات التقنية > منتدى البرمجة

منتدى البرمجة كل ما يتعلق بلغات البرمجة، فيجوال بيسيك , سي ++ , دلفي , أكسيس , جافا , هتمل...

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

كتاب اكثر من 25 تمرين في البايثون مع الحل - مهم للمبتدئين

إضافة رد
 
أدوات الموضوع انواع عرض الموضوع
قديم 2021-01-29, 16:57   رقم المشاركة : 1
معلومات العضو
UltrasDzCoder
عضو مجتهـد
 
إحصائية العضو










B10 كتاب اكثر من 25 تمرين في البايثون مع الحل - مهم للمبتدئين

السلام عليكم ورحمة الله تعالى وبركاته اما بعد :

قريت البايثون بصح مازالني مانعرفش نخدم بيها ؟ تعلمت اساسياتها بصح ماعنديش القدرة باش نبدا كود وحدي ؟ مانعرفش نحول افكاري للكود ؟ مانعرفش نحل مشكل برمجي ؟ واش نندير دوكا نعاود نشوف دورة اخرى ؟ لا لا نعاود ندرب طلة على كاش بروجي وندير كيما هو ! راهي تالفة

اممم هذي القفة تع مشاكل يتعرضلها اي واحد في مسار تع تعلم البرمجة وماشي غير ما بايثون برك مع اي لغة كانت ، بصح واشنو هو الحل ؟


الحل حسب وجهة نظري هي انك تفتقر الى الجزء المهم لي لازم تكون في اي مبرمج لا في اي انسان وهي بروبلام سولفينج او حل ا لمشاكل ، حل المشاكل هي طريقة باش تمرن دماغك وتخليه فليكسيبل او مرن مع المشاكل بصفة عامة .

ايلا كان هناك تمرينات للجسم ولي هي تمارين الضغط والعقلة والسكوات حل المشاكل راهي تمرينات للمخ تاني ، بصح كيفاش نربط حل المشاكل مع البرمجة بصفة تامة

ايه تقدر تتعلم مناهج حلا لمشاكل من زوج امور :
1.الخوارزميات.
2.تمرينات في البرمجة

كاين خيارات اعقد كيما هياكل بيانات وتحليلها بصح هدوك نخليوهم لكاش منشور اخر نتحدثو عليهوم بغزارة .

الخوارزميات لازم تتعلمهم باتزامن مع تعلمك للبرمجة يعني ايلا كنت تتعلم بايثون على سبيل المثال لا الحصر تعلم 20 دقيقة بايثون معاها 5 دقايق خوارزميات بهذي لطريقة راني درت التوسط بين المدرستين (مدرسة تقول اتعلم البرمجة منها تتعلم الخوارزميات ومدرسة تقولك اتعلم الخوارزميات قبل لغة البرمجة )

بهذي الطريقة راك تضرب حجريين بعصفور واحد هههه ، اما الجزء الموالي لي هو تمارين في لغة تع البرمجة ، بطبيعة الحال التمارين هي خليط محكم مابين لغة البرمجة والخوارزميات مع لاغموض
.
وافضل طريقة باش تخليك تحل التمارين هي انك تجرب تحلو وحدك ايلا ماقدرتوش تضرب طلة على الحل وتجرب تقراه (قراءة الكود وفهمه من اساسيات البرمجة تان) ومباعد تقترح حل من عندك يكون اسهل وموجز

بهذي الطريقة راك تشغل مخك لدرجة كبيرة وهذا راح ينعكس بالايجاب في حياتك تولي عندك منظور اخر فيي اي مشكل تصادفك + تزيدلك في ذكاء ديالك تاني .

في البايثون راني درتلكم كتاب (كتيب )مجاني فيه اكثر من 25 تمرين وحل في البايثون (تقدر دير اسقاط عليهم في لغات برمجية اخرى ) حملو وخليه عندك في الهاتف وجرب تحلهوم ونتا تستعمل الذهن ديالك برك في حالةما كنت برا ولا ماوتفرتش ليك الانترنت

اما الامر الثاني هي مواقع لي توفرلك التمارين والحل بصفة متجددة ، اغلبهم بالانجليزية يعني ماتنساوش طورو رواحكم فيها تاني

Project Euler
HackerRank
Reddit /r/dailyprogrammer
LeetCode
Top Coder
Code Forces
CodeChef
Programmr
CoderByte
Timus
HackerEarth
CodinGame

والان واش لازم دير ؟ ايه اتعلم اساسيات وشوف بروجيات وطبقهوم وحل التمارين ، هذي هي الخلطة السحرية باش تتعلم اي حاجة في الدنيا ماشي غير البرمجة ، كيما راكوم شايفين بلي التعلم يسحق الجهد والعزيمة ماكاش سحر يخليك محترف كاين دايمن وابدا اجتهاد بشكل ذكي .

وفي الخير هاوليك رابط تحميل الكتاب (ملاحظة هذا رابط مباشر من موقع top4top انا واحد نكره الروابط المختصرة وتمسخير تاعهم )
https://cutt.ly/rkwZNUE








 


آخر تعديل UltrasDzCoder 2021-01-29 في 16:58.
رد مع اقتباس
إضافة رد

الكلمات الدلالية (Tags)
البرمجة في الجزائر

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 20:27

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc