طلب مساعدة لشراء العملة من المنتدى لشحن حساب نتلر

[ado_kh]

السلام عليكم و رحمة الله،
بعد أن قمت بالتسجيل في موقع نتلر، طلب من أن أشحن حسابي moneyIn ب 5 دولار على الاقل

المشكل أني لا أملك أي حساب مصرفي آخر على الانترنت ، حاولت أن أشتري من المنتدى و لكن لم أعرف ماذا أفعل بعد الحجز رغم اني قرأت الشرح
أذكركم أنني اريد شحن حسابي على النتلر.
أرشدوني من فضلكم.
شكرا مسبقا .

[CHEERS]

السلام عليكم

و الله لا املك ادنى فكرة حتى انا راني نحوس على اجوبة تفيدني في الموضوع شكرا لطرحك

غير هدا وثيقتك الرسمية تظهر في الموضوع عدل موضوعك واحدفها

[chikadz]

ساهلة خلاص خويا
اول حاجة شوف كيفاش تحجز مبلغ معين في قسم بيع العملات مي راهم يبعيو غير اكثر من 100 اورو مي لكان لقيت اقل اك درت لافار المهم بعد كي يردلك على الرد تاعك ويقلك حجزتلك ويقلك المبلغ مقلا يبيع الدولار على 15 الف حجزتي 10 دولار يقللك حجزتلك خلص 150 الف روح انتا لاول الموضوع تلقا الرقم تاع ccp العو هزو وروح ادفع 150 الف في لابوست يعطوك وصل صورو وحطو في الرد وبعد ابعث بيانات الدفع مع المشرف اك تلقاه تحت الموضوع مباشرة (يوافق على الموضوع) درك تلقا كيفية تحويل بينات الدفع دير نموذج كيفها مع بيناتك وابعثها للمشرف و اللي راح يبعلك يتحقق من المبلغ لكان وصلو كي يلقاه وصلو يبعثلك طول
متخفاش على دراهمك ماهيش راح تروحلك انا مرة مصلحتش ردولي دراهمي كاملة

[ado_kh]

صحيت بزااااف chikadz
المشكل اللي بقا انني منقدرش نبعث رسالة للمشرف، راني شاك مشاركاتي غير كافية، كاش حل ؟

[nasop]

عندي مشكلة مشابهة راني حاب نحول مبلغ من بطاقتي e coin الى النيتلر ولكن راني خايف يديرولي مشكل ويبلوكيو الدراهم

[maykel08]

مكان حتى مشكل

يمكنك شرائهاا من منتديات جزائرية موثوقة مثل منتدى الجلفة هنا في قسم بيع و شراء العملات او مثلا منتى star7arab .... شخصياا استعملهاما هما الاثنين لمصداقية اعضائهم و ايضا لان مجمل اعضائهم جزائريين لسهولة الدفع اما ccp او فليكسي

يجب ان تعلم بأن ما يحتاجة الذي يبيع لك ليرسل لك الشحن هو الايميل الذي سجلت به في نتلر فقط ( لا تعطي اي معلومات اخرى ) ....

حاليااا سعر الدولار في المنتدى هو 150 دينار و في اسوقة اخرى تجده بين 160 و 170 لندرة ارصدة نتلر


اي استفسار اخر انا هنا

[tkhichane]

السلام عليكم و رحمة الله بركاته،
بعد أن قمت بالتسجيل في موقع نتلر، طلب من أن أشحن حسابي ب 27 أورو على الاقل للحصول على البطاقة الإفتراظية، المشكل أني لا أملك أي حساب مصرفي آخر على الانترنت ، لا أعرف ماذا أفعل لشحن حسابي على النتلر.
أرشدوني من فضلكم.
شكرا مسبقا