سـأقـوم بالمجــازفة فبماذا تنصحوني ؟ ...!!!

أبحث عن النجاح · 2014-02-01, 23:08

السـلام عليكم
بعدما تعرفتم على قصتي مع الخدمة الوطنية وآخره الرد القاسي من مديرية الخدمة الوطنية
قررت سحب استدعاء مارس 2014 والتوجه الى الثكنة والمجازفة بدراستي خلال هذا الموسم وللأبد لأنني ان اكمل هذا الموسم فلا يسمح لي القانون باعادة التسجيـل في الدارسة كما انني سأجازف بعملي كعامل في اطار الادماج المهني
الذهاب الى الثكنة اما سأخرج بسبب فائض او سبب طبي ان تم قـبول ملفي الطبي الضعيف بسبب مرض الصدفية
او الانتظار 6 اشهر او اقل لدراسة ملف الكفالة الخاصة بي
الحالة الاخيرة هي ان يتم رفض ملفات واتمام للخدمة الوطنية مع تضيعي لدارستي
ركرهت الانتظار وتضييع مسابقات مهنية لربما كانت في اليد
كرهت وسوسة الخدمة الوطنية
دعواتكم

صالح القسنطيني · 2014-02-02, 16:54

و عليكم السلام

كم عمرك ؟؟؟؟؟

أبحث عن النجاح · 2014-02-02, 17:02

28 سنة في الصيف نقفلو 29 سنة
ماعرفش وين يعتبروني "(

أحمد زابانة · 2014-02-02, 19:08

يا أخي أنا مثل حالتك لكن لن أذهب للخدعة العسكرية فاقو . حياتي كاملة نهمبر في هد البلاد قراية و تمرميد و تزيد تتحشالي نزيد نكملها بخدمة وطنية 18 شهر ياو انعلبوها نبقى هارب طول حياتي و لا الحشوة نتاعهم .

amine eco · 2014-02-02, 20:30

يا اخي امورك واضحة انت علاه راك مقلق اذا كنت تحتاج ودراستك و حاب تكمل اصبر الاستدعاء الثاني في سبتمبر وروح
بنسبة للعقد الادماج لا يضيع منك بل دير تعليق للعقد عند مديرية تشغيل ...ادي نسخة اوردبال + عقد وكي ترجع تكمل العقد نتاعك عادي
بنسبة للفلسفة الذهاب للثكنة للخروج بفائض او ملف طبي هذا تفكير خاطى وغير مضمون لانك ممكن تنهار نفسيا في حال تم تجنيد
اذا كنت حاب تفوت دير في راسك 18 شهر باش اذا شدوك متتبريزاش
انصحك بصلاة الاستخارة وربي يوفقك

فارس وجواد · 2014-02-02, 21:02

أخي لا تتسرع في هذا الموضوع فتندم بعد ان لا ينفعك الندم .
كما قالك الأخ أمين كمل قرايتك و الخدمة الوطنية ما راهيش هاربة.
و زيد 28 سنة دير في بالك تخرج عمرك 30 لا خدمة و لا ديبلوم واش دير بالاعفاء في هذه الحالة.
لو كان جيت صغير أنا أول من يشجعك على المجازفة .
نعطيك معلومة الاعفاء ما هوش كل شيء في هذه البلاد .
نعرف جماعة مكملين قرايتهم و مجوزين العام و نصف و الله العظيم لحد الآن ما زالو عقود.
واش حبيت نقلك أخي ما ديرش ورقة العسكر هي مفتاح العمل فتخسر عامين من حياتك .
ربي يفرج علينا هذا واش نقلك.

ha.abdoudz · 2014-02-03, 00:37

كان الله في عونك لكن لو كنت مكانك لإخترت دراستي قبل كل شيء حتى و إن الدراسة في هذه البلاد لم تبقى.

Dr Sanfour · 2014-02-03, 02:33

والله يا أخي ما عندي غير أني ندعيلك
راني في وضعية ماشي بعيدة على نتاعك

mikoyan · 2014-02-03, 21:51

مادام راك تدرس كمل دراستك خير
دايما دير في بالك كاين اللي راهم في الهم اكثر منك
انا مثلا 29 سنة ولدي عملي الخاص ومارس هذا باذن الله يصلني امر الالتحاق وليس استدعاء واش رايك
رانا صابرين وخلاص نحن مجرد ارقام في هذه البلاد
كمل دراستك ومن بعد يديرلها ربي حل

ssoiyly · 2014-02-04, 12:11

السلام عليكم اخي انا انشجعك باش تروح تفريها مع الخدمة العسرية هدا لعدة اعتبارات
1 سن تاعك كبير وقتاش تبقى تتهرب من شبح الخدمة الوطنية
2 ما تسمعش لقلك واش الدير بالاعفاء بعد30 سنة راهم غلطين لادي الخدمة العسكرية ينقصلوا عامين اي يكون في عمرك 32عام ويقبلك في مساباقات التوظيف العمومي.

mohamedi1986 · 2014-02-05, 13:45

سلام عليكم ...انا تاني راني تقريبا كيما انت انا كملت قرايتي في الجامعة مهندس دولة في الجامعة و مين كنت نقرى في الجامعة كنت تاني مسجل في مدرسة الاعلام الالي تقني سامي ودورك نورمالمو في افريل نسوتنو وندو الديبلوم مي انا وصلني اول استدعاء ليوم يعني ليوم برك جبته من عند الدرك الوطني وتما قالي الدركي تسما كيراك معول تسوتني هاد افريل روح مركز التجنيد تاعكم و هوما ادا قبلو منك راهم يزيدو يعطوك الوقت وانا ادا ماعطاونيش الوقت راني نستنى حتى يجيني الامر االاستدعاء الثاني ونروح يعني حتى لسبتمبر و لا نشوف مع المدرسة بلاك نسوتني بكري ونروح في دفعة مارس والله ربي معانا ان شاء الله.

mohamedi1986 · 2014-02-05, 13:46

والي عنده راي شباب يقولنا تانيك و ربي يجازي الجميع

mohamedi1986 · 2014-02-12, 10:40

الله يوفق الجميع

madjoda99 · 2014-02-12, 23:22

كان الله في عونك لكن لو كنت مكانك لإخترت دراستي قبل كل شيء حتى و إن الدراسة في هذه البلاد لم تبقى.

safirmed · 2014-02-13, 21:33

انصحك بصلاة الاستخارة وربي يوفقك