لحل الذي اغناني عن النظاف و روح الملح

[امونة الشاوية]

لحل الذي اغناني عن النظاف و روح الملح

السلام عليكم و رحمة الله تعالى و بركاته

اليوم يا لبنات رايحة نحكيلكم عن تجربتي الشخصية في التنظيف ... الكارلاج الحمام .... الخ الخ

مشكلتي يا لبنات انو الكارلاج قديم تاع المرح و تاني انا فسدتو باستعمال لاسيد هذا نظاف هذا روح الملح ....
جربت فيه كل موصيبة و كان كل مرة يرجع كيما كان و أسوء خاطش لاسيد حفرهلي -_- لا نفع من روح الملح لاسيد ++++++ اضراره و كنت كل ما نستعملو عينيا يحرقوني رغم الحذر الشديد


المهم ندخلو فلموضوع انا سمعت على الخميرة الكيماوية = الخمارة تاع القاطو حقا عمري ما توقعتها تنظف ههه

رحت يا لبنات جبت جافيل سكبتو على الارض و جبت خمارة تاع لقاطو و حكيت و النتيجة "" بياض عمري ما توقعت نشوفو

-_- هاد النتيجة ما شفتهاش من وقت طوييييييييل صدقو لبنات ! جافيل و خميرة كيماوية


هذا كل شيء طبعا مي لازم تفركي بالمنكسة -_- ماشي كيما ليبرودوي تاع الكذب لي يوروهم في لاتيلي مجرد مسحة و تروح البقع لالالا

مي النتائج مضمونة و اللي عجبني انو ما يضرش لا في يديك و لا ريحة و لا شي

ايا اخواتي لي عندها مشكل في الحمام او كارلاج قديم و تعبت من المواد التنظيفية و منها باهضة الثمن

تجيب جافيل و خمارة القاطو و تجرب


يالله اخواتي نتمنى نكون ما طولتش عليكم

سلام

موضووووووووووووووع مسروووق للافادة

[maya88]

بارك الله فيك اختي ان شاء الله نجربها

[maiar]

بارك الله فيك خسارة كون قريت الموضوع قبل ما نحط ناصح فالكرلاج قلت غذوا نصبح عليه ان شاء الله

[أم ياسين الزهراء]

اول مرة تعجبني السرقة ههههههههههه الله يسلمك

[ام ولي]

بارك الله فيك اختي امونة دائماً مواضيعك مميزة حتى ولو مسروقة مشكورة على السؤال راني شوية تعبانة لأني في الشهور الأخيرة من الحمل

[blessful]

شكراااااااااااااااا

[/زهرة عصفور الجنة/]

شكرا وهل جربتها انت

[حمودية]

امر عجيب نجربوه

[أم تسابيح]

بارك الله فيك فكرةجديدة تهنينا من روح الملح وباقي المنظفات

[الحركاتية]

فكرة هايلة أمونة وسرقة مشروعة بصح جربتيها ولا لا؟

إن شاء الله نجربها

تحياتي جارتي العزيزة

[عروبتي]

ان شاء الله نجربها مشكورة على السرقة المفيدة هههههههههههه

[نور اليقين جيداء]

merci okhté

[وفاء سعاد]

والله غير نجربها اليوم برك درت نضاف ويدي تحرقومنو مشكووووووورة

[~ حراير ~]

صار يا امونة تسرقي ؟؟؟
بصح ما عليهش سرقة مليحة و مفيدة و نيتك زينة فيها بصح قوليلي كل كارلاجة بواحدة خمارة الي دارها كبيرة تشري باطة خمارة هيهيهيهيهيه

نقلك في عوض الخمارة ديرو الكاربونات مجربتها بصح نقلك الصح حكي حكي حكي
و ثاني المازوت تصبي و تحكي بخزم الحديد تطلع تشعل هادي مجربتها شحال من مرة

[وليد مولودية]

مباشرة بعد ما قريت موضوعك رحت و جرت و النتيجة كانت جد ايجابية


شكرا لك و جزاك الله خيرا