حلوة الفوندون بالكرمال

ياسمين177 · 2014-05-03, 14:15

بعد بسم الله السلام عليكم
التحضير:
250غزبدة طرية + 3/4 كاس سكر قلاسي + فاني خلطيهم مليح مع بعض + 4 صفار البيض وخلطي مليح + رشة ملح + ربع كاس فرينة وخلطي+ نص باكي خمارة + المايزينة حتى تولي عجينة طرية يعني العجينة تلميها بالمايزينة العجينة خليها طرية لانو العجينة لتتلم بالمايزينة تنشف بلخف

مبعد تحضري لمول صغار كيما هذوا

او تديري لمول تاع البابا يكون صغار
شكلي العجينة كرات بحجم 30غ للكرة

مبعد ديريهم في لمول واخبزيهم باش ياخذوا شكل المول

مبعد دخليهم للفرن لمدة 20د في فرن 180درجة.
لما يطيب القاطو خليه يبرد مليح .
الكرمال: كاس ونص من العسل يكون عاقد ديريه في كسرونة

وحطيه على نار متوسطة حتى يولي كرمال

متخليهش يتحرق يجي مر باش تعرفيه اصبح كرمال ديري كاس ماء بارد وديري مغرف كرمال اذا يبست معناتها خلاص رجعت كرمال مباشرة غير تنحيها من النار ديريلها نص علبة تاع لكريم فريش

وتخلطي مليح حتى تصبح بهذا الشكل

تولي تشبه للكبريس
مبعد لازم الحلوة تبرد تماما والا تتفتت لانها فوندون تذوب وخفيفة وفيها مايزينة

مبعد غطسي الحلوة في الكرمال ثم ثم نحيها يعني دخلة خرجة وغير بشوية عليها لانها تفتت

مبعد زوقي الوسط باللوز مدشش او جوز او كوكاو

ريتاج تيارتية · 2014-05-03, 14:19

اممممممممممم تبان بنينة بارك الله فيك اختي ياسمين ويعطيك الصحة

ياسمين177 · 2014-05-03, 14:25

الله يسلمك اختي ريتاج نورتي الموضوع

لميس اميرة · 2014-05-03, 17:17

4444444444444444444444444444