قاطو تقريبا مثل البنيون بزاااف بنيين والاهل كامل يبغوه...

[ديني حياتي]

السلام عليكم ورحمة الله



على بركة الله



المقادير : (الكيلة كيما حبيتي ..حبيتي تكيلي بعلبة زبدة فارعة او طبسي نتاع الشوربة او كاس ...عادي على حساب الكمية لي راكي باغية تديريها)

كيلة حليب غبرة
كيلةسكر عادي
كيلة فرينة
مارغرين ذائبة

التزيين:

قفريط +شكولاطة مذوبة مع القليل من الحليب(اذا درتي كمية كبيرة كثري شوية الحليب باش تكفي جميع الحبات)


التحضير:

نحمص الفرينة فالطاجين نخلط حتى يتغير لونها شويةنحطها في بسينة او بول
نزيد نحمص الحليب غبرة حتى يتغبر لونو شوية ونضيفها للفرينة
ونزيد السكر نخلطهم بملعقة خشب
ثم نذوب المارغرين كليا ونضيفها ليهم (لازم تكون سخونة)مع الخلط بملعقة خشب
نكورها بيدي اذا تحكمتلي مانزيدش المارغرين
واذا ماتحكمتش ومازالت تتفتتلي نزيدلها شوية حتى تتحكم مع قليل من السرعة حتى لا تبرد

راكي كورتيهم خليهم يبردو و يحكمورواحهم



غطسيهم في الشكولاطة المذوبة مع شوية حليب


ورمديهم فالقوفريط المفتت
















طري ويتفتت وحدو وريحتو تهبل (((((بدون مبالغة ....)))))
قريب ما كليتو ههههه بصح راني صايمة لاني من عشاقوا هههههه

ملاحظة : ننصحك تديريه بنيين بزاف وثاني مذابيك تخدميه نهار من قبل العيد

[لينا11]

نفس طريقة بصح ديكور اخر مالفة نديرو

صح يجي بنين مايتشبعش

[الحب و الوفاء]

بارك الله فيك

[صابرة2013]

بارك الله فيك

[طهراوي ياسين]

رائع
الله يعطيك الصحة

[سما الايام]

خيتوا وهذا مافيهش العسيلة

[amina bourennane]

وااااااااااااااااو فووووووووووو ر ثانكيوووووو

[ديني حياتي]

المشاركة الأصلية كتبت بواسطة سما الايام

خيتوا وهذا مافيهش العسيلة

لا مافيهش العسيلة يتلم برك بالمارغرين ذائبة سخونة

[سما الايام]

المشاركة الأصلية كتبت بواسطة ديني حياتي

لا مافيهش العسيلة يتلم برك بالمارغرين ذائبة سخونة

شكرا لك اختي على الرد جزاك الله خيرا

[om kheiyrour]

بارك الله فيك

[ريم الفلى]

[aslii]

شكرااااااااااااااااااااااااااااااااا

[hano.jimi]

[LINA 97]

ربي يحازيك كل ما هو خير

[miss kati]

444444444444444444444444444444