طبقيين من ارع ما يكووووووووون ...تحفةةةةةةة

اسمهان79 · 2017-06-08, 22:56

السلام عليكم ورحمة الله وبركاته
بِسْم الله وعلى بركة الله نبدئ

دجاج محشي بالطماطم
حاجة جديدة

متعودين نديرو الطماطم فوق الاكل لكن اليوم راح نخرج عن المعتاد وراح نستعملها كحشو الفكرة بسيطة والبنة رهييييييبة
أولاً نوجد المرق واللي هو بصل ثوم القليل من الملح فلفل اسود او ابيض شوية سمن ملعقة فرينة وحبات فطر ( شانپينيو) نقليهم مليح مع القليل من الماء ومن بعد نمرق ونخليها طيب في غرضها

ثانياً من جيهة اخرى راح نرحي نصف صدر دجاج ونضيف له كمية من الأرز يكون مغلي من قبل ومقطر ومن بعد نرحيوه في ميكسور وايضاً نضيف كمية من الفطر ( شامپينيو) يكون أيضاً مرحي ومعصور من الماء اللي يطلقه وايضاً نضيف كمية من البصل المرحي ثوم مرحي ملعقة كبيرة زيت و هنا استعملت توابل الدجاج اللي يجي في الاكياس التوابل اللي في الصورة متوفرين في ليسوپيرات لكبار او كاين توابل من نوع جونبو راهي متوفرة بكثرة فقط نبه هنا ما تستعملوش الملح لأنو الاكياس فيها كلش والذوق اللي تحبي كنوع من التغيير

المهم نخلط كلش مع بعض ونخليه على جنب
نأخذ حبات الطماطم الصغيرة نوع سوغيز ونشويها في طاجين الشواء على النار مباشرة

ثم نقشرها نأخذ كل حبة ونحطها وسط كمية من الدجاج ونغلق عليها نشكل كريات يكونه شوية كبار

وندهنهم بالزيت ثم نقليهم في شوية زيت حتى يحمارو

ومن بعد نلوحهم في المرق ونخليهم يطيبه على نار ذليلة

من بعد ما يطيبه نحيهم واضيفي فرماج مرحي وكمية من لاكرام فراش تكون ثقيلة ونخلي المرق يثقال نقدمهم سخونين بنتهم هااااااايلة

اللي تحب تنشف المرق ومن بعد تذرذر الفرماج راپي من فوق الكريات وتغطي حتى يذوب يجي ثاني روعةةةةة للأسف الصورة راحلتي راح نعاودو ونحطها ان شاء الله
بالصحة على قلوبكم اذا جربتوهم

***��طورطة البطاطة المقلية��***

ساهلة بنينة واممممممم ...وثم اممممممممم
اول شيئ نقشر البطاطا ونغسلها... ثم نقطعها مكعبات صغار ...نقليها في زيت سخون ..بعد ما نخلص نضيفلها دبشة (حشيشة مقطفة او قصبر ) اربع بيضات ..راس فلفل حار مقطع رقيق ..فلفل اسود ..وقطعة فرماج شاف ..ثوم غبرة ..نخلط كلش مع بعض .

.ثم نقسم الخليط على اثنان ..ندهن مقلاة بشوية زبدة وزيت ..نحطها على نار متوسطة ..تسخن شوية.. ثم نفرغ نصف الخليط نغطيه ونخيلها مدة قصيرة ..حوالي 9 او 10 دقائق ..لما ينشف نحيه وعاودي ادهني المقلاة ..وفرغي النصف الباقي ......نفس الطريقة

من جيهة تكوني قليتي نصف صدر دجاج حميره مليح في المقلاة.. ثم ارحيه في روبو مع راس فلفل حار.. ومن بعد اضيفيلو فرماج رابي
..و 22 م ك كرام فراش من النوع الثقيل ( يعني مُشْ سائلة ) ...وخلطيها مليح ثم ضعي اول قرصة نتاع البطاطا.. ثم الحشوة ..ثم القرصة الثانية ..وحاولي انك تضغطي بالشوية ..

من جيهة تكوني حظرتي كمية من البطاطا المرحية ( بيغي )
ملاحظة: ( انا استعملت لابيغي الجاهزة نتاع لباطة باه نكسب وقت اقل ) المهم تكون ثقيلة ماشي جارية ..حطيتها في لابوش ادوي ..وعملت دائرة كبيرة فوق البطاطا..

دهنتها بالزبدة الذائبة ..وشعلت الفور من فوق ومن تحت ..ودخلتها مدة 10 د او 15 د حتى حمارة شوية ..من فوق ويذوب الفرماج اللي في الحشوة..
قطعيها وقدميها بالصحة
والله والله بنتها روعةةةةةةةةةةةة
وشكلها اروع والاهم ساهلة وما تاخذش الوقت وتستحق انك تجربيها
دعوة خير منكم تكفيني

في أمان الله حبيباتي
خاصة لبنات اللي ما ينساونيش في التعليقات نقولهم بارك الله فيكم نتمنى تستفادو مني وتستفاد منكم ارائكم تهمني
صحة فطوركم لحبابات

تالا تسنيم · 2017-06-08, 23:00

تبارك الرحمان ابدعتي اختي اسمهان ربي يعطيك و يمنيك و يهنيك
ان شاء الله نجربهم في اقرب فرصة

**وحدها غريبة ** · 2017-06-08, 23:14

وصفات رائعة بارك الله فيك

•~ندية الجوري~• · 2017-06-08, 23:15

و عليكم السّلام و رحمة الله و بركاته ...

تبارك الرّحمن ما شاء الله يا إسمهان

سلمت الأنامل

ام إسراء · 2017-06-08, 23:42

مساء الخير اسمهان الله يبارك اطباق مشاء الله وربي يحفظك تعيشي حطينا حلويات للعيد نحتاجهم اختي وجزاك الله كل خير وصح فطورك يا الشاطرة

بيان 5 · 2017-06-08, 23:54

دائما متألقة بارك الله فيك راح نجربها ان شاء الله شكراااااااااااااا

طيور الجنان · 2017-06-08, 23:58

دائما مبدعة اختي اسمهان يعطيك الصحة ربي يعطيك ماتتمناي.

Miss Princess · 2017-06-09, 00:04

بارك الله فيك
سلمت أناملك

zokhrofa · 2017-06-09, 00:21

يعطيك الصحة عجبني الطبق الاول

أمنية غفران · 2017-06-09, 00:36

اممممممممممممممممم عجبوني في زوج ماشاء الله تبارك الرحمان مبدعة حبيبتي اسمهان وهاديك فكرة الطماطم روعة

انت معلم و منك نتعلم
شفتي رجعتيني نغني

في ميزان حسناتك و ربي يرزقك قاع ما تتمناي

مشكورة حبيبتي و كلمة شكر قليلة و الله