قصة حب مستحيلة

[مشكلتي]

انا من الجزاءر و نعرف واحد من الفيسبوك جامي تلاقيت بيه تعرفت عليه بعد ما حرق يعني نهدرو غير بليميساج و بلكام يعني نحب واحد حارق راهو في بلجيكا عندو من 2020 راح يعني 3 سنين و معندوش الوراقي لحد الان يعني لازم يتزوج بوحدة اجنبية عندها لوراقي به ديرلو وراقيه و به يقدر يولي هنا للجزاءر ...هو حاليا راه ساكن مع وحدة بدون زواج و ربما اقام علاقة معاها منيش متاكدة لكن احتمال كبييييير 😢😢😢 ...انا و هو مجرد صديقين يعني لسنا حبيبين بصح انا نشتيه بزاف نحبه هو برك في الدنيا هاذي بصح نبينلو بللي هو مجرد صديق لاني اعترفتلو من قبل قالي انت اختي الصغيرة قال لصحبتي فهمتها بللي انا بعيد ماني ليك و انتي بعيدة ماكي ليا ....عندو الحق بصح انا عندي امل انو يولي للجزاءر يوما ما و رح نبقى نستناه الى الابد و لا عندي امل نخدم في المستقبل و نسافر توالو ...بصح..هو ميحبنيش و ميحبش هذي اللي راه ساكن معاها و ميحب حتى واحد روحو و منعرف يحبها ولا لا بسك معندوش الثقة بالنفس مره هو مهوش جميل و فقير و مهوش قاري بصح انا نحبه هو برك منعرف لاه من عند ربي حبيته من صوته و من هدرته برك .....المهم ذكا هو بعيييييد عليا انا في بلد و هو في بلد كامل قالولي علاقتكم مستحيلة بصح عند ربي يخي مكانش حاجة مستحيلة عندي امل يولي هنا ...مدولي حل ارجوكم ...و واحد ميقلي شوفي واحداوخر لاني مستحيل نحب ولا نكون مع شخص اخر نشتيه هو و برك ......وحد النهار بلوكاني قالي ديرونجيتيني و درتيلي المشاكل مع اللي راني ساكن معاها كي قالي هكذا جرحت يدي و صورتهالو بالدم و كي قتلو هو مهتمش اصلا قال لصحبتي مشي اول مرة تحاول الانتحار راهي عدة مرات و انا جامي حاولت غير على جالو برك ....و مبعد ولى عيطلي قتلو كيفاه تفكرتني قالي كي عدت وحدي عيطتلك يعني هذيك اللي ساكن معاها شي وين راحت عليها تفكرني و عيطلي ...و مبعد بقينا اصدقاء و وعدني قالي نولي نعيطلك مشي كل يوم و مشي كل شهر ...خطكش قتلو هذي مشي صداقة انك تعيطلي كل شهر قالي علبالك ظروفي و معنديش الوقت و الخدمة و كلش قتلو بصح لاه كي سكنت مع هاذي نسيتني قالي راني عايش مع وحدة لاه مكيش تحوسيني ندير وراقيا ( يعني راهو ساكن معاها غير على جال الوراقي خطكش هدرها بصوت منخفض به متسمعوش ) ...قتلو نحوسك تكون سعيد قالي و انت لاه متكونيش سعيدة قتلو انا منقدرش نكون سعيدة بلا بيك قالي كان تزيدي تهدريلي هكذا و لا تقوليلي حاولت الانتحار على جالك نكوبي عليك يعني هو ميحبش اصلا نقلو و لا نمعنيلو بللي نشتيه المهم انا على جال كرامتي وليت منبينلوش بللي نشتيه مره نقلو صديقي و برك ....بصح ذكا ولا ميعيطليش بزاف مثلا في عيد ميلادي في 7 جانفي هدرنا و قالي عيظ ميلاد سعيد و من بعدها ذكا عندو 10 ايام معيطليش 😢😢😢😢😢 كي نتفكر بللي راه ساكن مع وحدة و كل يوم يشوف فيها و ترقد توالو و تنوض توالو نتالم كثييييرا و نغير عليه ....يعني حب حياتي راه ساكن مع وحدة اخرى و لازم يتزوج بيها على جال الوراقي ...نحوسو يدير وراقيه بصح منحوسوش يتزوج مره كان يتزوج ننتحر منستحملش الالم هذاك ....ديجا راني نتالم ذكا و الله و نضال نفكر فيه و هو معلابالوش بيا مره ...مدولي حل بليييييييز 😢😢😢

[مراد سابقا10]

اصلا طرحت مشكلتك قداه من مرة ، بصح الشيء الغريب تقولي ننتحري على جالوا

عجيب امرك تنتحري وتدخلي لجهنم خالدون على جال بشر يدخل بيت الخلاء

يا اختي انا منعرفش احوالك بصح ألأكيد اذا حسب ما تحكي انت فارغة روحيا ودينيا

انا ننصحك صلي واقراي القران وشغلي نفسك واذا جاك خطيب لاباس بيه في الدين

والخلق اقبلي بيه ، متضيعيش حياتك في حب مذموم الشيء لي فيه انت حب مذموم

وكيما قتلك الشخص لي تقولي نحبيه ماهوش نبي او رسول فيه صفات الكمال

حتان تحبينه لهذه الدرجة وفي الحياة كلنا بغينا حوائج بصح القدر بغى حوائج اخرى

والحياة تستمر .

[أم ميرال و آرال]

مشي قاري،مشي شباب،ما عندوش الدراهم، ما عندوش الوراقي،ما عندوش الثقة في النفس، ما عندوش أخلاق (عايش مع وحدة), المستقبل غير واضح
ايه واش عجبك فيه ايمالا ؟؟؟؟
تبانلي انتي لي عندك مشاكل نفسية و دينية ، تنتحري على جال وهم؟

[قدور بن عاشور]

تحبي الصراحة أنت مجرد مراهقة و خصك العصا.

[أم رقية نسرين]

خصك ضربة على الراس باش تفطني
أصلا كيفاش تحطت مشكلتك هنا منعرف

[محمد محمد.]

إتق الله أختي و إحرصي على تعلم دينك و الإجتهاد في عبادة الله فلهذا خلقنا الله سبحانه و بغض النظر عن كل ما قلته فأنت في علاقة محرمة فلا يوجد صداقة بين الرجل و المرأة في الإسلام و إدع الله أن يرزقك من فضلك و إقطتي الإتصال بهذا الشخص فهو أجنبي عنك .

[**د لا ل**]

السيد أو يعدي بيك الوقت وخلاص او عايش حياته في الخارج واكيد راه متزوجها علابيها عايش معاها

باين راكي صغيرة في العمر

بلوكيه وغيري الفايس نتاعك وابداي صفحة جديدة في حيااتك