ساعدوني محتارة

[مشكلتي]

السلام عليكم
ارجو منكم النصيحة اخوتي
وقعت مشكلة بيني و بين اخت زوجي في يوم وفاة احد اقارب زوج اختي ذهبت انا و ام زوجي لاداء الواجب و لما وصلنا قامت ام زوجي يمكالمة ابنتها بان تحضر لاداء الواجب و لما حضرت اخت زوجي و امام كل الناس اعطتني وابل من الشتائم و الكلام الجارح لانني لم اخبرها انا لم اسكت بل دافعت عن نفسي و عن زوجي لان معظم الكلام كانت تقصده هو و كل هذه الشتائم امام أمي التي لم تحرك ساكنا لخطرش تحشم
و الغريب في الامر ان ام زوجي لم تقل كلمة واحدة لاسكات ابنتها و بقيت تتفرج بكيت كثيرا و اخبرت زوجي و الحمدلله عيطلها و بهدلها
((اخت زوجي هذه من اليوم الذي اتيت عروس وهي تتفنن في جرحي و الاستهزاء بي تكرهني رغم انني السبب في حصولها على سكن تحس بالضعف من ناحيتي خاصة انني عاملة و هي لا استخدمت كل الطرق لارضاءها لكنها لا و لن ترضى فالقلب الذي يكره لا يحب ابدا فكل العائلة تكرهها ودايا دعوة الشر من ابيها و امها

المهم المشكل انو عتدها الفاتحة تع ولدها و انا كنت نقول لوكان متعيطليش و الله ماروح
هي كي جات تعرض للداري ماصبتنيش في البيت قالت لزوجي ارواح راكم معروضين
لوكان جيتو في مكاني تروحو و لا لا
راه المروح ثقيل عليا بزاف خاصة انها معيطتليش في هاتفي
زوجي قالي تكرهك و بهدلاتك منروحوش في 2
و امه قالت لي روحي و ما دريش عليها هي فمها مر

رايو عليا راني كرهت من التخمام خطرات نقول تروح في وجه ربي و خطرات نقول متستهلش

ربي يحفظكم

[tahar_baron]

واش سوق النساء هذا
ماهذه التفاهات يا الاهي
هذه فعلتلي و فعلتلها و لبست كيما انا و هدرت و قالت
لا حول و لا قوة الا بالله

[لحن الحياة.]

لا حول ولا قوة الا بالله ................. لا تكوني سببا في قطع الارحام .
انتي روحي ديري الواجب و خلي لي بينك وبينها بيناتكم علاه حتى توصلي لراجلك فالهدرة ؟؟؟ ايماجيني لوكان كشما يصرا في والديها راهي ترجع لخوها برك صدقيني يعني تولي تتحملي اكثر من هاك

[أم ريتاج زهرة]

المسامح كريم

[منار الحرية]

روحي وريحي ضميرك هذا مكان

[عائشة 88]

السلام عليكم اختي المسامح كريم وديري المليحة للربي مش للعبد

[papino]

اصلا لما زوجك بهدل اختك عيب كبير عليه و عليك نتي اذا كان نتي لي حرشتيه لانو من المفروض كان يلتزم الحياد على الاقل و نتوم تحلو مشاكلكم بيناتكم .
و الحاجة الثانية سامحيني اختي راكي زودتيها بزاف كيفاه تجي تعرض الراجل تاع الدار لي هو سي راجلك و تقولي لازم تعرضني انا .
صدقيني راكي خاطئة على طول الخط. العني الشيطان و توبي لربي و فوضي امرك لله.
سامحيني على الفضاضة اختي

[وصال سلام]

كبري قلبك وطولي بالك تصرا في ارقى العائلات

انتي روحي ديري الواجب وماطوليش عندها باه خطرة اخرى ماتهزهاش عليك حسيفة

صح ثقيلة عليك بصح حاولي العني الشيطان وبينيلها انك خير منها وديريهل على وجه ربي

صلة الرحم لا اكثر

[الجواهر]

مادام جات للدار غلبتك 100/100
لازم تروحي

[خالد عنابي2]

عجبا لمجتمع يلوم المظلوم ويقف مع الظالم على اساس جنسي

تقفون مع اخت الزج الظالمة فقط لانها اخت الزوج ( الذكر)

الحل هو ليس المقاطعة وليس الذهاب معها

ارى ان الحل هو يذهب زوجك وحده ويتذرع باي حجة غياب لكي وخلاص

[زينب 83]

شوفي يا اختي اولا انتوما كاااامل غالطين اولا اخت زوجك مخطئة في شتمك و انت مخطئة في الرد عليها ، و زوجك مخطئ في التدخل في امر تافهة يخص النساء

ثانيا الامر فات ، و العفو من شيم الكرام ، يا اختي اولا زوجك لازم يروح لانو هذه اختو اذا قطعها راهو قطع الرحم و هاذي بلا مزيتو و اما انت راك حرة اذا حبيتي تصفي قلبك و تروحي لوجه الله ، اما اذا ماكيش حابة انت حرة ، لكن تذكري دايما ان العفو جميل عند المقدرة

ربي يهدينا يا رب

[زينة نور]

لاتقطعي صلة الرحم ولاتظني ان زوجك لايريد الذهاب هو يقف الى جانبك فقط فاسعديه بذهابك الى اخته

[عابد لله]

ما ديرش عليها صدقيني لي يدير كيما هاك دليلي على انه جايح وما يعرفش صوالحو وهي باين عليها عصبية ولو كان تكرهك اصلا تقطع لعاقتها بيك وزيدي علاه تعرضك وتعرض خوها لي بهلها على جالك. انت روحي وبركليها كان شيء لم يحدث وربي راه معاك.

[oum imane83]

القدر والاحترام لازم يكون داخل افراد الاسرة ولو ما يتحابوش على الاقل يحترمو بعضاهم ....

بغض النظر من المخطيء انت روحي وهني ضميرك ومن واجب راجلك يوقف مع اخته في يوم فرحها .......... وخليو المشاكل جانبا .. وربما كانت هاته الناسبة لصفاء القلوب..

ربي يهدي ما خلق..

[younes29]

روحي ديري الواجب طلة خفيفة وغادري