تاخر الزواج ارجوكم ساعدوني

[مشكلتي]

ارجوكم ساعدوني انا في الم كبير
انا فتاة عمري 29 عازبة ....لدي مشكلتين
الاولى هي مشكلة تاخر الزواج تقريبا كل صديقاتي اللي كانو معايا في الثانوية تزوجو ،،،يعني حاسة كلي حاجة كبييييرة ناقصة في حياتي ولا حاجة خاطىءة
خاصة اني ساكنة مع امي و اخي ...و اخي فايو مدايرلنا الرعب في الدار ....و للاسف مكانس خطابين مره لاني رقيقة جدا و برى منلبسش لبسة انيقة جدا منعرفش و الخدمة ملقيتش مع اني مخلصة ليسانس انجليزية
المهم هذي المشكلة مدتيرتلي الم كبير و نضال في اكتءاب بسببها

المشكلة الثانية ايضا مدايرتلي الم كبيييييييييير و هي اني تعرفت على شخص في المسنجر و احببته كثيرااااااا منقدرش نعيش بلا بيه و كان يخليني نهبل و لا نموت
و المشكل انه حرق في البحر الى اوروبا راه الان في فرنسا يعني هو في بلد و انا في بلد اخر يعني علاقتنا مستحيلة تقريبا الا اذا ربي دار حاجة و قدر يولي للجزاءر
و زيد المشكل الاخر هو انو عمرو هو 27 و انا عمري 29 يعني اكثر منو ب عامين ...و منيش قايلتلو الحقيقة قتلو عمري 25 هذا كذب لازم نصارحو لكن خفت كان نقلو بللي انا اكثر ننو بعامين يخليني و انا مستحيل نستحمل انو يخليني
المشكل انو علاقتنا مستحيلة و انا منقدرش نتزوج بشخص اخر من غيرو مستحيل نتخيل نفسي مع شخص اخر انا احبه كثيرا منقدرش ننساه و في نفس الوقت عندي ابتلاء تاخر الزواج

ما هو الحل ارجوكمممممممممممممممممممممممممم

[sohaibdz]

لا تجعلي الزواج اكبر همك هداكي الله

[مراد سابقا10]

شوفي كي تقولي منقدرش ننساه راكي غالطة ربي برك لمنقدروش ننساه متخليش العشق يعمي عينيك

زيد انا ننصحك اخطيكي من العلاقات هذو الزائفة وكيما تقولي انت علاقة مستحيلة هو في بلاصة اخرى وانت بعيدة عليه

بالنسبة للزواج الجزائر فيها 12 مليون عانس ماشي غير انت لي تعاني من هذه المشكلة ومتقوليش راني رقيقة كي يجي قسمك يجي

انا ننصحك شوفي حوسي على خدمة وشغلي روحك تعلمي الخياطة او الطرز او الحلويات كي تخرجي وتخدمي ممكن يعجب بيك كاش شخص

زيدي ننصحك متعمريش راسك غير بالحكاية هذي ومتقرنيش روحك بصحاباتك في الدنيا هذي مكانش حياة انتاع واحد كيما واحد

قادر هوما تزوجي قبلك يطلقوا وانت تتزوجي بعدهم يصلح زواجك خلي المكتوب لله هو لي يرزقك

[noursm]

السلام عليكم
يا اختي اخطيك منو هو راح شاف حياتو و مستقبلو و انتي مازلتي تفكري فيه ، مادام وصلتي لدرجة انك لا تتخيلين حياتك بدونه ما بقاش حب وانما تعلق ، ما كانش حاجة في الدنيا تستاهل نتعلقو بيها ، تفكري انو راهو انسان يفنى ولا يملك لا نفعك ولا ضرك ، التعلق يكون بالله وحده فقط فقط .
استعيني بالدعاء للتخلص من هذا التعلق.
حاولي أن تشغلين وقتك بأمور تنفعك مثلا ادخلي في الدورات المجانية مثلا عززي اللغة الإنجليزية او تعلمي علم آخر، او فن كالخياطة و الطبخ، اقرئي الكتب...الخ
جيبي ورقة و قلم و اكتبي اهتماماتك و حاولي اكتشاف شغفك بالاك ينفعك ديري مشروع خاص و لو مشروع صغير .
وفي العوض تفكري في ذلك الشخص ادعي ربي يرزقك بالزوج الصالح .
راهي فترة و تمر ان شاء الله و يجي النهار وين تولي تضحكي على روحك ،تقولي كيفاه انا كنت نخمم هك.
ربي يسهلك أمورك .