الدراسة بالخارج

[nina ho]

السلام عليكم
من لديه معلومات عن الدراسة بالخارج
من فضلكم ضعوها هنا

[tokio hotel]

méme ana ani nhawess ki tssibi kach des infos khabrini

[saoussen05]

السلام أختي nina حتى أنا حوست بصح مالقيت والو اذا حابا تقراي في الخارج لازم تقراي بالأورو هوما لهيه و حصلوا وين يا حنا و ماشكيتش تلقاي جاميعات يقبلو الباك تاع دزاير حنا غير يفشلوا فينا خلاص تلقايهم بمعدل 18 و يقراو طبة عادي كي هوما كي الناس علاش كاعاد قالك بوتفليقة ما نخليش أدمغة بلادي يهاجروا زعمة كي قعدوا هنا وش داروا فيها الله غالب هذا هوا الواقع المر

[adelmedr]

اختي الله اعلم /// ليس لديا المعلومات الكافية
كل مااعلمه ان اردت الدراسة في الخارج تحتجين لاح ان يجل لك هناك او يوافق عليك ' مثلا استاذ في الخارج))
وبالطبع تدفعين مستحقات كبيرة

[همساتْ المطرْ]

السلام عليكم اختي سوف اخبرك بما اعرف
الدراسة في الخارج سهلة لان البكالوريا غير معترف بيها مناك يعني اذا رحتي تمت لازم تعاودي الباك ولا تقراي عام اول في بلادك التخصص لي حبيتيه و من بعد كيما تروحي نورمال+لازم يكون عندك واحد كيشوغل يتكفل بيك في البلد لي رايحة ليه و تكني علا دمانتو+التسجيل الاولي يكون عبر الانترنيت كيما يقبلولك تعقبي امتحان شفوي tcf او tef في السفارة الجزائرية التي لها علاقات مع هذا البلد و هي ثلاثة وحدة في وهران و وحدة في الجزائر و الاخرى في قسنينة+التسجيلات الولية تكلفك حوالي 30 مليون سنتيم ومن بعد يدزولك والديك قدلر المصروف برك
نتمنى نكون افدكم و اي سؤال راني هنا

[nina ho]

المشاركة الأصلية كتبت بواسطة همساتْ المطرْ

السلام عليكم اختي سوف اخبرك بما اعرف
الدراسة في الخارج سهلة لان البكالوريا غير معترف بيها مناك يعني اذا رحتي تمت لازم تعاودي الباك ولا تقراي عام اول في بلادك التخصص لي حبيتيه و من بعد كيما تروحي نورمال+لازم يكون عندك واحد كيشوغل يتكفل بيك في البلد لي رايحة ليه و تكني علا دمانتو+التسجيل الاولي يكون عبر الانترنيت كيما يقبلولك تعقبي امتحان شفوي tcf او tef في السفارة الجزائرية التي لها علاقات مع هذا البلد و هي ثلاثة وحدة في وهران و وحدة في الجزائر و الاخرى في قسنينة+التسجيلات الولية تكلفك حوالي 30 مليون سنتيم ومن بعد يدزولك والديك قدلر المصروف برك
نتمنى نكون افدكم و اي سؤال راني هنا

مرسي بزاف يعني لازم يكون عندي واحد برا
في رايك شحال ندفع مسحقات الدراسة
اسكو كاين واحدين تعرفيهم راحو قراو برا

[nina ho]

المشاركة الأصلية كتبت بواسطة adelmedr

اختي الله اعلم /// ليس لديا المعلومات الكافية
كل مااعلمه ان اردت الدراسة في الخارج تحتجين لاح ان يجل لك هناك او يوافق عليك ' مثلا استاذ في الخارج))
وبالطبع تدفعين مستحقات كبيرة

يعني لازم يقبلني استاذ علاه ؟
شحال تكون المستحقات ؟

[nina ho]

ماكانش منح من الدولة لمتفوقين ؟

[سارة1995]

مستحقات الدراسة كل جامعة و كيف
قبل لازم يكون عندك رصيد بنكي فيه 100 مليون
الدراسة ممكن للعام ب 100 200 مليون او اقل الله اعلم حسب البلد و الجامعة مثل اكسفورد لازملك 300 مليون للعام

[حاملة القران سمية]

يا اختي لقرايا برا صعيبة لازم يكون عندك اقارب ثما وين حتسكنى كيفاه تاكلي
غير حق لقرايا فايت 30 مليون كونك هانية
الا اذا جاتك منحة من ثم يعني تبعثي الملف تاعك وهوما يبعثولك
تنقص شوي المصاريف بصح والله صعيب لازم يكوو اهلك ثما ولا عندك دراهم وربي يوفق ان شاء الله

[سارة1995]

المشاركة الأصلية كتبت بواسطة nina ho

ماكانش منح من الدولة لمتفوقين ؟

لا توجد منح من الدولة تم ايقافها من 2008

[hamzagolf6]

كل تخصص وكيفاه عموما التسجيلات الاولية فوق 50 مليون
ثم عندما تبدا عامك الاول اذا خرجت الاول في الجامعة او المراتب الثلاث الاولى ماتخلصش العام الجاي وهكذا
و كاين جامعات لوكان لا قدر الله ما تنجحش يطردوك
هي مليحة للذكياء لي ضامن يخرج الاول على مستوى الكلية كل عام يبقى بقرى باطل + مكان الاقامة + هدايا و رحلات سياحية

[nina ho]

شكرا لكم ربي يوفقكم

[adelmedr]

كيما جاوباتك سارة1995

[akram-100]

السـلام عليـكم
الكثير من المعلومات قد وضعتها في هذا الموضوع

https://djelfa.info/vb/showthread.php?t=1611243

بـالتوفيق