حبيباتي اجريو مقبلات سورية بسيطة تنفع مع السخانة

قمر 77 · 2015-05-05, 11:05

السلام عليكم حبيباتي مع هذ السخانة قلت نفيد اخواتي باكلات هي مقبلات من المطبخ السوري لكن اكيد بتحسينات درتها عليها بالخبرة لاني معتمدتها اكثر من 15 سنة
نبداو اولا بسيد المقبلات السورية و بامتياز امتبل الحمص

كاس حمص مشمخ و طايب نصف طياب في ملح و كمون باش ما يديرش القازات هههههههههههه
زوج ملاعق كبارمعمرين طحينة راها الوصفة كاينة نتاع امازيغية و افتخر و تجي هايلة علا خاطر غالية و نتاع الذزاير ما تصلحش
مغرف كبيرة زيت ذرى زوج مغارف قارص فلفل عكري
ثلاث مغارف باردين مليح كاين اللي يدير حتى الماء الجمد استوس هذا و انا من محبي الثوم نبغيه درك يرجعو السوريين يندبو ههههههههههههه
نطحنهم مع بعض بعد ما نخللي حبات حمص للتزيين
و نضيف الملح ندير حسابيراني طيبت الحمص اصلا فالما مالح ايمالا ندوق و نريقلها و حتى الحماضة كل واحد وش يبغي
و كي تملاس ملييييح نضعها في صحن و ندير الزيت و انا نحب النعناع اليابس نذرو فوقها مع العكري تجي اممممممممممممممممم
و بالصحة و الراحة هههههههههههههه
ثاني طبق مريح جد للمعد ة اول مرة درتو قلتلهم شهذو و كولو مبصح مبعد كامل الايلة رجعت دير و
متبل الخيار بطريقتي

نصنع الجبن بطريقة المازة لينا او بطريقة زينب 66
و نجيب حبة خيا ما تكثروش كي تجربو و نحولها الزريعة و ارحوها مع سنة ثوم و قليل من الملح كاين غير يقطعا انا نحبها مرحية يدخلها الثوم و الملح امممممممممم و النعناع اليابس روعة و تخلطيها مع الجبن الابيض نطحن كلش مع بعض ما ديروش زريعة الخيا ر طبق بارد هايل مع السخانة

الطبق الثالثمتبل لبببببببببببببببببببببببببببببببببببببببببن لذييييييييذ

انا نخدمو كل اربع ايام دايما فالفريجيدار غير نجبد و نحط فالصحن و هما ياكلو حتى كي نسافر نديه معايا ما يخسرش فالطريق و هني
كي العادة جبن ابيض مصنوع فالمنزل نضعه في صحن عميق و نضيف له بازيليك مرحي و زعيترة يابسة نحي غير اوراقها اليابسة و اكيد سنة ثوم انا نحبها كثير و زيت الزيتون من عشاقه ههههههههههه و ملح و اكيد نعناع يابس و كاين اللي ما يديرش البازيليك و الزعيترة او يحب يغير يدير الكون الفلفل احمر او عكري ما يكثرش و نضربهم بالباتور
ميزة هذ الاطباق انها تنظف البطن و تريحو نخبيه فالفريقو و غير نجبد و نزي زيت الزيتون من فوق و النعناع و العكري
منطر و لذة امممممممممممممممممممم
[COLOR="rgb(139, 0, 0)"]الطبق الرابع باذنجان متبل اممممممممم [/COLOR]
ما كش اللي يقللي ما نحبش الباذنجان لانو هذا يعطيه فعلا طعم اخر
لكن لازم نعرفو اصلا نخيرو الباذنجان الباذنجان الكور هو المليح مش اللي جاي باستطالة يعني نخير المدور و خيرو نتاع الاغواط اطول رااااااائع
ههههههههههه وحنا ما عندناش المدور ايمالا دايما ننزع الزريعة و نتكل على ربي هههههههههه
نشويه على الطابونةو نقيه بلا ما نغسلو بالما و هذا سر نحط غير ايدي فالما اذا تلزمت و نقطعو و نحطو فالرحاية و نضيفلو سيدة ثوم انا ما تقعدليش كامل ههههههههه
و نزيد زيت الزيتون و الملح و الطحينة و اقارص حسب الرغبة
باذنجانة بملعقتين طحينة كبار معمرين و ملعقتين قارص و اكيد النعناع اليابس و الكمون و نرحي ملييييييييييييييييييييييييح حتى يرجع ابيض و نذوق و نشوف وش نزيد الملح خصوصا ما يكون جامد مايكون سائل تقدرو ترفدوه بالخبز فهمتو و لا والو ههههههههههههه
و نفرغ فالطبسي و كي العاد ة نفرغ عليه زيت الزيتون و النعاع اليابس و شوية عكري
راني احوليت احسبو نتوما هههههه حقا كاين اللي يديرو بالقرعة بنفس الطرقة انا عجبني نتاع الباذنجان اكثر

الكنابية

مقبلة سهلة جدا تحتاج ميكسور و خمس اشياء
قرن فلفل حار و حبتين طماطم و ملعقتين مايونيز و بيضتين مغليين فالما و علبة تونة طماطم ماشي زيت و ملح و عكري
ارحيهم فالميكسور و حطيهم مع خبز مقلي يجو رووووووووعة

سلطة عدس
هكاين اللي يقلك عدس فالسخانةانا نقللو ايه و بجدارة لانو فيه تغيير كبير هو سلطة و ليس حساء ندير نصف كاس عدس في طاوة و نديرلو الملح و نخليه يطيب مللللللليه حتى نقدر قع نحيلو قشورو
و نقطرو و كي ينشف نحطو في صحن و نقطعلو الفلفل الحلو رقييق و الطماطم مكعبات صغار و البصل مكعبات صغار و المعدنوس رقيق
و نخدم فينيقرت ملح و زيت و خل و نخلطو و نسكرفج عليه البيض مطبوخ و بس طبق ساهل مفيد و اقتصادي و لذييييييييذ حنا علمهولنا شيخي قرا في سوريا
الحق هايل
السوريين يقولو مزات او مشكل انا عادة نخدم شحال من حاجة و يقعدو فالفريقو ما عدا الكنابية اكيد في وقتها و ما تديش الوقت اصلا نحط من كل وحد شوية و نديرلهم مشكل و اذا كنت دايرة مشاوي تجي معاهارووووووووووووووووعة اي سؤال راني فالخدمة

راني نحاول نخدم بورطابلي الاعمش و نصور الاكلات اللي ماعنديش صورهم

الرجاء التفاعل راني احوليييييييييييييييييت سلااااااااااااااااااام

قمر 77 · 2015-05-05, 11:06

الطحينة لامازيغية وافتخر جزاها الله كل خير
100 غرام جلجلان ماشي محمصة
كوب فرينة ماشي محمصة

50 غرام كوكاو ربع كوب ه قالت ماشي محمص مبصح انا تبانلي نحمصو شوية احين من انو تبان فيه انو الكوكاو نئ
ربع ملعقة ملح
كوب الا ربع زيت اي 125ملل زيت
حمصي الجلجلان شوية تنحيلو الرطوبة
كواكاو تحماص خفيف هذا رايي انا و كل واحد وش يحب و الفرينة سخنيها برك تروح منها الريحة نتاع الرطوبة
ارحي النواشف مليح و ابداي ضيفي الزيت غير بشوية كيما المايونيز و حطيها في اناء فالفريقو كل ما تحبي ديري خلطيها على خاطر الزيت يطلع من فوق
جبن الكيري بطريقة المازة لينا
جيبي شكارة حليب فيضيهاكي تدفا زيديلها واحد ياغورت طبيعي و شكارة لبن
و نخلط مليح و نغطيها في مكان ذافي للغد نلقاه تفصل نصفيه فالشاش كي يتنحلو كامل الما نعود نخدم بيه متبل اللبن ندير كلش و نضرب بالباتور يجي رووعة
الما اكيد ما ترموهش نديرو كي نعجن الخبز كيما قالت المازة ماكاش حاجة عندنا تترمى ههههههههه