"سندوسة يسمين" سارفاس

[*سندوسة*]

المشاركة الأصلية كتبت بواسطة manal31

السلام عليكم . يا سندوسة عمل شغل البيت على راسي و عيني و كدلك نخدم والديا و عائلتي و ماشي خصارا فيهم ثلاث موائد الله يقويك و لكن زوج أختي نحطله الطابلة و كل يوم هادي اسمحيلي و أختك فهميها أنه من واجبها هي خدمة زوجها و ليس أنت و خصوصا تحضير مائدة الاكل فكون زوج أختك ناس ملاح ما يسماطش و الزواج مسؤولية و قيام بواجبات و كم من طالبة و كم من عاملة ربطت بين عملها و قيامها بشؤون بيتها و هكدا تتهني من طابلة و تكون بونيس من عندي .

وعليكم السلام ورحمة الله وبركاته

الحمد لله خدمة والديا على راسي وعينية
وختي وراجلها جايبين عقلية النية فالهبال
وتسكن في بلعباس بصح دارنا قريبة لخدمتها علابيها تجي تبروفيتي
مرات دير لفطور في دارها واغلبية المرات تجي لعندنا

وهوما مع موظفين يحسبو بزاف هاديك نهار قلت لماما علاه زوجتيها كنا مهنيين غير في وحدة ضرك راجلها وولدها
واختي لوكان نمعنيلها تزعف ويبقى خاطرها ومرات نمعنيلها غير بالضحك بصح هي دير روحها ماعلابالهاش
والله كي تاكل تخلي طابلة كيما هي حتى انا نظفها من موراها تقولي كي مانتقلش على ختي على من نتقلش

مشكورة اختي

[بشيرة 13]

ههههه يا ياسمين الله يعاونك
حنا كل ياكلو12
والاب حتى يجي 4ولا5 نعاود نحط الاكل باش ياكل

[mrmilano1984]

نتي لي يشوفك هنا يقول مراة مثالية الناس قاع خلاص يقولو نجو نخطبوك لول الصح في الحقيقة

[*سندوسة*]

المشاركة الأصلية كتبت بواسطة mrmilano1984

نتي لي يشوفك هنا يقول مراة مثالية الناس قاع خلاص يقولو نجو نخطبوك لول الصح في الحقيقة

انا امراة مثالية ومميزة وفحلة وتاكلة على روحي ومكاش لي يجي يفوتها عليا وناس تحوس كامل تتزوج بيا والدليل شحال من واحد عرض عليا زواج هنا فالمنتدى ومابغيتش الهدف في حياتي ماشي غير نتزوج لازم ندي لي يعرف قيمتي ويقدرني على خاطرش انا امراة تتكررمرة فيالقرن يعني حبة قليلة
والحمد لله ربي عطالي بزاف صواح وبالرغم من كل هذا متواضعة

[*سندوسة*]

المشاركة الأصلية كتبت بواسطة بشيرة 13

ههههه يا ياسمين الله يعاونك
حنا كل ياكلو12
والاب حتى يجي 4ولا5 نعاود نحط الاكل باش ياكل

ايا مليح راكم منظمين
ربي يكون في عونك ويدوم لهنا

[mrmilano1984]

هههههههه بابا باب زعما تبينلي عندك ثقة في نفسك بزاف ياو باين الصح في الحقيقة شعال من وحدة قالت انا وانا ووووو كي شفناهم 0000 وهما كف كف الريح في الشبك علي كل مانحكمش عليك باسكو مانعرفك ماوالو اوك وحسب تجربتي لي يتكلم بزاف ويحب يبين روحو هداك ماكان والو غر الهف والكدب مع احترامي ليك طبعا
ايه نتي عقليتك واعرة كما قاع النساء تحبو نفوسكم بزاف ومن حقك باسكو حتي نفسي عزيزة بزاف بزاف ونحب نعيش بعقليتي وراسي يابس بزاف وانا صعيب بزاف ونفتخر بعقليتي كما تفتخر كل مدامة بعقليتها اوك ..

[مريم الصابرة]

السلام عليكم اختي يسمين
والله واش نقولك اختي انا حاليا متهنية انا و امي وبرك ما نحط لا لأختي ولا لراجلها علاه هوما معوقين ما يقدروش يتحركو انا محتاجة شكون يخدمني نو من بكري قاطعتلهم الدصارة ماراهمش ضياف راهم اهل الدار القدرة ما تهربش اللي حاب ياكل يعرف القدرة وين جايا واللي تودرلو العنوان نمدلو نسيقو ونطيبو ونرفدو ونحطو ونزيد نخدملهم سيرفوس مليحة هذي
شوفي انا كنت نكره فرمضان هوما ياكلو وانا نحسب فالطباسة اول عام كنت مكسورة ديت كونجي روعة خاصة كان اول سنة نمرض كنت المدللة يعني كل شي يوصلني لعندي لكن بعدها فرغت الدار واحد شرق ولاخر غرّب رجعت انا ويمى ولما فالمناسبات تجي اختي تقولي يمى حطي نقولها علاه راهي ضيفة او تلفتلها الدار يا خي حالة راهي ختي وإلا ك عروستنا تعرف الكزينة وين جاية هههههههههههه ولفتهم العقلية هذي والو ختي تجي دبر راسها حتى راجلها ما نحطلو ما يحطلي اصلا هو ما جييش وحدو دايما مع ختي وتخدمو مرتو انا مش ملزمة بيه
راني مهنية انا نخدم فلاكيس هوما ياكلو وانا نحاسب هههههه
الله يكون فعونك

[*سندوسة*]

المشاركة الأصلية كتبت بواسطة مريم الصابرة

السلام عليكم اختي يسمين
والله واش نقولك اختي انا حاليا متهنية انا و امي وبرك ما نحط لا لأختي ولا لراجلها علاه هوما معوقين ما يقدروش يتحركو انا محتاجة شكون يخدمني نو من بكري قاطعتلهم الدصارة ماراهمش ضياف راهم اهل الدار القدرة ما تهربش اللي حاب ياكل يعرف القدرة وين جايا واللي تودرلو العنوان نمدلو نسيقو ونطيبو ونرفدو ونحطو ونزيد نخدملهم سيرفوس مليحة هذي
شوفي انا كنت نكره فرمضان هوما ياكلو وانا نحسب فالطباسة اول عام كنت مكسورة ديت كونجي روعة خاصة كان اول سنة نمرض كنت المدللة يعني كل شي يوصلني لعندي لكن بعدها فرغت الدار واحد شرق ولاخر غرّب رجعت انا ويمى ولما فالمناسبات تجي اختي تقولي يمى حطي نقولها علاه راهي ضيفة او تلفتلها الدار يا خي حالة راهي ختي وإلا ك عروستنا تعرف الكزينة وين جاية هههههههههههه ولفتهم العقلية هذي والو ختي تجي دبر راسها حتى راجلها ما نحطلو ما يحطلي اصلا هو ما جييش وحدو دايما مع ختي وتخدمو مرتو انا مش ملزمة بيه
راني مهنية انا نخدم فلاكيس هوما ياكلو وانا نحاسب هههههه
الله يكون فعونك

وعليكم السلام ورحمة الله وبركاته
ختي دايرة عقلية الحاجة نتاع لقش وصوالح من عند ماما هي بنت الدار والاولى في الاختيار ولحاجة نتاع الخدمة دير روحها ضيفة

والامر ماوقفش غير على هذا
راهي في ايام شيخها توفى ربي يرحمو خلاة ولدها عندنا وتعرف ماما مريضة ويلزملها كل يوم تتمشى بصح سبقت مصلحتها وقالتنا خلوه عندكم انا يغبني

وجابتلها القش نتاعها نغسلوهلها انا قلت لماما بزاف قولي لبنتك تفهم روحها قاتلي ماعليش وبلا مانزيدلك الحمام عندنا فدار وسندوسة ماشي غير سارفاس راهي تخدم كوافاز عند ختها

انا نحشم باش نقولهالها فالوجه وهي ماتفهمش روحها وانا تغيضني ماما بزاف قلتها في هاد الوقت حنا لي يلزم نغسلولك ونطيبولك ونقلشوك قالتي ماعليش هاذي هي الدنيا

[مريم الصابرة]

المشاركة الأصلية كتبت بواسطة سندوسة يسمين";3993056476][b][font="arial

وعليكم السلام ورحمة الله وبركاته
ختي دايرة عقلية الحاجة نتاع لقش وصوالح من عند ماما هي بنت الدار والاولى في الاختيار ولحاجة نتاع الخدمة دير روحها ضيفة

والامر ماوقفش غير على هذا
راهي في ايام شيخها توفى ربي يرحمو خلاة ولدها عندنا وتعرف ماما مريضة ويلزملها كل يوم تتمشى بصح سبقت مصلحتها وقالتنا خلوه عندكم انا يغبني

وجابتلها القش نتاعها نغسلوهلها انا قلت لماما بزاف قولي لبنتك تفهم روحها قاتلي ماعليش وبلا مانزيدلك الحمام عندنا فدار وسندوسة ماشي غير سارفاس راهي تخدم كوافاز عند ختها

انا نحشم باش نقولهالها فالوجه وهي ماتفهمش روحها وانا تغيضني ماما بزاف قلتها في هاد الوقت حنا لي يلزم نغسلولك ونطيبولك ونقلشوك قالتي ماعليش هاذي هي الدنيا[/font][/b]

اختي سندوسة ختك على زوجتوها على الأقل لو خدمتوها وهي عزباء تستفادو منها
هذي علاه تزوجت

[*سندوسة*]

المشاركة الأصلية كتبت بواسطة مريم الصابرة

اختي سندوسة ختك على زوجتوها على الأقل لو خدمتوها وهي عزباء تستفادو منها
هذي علاه تزوجت

انا من قبل راني قلتها
قلت لماما علاه زوجتيها كنا في وحدة وضرك ولينا في 3 هههه
الله يجيب لخير

[mrmilano1984]

مادامك شاطرة كما تحكي اهمالا تزوجي ولا نتي باينة راسك يابس بزاف كما اغلبية البنات توسو علي الراجل المثالي لي يجي في قوسطوكم

[*سندوسة*]

.............................................

[*سندوسة*]

المشاركة الأصلية كتبت بواسطة mrmilano1984

مادامك شاطرة كما تحكي اهمالا تزوجي ولا نتي باينة راسك يابس بزاف كما اغلبية البنات توسو علي الراجل المثالي لي يجي في قوسطوكم

العام الجاي ان شاء الله يلا كتب ربي
ولعقوبة ليكم

[mrmilano1984]

ايه لقيتي راجل لي راهو في بالك صراحة ولا مزال بكل صراحة لي تحوسي عليه

[mrmilano1984]

بصح ان شاء الله برك يكون هو المثالي كاين بزاف يبقاو يشرطو زعما فايقات بصح كي تجي الصح وبعد الزواج يغلطو في حدسهم لول