ماذا ستفعل اذا ارتفعت درجة حرارة محرك السيارة

[just do it]

كثيرامنا يجهل المبادئ الاولية نتع السيارة وهذا عيب فينا اذ ينبغي على كل وحد شرا لوطو انو يتعلم الاساسيات على الاقل وكين لنت يعلمك شوية ومتنخلعش بالجديسد ديفوا حاجة صغيرة ديرلك كارثة
المهم فصل الصيف معروف بلي بعض السيارات تسخن فيه خاصة فالعقبة وف السيركيلاسيون كي تمشي بروميار
اولا متنخلعش مشي كي تحمالك تمشي تحل جوان كيلاص ولا ,,,, اذا درتهالك غي مرة فالزمان مشي مشكل خاصة فالسيركيلاسيون وخاصة اذا كانت فعقبة ومتنساش بلي هاذا موتور و غي ماء يدور والموتور فيه انفجارات واحتكاك وووو وزيدلها السخانة تع الجو بنادم وراه يسخن
باختصار كي تحمالك الوطو من الاحسن تتوقف على جنب الطريق وتخليها تبرد شوية فالبنزين سكتها وخليها , ربع ساعة روتار خير من حلة تع موتور اما المازوت فقيريت عليه معلومة فانت انو اذا حما خرج على جنب الطريق وخلي اللوطو نايضا متسكتهاش , خليها مارش ومتكسيؤيش حتى المؤشر يهبط قالو تقدر تكولي الموتور اذا سكتو اقصد الديازال مي البنزين نورمال
خطأين فادحين هما
الاول يضر بصحتك وهو انو كاين بعض الناس كي تحمالو الوطويبغي يفتح البوشون تع الرديتور وهي سخونة فنقولك بلي الماء تفوق درجة حرارتو المءة درجة وزيد لابريسيو بزاف يعني كي تفتح البوشون غادي يطير ممكن يضربك للراس وزيد الماء ينفجر لاعللى وقادر يحرقلك وجهك اذا ماذ تفعل هي من الاحسن تخليها تبرد فاذا كان ولابد تفتح فلازمك تحكم كتانة غليظة وتحطها على البوشون وتفتح غي شوية باه يخرج لابريسيو وبقا ضاغط بيديك باه ميطيرش البوشون وكي تحس لابريسيو خرج كامل بعد وجهك ونحي الغطاء غي بشوية
الخطا الثاني يضر بسيارتك وهو انو فالحالة الي ذكرناها سابقا اي كي تخاطر وتفتح البوشون واللوطو سخونة كاين اللي يجبر الرديتور فارغة من الماء فيضيف لها الماء البارد كي تبرد فنقولك بلي جوان كيلاص يروح فيها مباشرة وفي بعض الحالات النادرة تقدر تكولي الموتور ديجا اذا ماذا تفعل عندك جلين اما انك ستنا السيارة حتى تبرد وهو الاحسن والافضل وتزيدلها الماء واذا ككنت مقلق فلازم انك تنوض اللوطو اي ديرها مارش علابالي فارغة من الماء متخفش ميصرا والو قلت تنوض لوطو ومباشرة تفرغ الماء فالرديتور باه الماء يدور ويكسب درجة حرارة الموتور بسرعة
ارجو ان اكون قد افدتكم ونشالله الواحد يدير حسابو لانو خطا صغير قدر يكلفك حلة تع موتور ب زوج ملايين ولا كثر
ربي يباركلمك فسيارتكم

[أم عاكف ( الأم المعلمة )]

الله يبارك فيك اخي الكريم
عندها يومين برك صرات مع وليدي نفس المشاكل الي حكيتها وان شاء الله يستفيد من هذه النصائح
ربي يحفظك وصح رمضانك

[just do it]

رب يحفظك
شكرا لك

[khaledboute8]

شكرا اخي وبارك لله فيك

[طارق المحارب]

شكرا اخي و صح فطورك و عجبتني لغة الالقاء لديك فور بزاف سلام

[salem_slim]

بارك الله فيك و سدد خطاك

[icbinkrank]

الله يبارك فيك اخي الكريم

[just do it]

وفيكم بارك الله
صح فطوركم

[جمعي البشاري]

شكرا اخي وبارك لله فيك

[DZ-Hamrawi]

بارك الله فيك

[عيدة2]

مشكور ، لكن اللغة المستعملة لا .

[just do it]

المشاركة الأصلية كتبت بواسطة عيدة2

مشكور ، لكن اللغة المستعملة لا .

يا معلمة ماذا تقصدين باللغة المستعملة لا فان كنت تقصدين الكلمات غير تامة فذلك نظرا لاني كنت اكتب سريعا نوعا ما لذلك سقطت مني بعض الحروف او تغيرت لكن الكلمة او المعنة يفهم من السياق وان كنت تقصدين انها ليست بفصحى فاعذريني فانت انثى وغالبا غالبا الاناث لا يفقهن في مسميات المحرك لذلك اعتقد ان لغتي سليمة لان الغاية ليس ان اتباهى باني فصيح ولكن الغاية هي ان يستفيد جميع الناس
ثم او ما اذا اني كتبت عربي فصيح هل ستفهمين المصطلحات كمثال فقط هل ستفهمين المصطلحات التالية
شمعة الشرر المكربن العادم راس الاسطوانة الكمامات القناة المكثف المناوبة الحلقات المطلق المسخن الدورة الباردة والدورة الساخنة حافظ الحرارة ......
لا اظن انك فهمت وان كنت انت فهمتيها ولا اعتقد فالكثير لم يفقه شيئا لذلك افضل تسميتها ب الكاربيراتور لي بوجي ترموستا رادياتور سوباب .....
وهذه هي مشكلة التعليم في بلادنا لا نخاطب الناس على حسب عقولهم حيث تجد اما في الدرس يتحدث الفصحى ويتشدق وياتي بالفاظ للا تفهم عند العامة ويظن انه على صواب
شكرا على المداخلة وارجو ان تكون هته اللغة قد اعجبتك
وشكرا

[just do it]

بارك الله فيكم

[عزو بن عبد السلام]

رب يحفظك
شكرا لك

[just do it]

بارك الله فيكم