بسبوسة روووعة من عند صديقتي جزاها الله خيرا

RIMA.87 · 2017-01-17, 17:07

كيف أحوالكم أخواتي في الله إن شاء الله تكونوا بصحة و عافية
اليوم جبتلكم البسبوسة لي الكل يعرفها و أكيد هنالك وصفات عديدة و ناجحة ،

بالنسبة ليا ما جربتهاش من قبل حتى ذقت بسبوسة صديقتي ربي يحفظها و كانت بنتها روووعة و خفيفة و معسلة ،عطاتني الوصفة لاحظت انو المقادير نفسها المتعارف عليها في البسبوسة لكن طريقة التحضير فيها اختلاف بسييط و هو لي صنع الفرق في الذوق و جربتها و الحمد لله النتيجة كانت ما شاء الله روووووعة ،

جربوها و اعطيوني رايكم اخوات و دعوة في ظهر الغيب لصديقتي ربي يحفظها و يرزقها الذرية الصالحة التي تقر بها عينها و يرزقها من خيري الدنيا و الآخرة .

ملاحظة:
المقادير التي في الصور هي نصف مقادير الوصفة الاصلية لي عطاتهالي صديقتي و المكتوبة في الاسفل ،لاني استعملت صينية فرن صغيرة مقاسها 30سم /25سم.

التحضير المسبق للقطر او الشاربات :
لازم القطر يحضر مسبقا حتى
نشربو البسبوسة مباشرة بعد ما طيب ،
كل أخت عندها طريقتها في التحضير
و طريقتي كالآتي : كيلة سكر مع 2كيلات ماء و نصف حبة ليمون
نحطهم فوق النار نحرك حتى يذوب السكر،
و نتركو يغلي من 10الى15دقيقة حتى يثقال شويةوعندما دير فقاعات كيما نشوفوهم في الصورة يكوون واجد و نطفي عليه النار.و لي تحب نكهة ماء الزهر تضيفلها ملعقتين ا اكثر حسب الذوق بعد ما طفي عليها بالطبع .

هذه مقادير الوصفة الاصلية كيما عطاتهالي صديقتي و تتلاءم مع صينية فرن كبيرة.
نبدأ بسم الله : نشعل الفرن على 180درجة
و نحضر المقادير التالية
8 بيض ،
كاس سكر مبلور ( عادي)،
كاس زيت ،
كاس حليب سائل،
بشر حبة ليمون ،
فانيليا
2كيسان سميد متوسط
( مولة أو سيم)
2كيس خميرة كيميائية

طريقة التحضير
أولا:
* نخلط السميد مع الخميرة الكيميائية و نتركه جانبا
نفصل صفار البيض عن البياض،
*باستعمال الخلاط الكهربائي :
نطلع البياض حتى يولي كالثلج و نتركه جانبا،

ثانيا:
نخلط صفار البيض مع السكر ثم نضيف الزيت
تدريجياو نخلط أي على 4أو 5دفعات و كل مرة نخلط
،بعدها نضيف الحليب على مرتين أو ثلاث مرات ،
و أخيرا نضيف الفانيليا و بشر الليمون و نخلط،

ثالثا :هذه هي الخطوة المختلفة و المهمة في هذه الوصفة ،
الآن نوقف الخلاط الكهربائي و نستعمل سباتولا و نضيف السميد و بياض البيض بالتناوب ، نبداو ببياض البيض ندخله جيدا من فوق لتحت ثم نضيف السميد و هكذا على 3أو 4 دفعات و ننهي ببياض البيض كيما بدينا بيه،و نحطها في صينية الفرن مدهونة ،
بعد ما طيب نخرجوها و نتركوها 5دقائق ترتاح فقط
و بعدين نسقوها بالقطر و نتركوها تتشرب.

و في الاخير هذه النتيجة ،بسبوووسة من اروع ما يكوون

بالنسبة للسميد استعملت هذا

om wafaa · 2017-01-17, 18:10

يعطيهااااااااااااااااااا الف صحة مرسي على الوصفة الهايلة

fadila34 · 2017-01-17, 18:49

بارك الله فيك خرجتلك هايلة وربي يرزق صديقتك بذرية الصالحة يارب

ام هدول · 2017-01-17, 20:26

يعيطك الصحة ريمة على الوصفة ...ربي يعطيك ماتتمناي ....

&ام ايوب& · 2017-01-17, 23:05

شكرا على الوصفة
ان شاء الله تتحقق امانيك
ويلرب برزق صديقتك الذرية الصالحة

دنيا الامل 18 · 2017-01-18, 07:09

روووووووووووووووعة شكرا

ابني نور عيني · 2017-01-18, 11:12

شكرا حنونة تبان تشهي بصح خسارة فيها 8 عظمات وووااااي بزاف مشكورة على الوصفة

RIMA.87 · 2017-01-18, 12:19

اقتباس:

المشاركة الأصلية كتبت بواسطة ابني نور عيني

شكرا حنونة تبان تشهي بصح خسارة فيها 8 عظمات وووااااي بزاف مشكورة على الوصفة

السلام عليكم
نورتي الموضوع بمروورك العطر اختي،
لكن 8بيضات و المقادير المذكوورة بالنسبة لصينية كبيرة الحجم ،كما ذكرت سابقا
و هذا لايمنع انك تجربي بنصف المقادير لكن طيبيهم في صينية صغيرة ،
بالنسبة ليا جربت 5بيضات متوسطين في الحجم و المكونات الاخرى استعملت نصفها و الصينية لي طيبت فيها صغيرة نوعا ما 30سم على 23سم.
بالتوفيق اختي
سلاام

ام هاديل وياسين · 2017-01-18, 14:27

بارك الله فيك اختي والله يرزق صديقتك بدرية صالحة ان شاء الله

ام احمدي · 2017-01-18, 14:37

بااارك الله فيك وفي صديقتك على الوصفة
ربي يجازيكم كل خير ياارب

ابني نور عيني · 2017-01-19, 07:19

اقتباس:

المشاركة الأصلية كتبت بواسطة rima.87

السلام عليكم
نورتي الموضوع بمروورك العطر اختي،
لكن 8بيضات و المقادير المذكوورة بالنسبة لصينية كبيرة الحجم ،كما ذكرت سابقا
و هذا لايمنع انك تجربي بنصف المقادير لكن طيبيهم في صينية صغيرة ،
بالنسبة ليا جربت 5بيضات متوسطين في الحجم و المكونات الاخرى استعملت نصفها و الصينية لي طيبت فيها صغيرة نوعا ما 30سم على 23سم.
بالتوفيق اختي
سلاام

اوكي اختي نجرب نصف المقادير احسن مشكورة على التوضيح اختي