الوصفة 01 : بنيـــون رولي

[لؤلؤة الفردوس]

المقادير:
3 باكيات بيمو مرحي جيدا و مصير
3 كأس لاتاي كاكاو من الأسود العادي أو 2 كأسان من الأسود الغامق
350 غ سكر قلاصي
70غ مارغارين طرية
ملعقة قهوة لفاني
3 باكيات نيس كافي أو 3 ملاعق صغار
ماء دافئ

لكخام أوبوغ
50غ زبدة بوماد
700 غ سكر قلاصي

طريقة التحضير

البيمو + السكر قلاص و نخلط مليح المكونات باليد + كاكاو و نخلط مليح + المارغارين نقطعها قطع صغيرة و نحكها مليح مع الخلطة+لفاني و نخلط

نخلط النيس كافي مع كأس ماء دافئ و نحرك ثم لمي بيه الخلطة الأولى لمي و أعجني خليها طرية شوية مثل الصورة



طريقة تحضير كخام اوبوغ
الزبدة + السكر نخلطوه مع بعض مليح مليح باليد اذا كنت ناشفة زيديلها 2 ملاعق اكل حليب ، تتحصلي عليها طرية مثل الصورة



الآن كييفة التحضير

نفرش صاشي في الطابلة نقسم شوية عجينة و نحطها فوق الصاشي و نحلها بالحلال عمقها والي 3 ملم
هاكدا


نضع فوقه كخام و نمشيها



و نبدا نلوي بيه بالصاشي ز نفتح غير بالعقل لوي حتى تكوني حربوش



كي تكملي تلوي نحي الأطراف



غطيها بالصاشي و ديريها في الثلاجة تبرد فقط حوالي نصف ساعة باش تحكم روحها
بعد ماتخرجيها رشيها بالسكر قلاص و قطعيها على هاذ الشكل أو حسب الرغبة









اسمحولي الصور رديئة
بالصحة و العافية و أي سؤال أنا في الخدمة

[*سماح 94*]

شكراااااااااااااااا جزيلا اختي بارك الله فيك على الشرح الوافي
صح عيدك

[ام ملاك.]

خرجلك روعة بالصحة والهتا تاكلوها

[oum anas 69]

waaaaaaaw haja 44444444444 ya3tik asaha okhti dork n3oud ndirou hagda kifak haja jdida

[موني السطايفية]

تسلم الاياي خيتي

[nounami]

ممممممم يهبل يعطيك الصحة

[*عاشقة الجنة*]

يعطيك الصحة اختي
شكلو يشهي

[selsabil2002]

يعطيك الصحة.

[الأمنيات]

[أم ياسين الزهراء]

بارك الله فيك هذا كليتو مرة وهايل وبنين بزاف شكرا جزيلا على الشرح الممتاز راح نستنى الوصفات الجاية

[fati13]

شكرااااااااااااااااااااااااا يعطيك الصحة

[ام اماني77]

يعطيك الصحة اختي لؤلؤة الحلوى خرجتلك هايلة بانتظار وصفاتك المتميزة دائما

[chaima02130]

شكرااااااااااااااا حنونة.

[himanlogine]

الله الله عليك....يعطيك الصحة يا الفحلة ما شاء الله فحلة ونص بارك الله فيك

[ايمان16]

مرسي حنونة ياقلبو