لماذا احس هكذا

[مشكلتي]

السلام عليكم و عيدكم مبارك
راح ندخل في صلب الموضوع انا فتاة عندي 33سنة و ذكرتلكم السن باه متقولوليش صغيرة
انا عايشة في عائلة عادية هانية محافظة رباوني والديا على الطاعة و الاحترام ككبرت و بلغت عادت عندي حساسية كبيرة من ابي لدرجة اني منطيقش حتى انه يخزر فيا نحس نظراته اغتصاب ليا منحبش تقدم منه منحبش نسلم عليه منحبش يشوف معاي ولا انا نشوف معه حتى كنقعدو نحس نفسي قاعدة مع رجل غريب و غير مريح هو انسان متدين و محترم و صدقوني انا متاكدة انه اب رائع لكن معلاباليش كنكون في الدار معه ولا يعيطلي و نروح عنده ولا كييشوف فيا نحس كما شخص غريب حاب يغتصبتي نحس بقهر كبير داخلي كييخرج من الدار نرتاح انا مطيعه له نعاونه نخدمله كلش بصح التواصل قليل ممكن تقولولي عادي كاين اللي ميتواصلوش بزاف بصح احساسي يقتلني ساعات نقول ممكن مرض او سحر يخليني نحس هكاك بصح كنروح بعيد و يعيطلي في تلفون و نحكيو عادي منحسش هذاك الاحساس
ياخوتي تعبت والله علابالي طولت و ممكن كلامي غير منظم مع العلم ابي هذه دللني و قدملي كلش و كنت نحبه بزاف و معنديش هاذ الاحاسيس
الاحاسيس هذه بداتني في سن ال25هكاك لا منسيتش
لا حول ولا قوة الا بالله و باه نقلكم عمرو لا دارلي حاجة ولا شاف فيا شوفه مش مليحة المشكل في احساسي اللي سيطر عليا خلاص

[ع.عيسى]

يا اختي رابطة الابوة والاخوة أقوى بكثير من الغريزة الجنسية للرجل ...لو كان تبقاي غير نتي الانثى الوحيدة في هاذي الدنيا مستحيل انه يشوفك هادي الشوفة ...الحكايات لي نسمعوها ناتجة من اناس غير طبيعيين ....ممكن احساسك ناتج كونك عزباء والله اعلم ، ادعي ربي يرزقك زوج صالح ...نشوفو بقية النصائح من طرف الاخوات هم يفهموك اكثر

[حورية تو]

انت قولتي ممكن مرض أو سحر يخليك تحسي هكاك
أنا نقول ممكن مرض نفسي أكثر من أي شي آخر*
الإنسان لما يكون صغير ربما يتعرض لمواقف تكون صعبة عليه قد ينسى المواقف لكن تأثيرها يبقى وهذا ما يولد تساؤلات لما أنا هكذا ؟؟؟
باه نسهل عليك*
انت موسوسة من نظرة أبيك
المشكل ماش في أبيك لكن فالنظرة بحد داتها
ممكن تعرضتي لنظرات مثلها من قبل وأنت *نسيت من أي شخص تلك النظرات
لكن تأثيرها هو ما بقى فالعقل النصف واعي يتصرف بالرغم مننا ..كمن له فوبيا من طبيب الاسنان ..إذا مر بجانب عيادة لطب الأسنان يشعر بالرهاب والخوف ..بل حتى لو رأى طبيب أسنان في التلفزيون ويشعر بنفس الإحساس
أنصح بمختص نفسي
لكني أنصحك قبلا أن تركزي على محبتك لأبيك وفقط... قل بينك وبين حالك أملك أب رائع و....الخ و أيضا لا تتهربي منه أبدا بل واجهي مخاوفك حتى تتغلبي عليها

[بـــيِسَة]

ألله أكبر
احسآس غريب ارقي و أستغفري هذآ وسوآس خطير
خليك
في الحقيقة انا لوكان منحكيش مع بابا لدقيقة قادرا نموت
منحملش يبعد اعليا مستحيل
بابا هو كلش في حياتي هو اول رجل ينظر الي نظرة صدق
نحبك بابا و نموت اعليك

المهم حاولي تفكري كيما انا بلاك ربي يهديك

[Elwawy]

ظاهر أنه والدك الله يبارك راجل صح من نظرته و هيبته, لو كان نعجة لما كان عندكي هذا الإحساس ربي يحفظوا, و دعكي من هذا, و هو مجرد إحساس لفتاة تستحي, هذا كل ما في الأمر, أما إن كنتي تحسين أنه شيء أخر زوري طبيبة نفسية.

[بلا صوت]

حالة نفسية أختي فقط

[Amir ami]

ليس لدي معطيات بالنسبة لطفولتك ولكني متاكد انك قراتي او سمعتي كثيرا عن قصص اغتصاب الاباء بناتهم و ترسخت هاته الفكرة في عقلك اللا واعي واصبحت مسيطرة عليك.
نعطيك فكرة لما تكوني مع ابوكي ويصيبك هاذا الاحساس خذي نفس عميق وتنفسي ببطء وفكري في طيبة ابوكي.

[تماضر السلمية]

حسب ما فهمت.. انتي يا اختي مشكلتك مع ابيك تحدث مع الكثير من الفتيات و النسوة و هي ناتجة عن تربيتك المحافظة التي كلشي فيها حرام و عيب....ربما في طفولتك و مراهقتك ابوك كان يريد ان يحميك من الذئاب البشرية حسب طريقته و هي بالقسوة و الملاحظات ربما حول لباسك او امور اخرى و ربما نظر الى جسدك بطريقة قاسية كما يفعل بعض الاباء المحافظين مع بناتهم قصد غرس الحياء في نفوسهن..و هذا ما يولد عادة عقدة لدى الفتاة ... اعرف فتاة حدث لها نفس الشيء اختي... اختي ما تخافيش انتي سوية و ابوك سوي...و مشكلتك هي ما قلته لك في رسالتي