لست جميلة - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

لست جميلة

إضافة رد
 
أدوات الموضوع انواع عرض الموضوع
قديم 2022-05-09, 23:57   رقم المشاركة : 1
معلومات العضو
مشكلتي
العضوية خاصة
 
إحصائية العضو









افتراضي لست جميلة

انا فتاة قريب اصبح 30 سنة لا اعرف كيف مر العمر بسرعة حتى وجدت نفسي قد وصلت لهذا العمر
عمري كامل مالبست لبسة انيقة و مليحة دايما نلبس لبسة تبيني بللي انا فقيرة مع انو كان عندي مال كثير لكي اشتري به لباس ...عادو الناس برى يتصدقو علي بالمال و يقولولي هاكي روحي اشري حذاء او خمار او ملابس لاني ابدو فقيرة و ابدو كالمتسولة او متشردة و هذا الامر جعل عاءلتي يعاقبوني بكوارث و اشربو لي دواء نفسي لكن لم اتغير
السبب هو اني معنديش الثقة بالنفس انها معدومة تماما انا متوسطة في الجمال صمراء و عينايا بني و انف كبير و فم صغير ...الخ الكل حولي يقولون اني جميلة ماعدا انا ارى نفسي بشعة ليس كما تمنيت ان اكون ابدا فانا تمنيت ان يكون لي حنك مرسوم و عينان ملونتان و بيضاء البشرة و انف صغير و جميلة في الوجه عموما لكن لم اكن كما اتمنى للاسف الشديد
لهذا السبب لم ارتدي ملابس انيقة طوال حياتي حتى الخمار منعرفش نديرو نقول بللي راسي لا يناسبه اي خمار

نقول بللي ربي مدلي وجه ميصلحلوش الخمار و وجه ميجيش مليح في التصاور 😢

كي نجي نشري قش نروح نصور القش اللي في المحلات كامل و ندور عليهم اكل و ينتهي بي الامر يا اما ما نشري والو يا اما نشري و نخبيهم منلبسهمش

الان وصلت للثلاثين و لم يتقدم احد لخطبتي و انا نادمة قلت وقيل كان لبست و عدلت كان تقدملي كاش واحد و مبعد نولي نقول لا السبب هو المكتوب برك

الان نحوس نشري روبة فيها الورد و خمار لكن خفت نشريها و منلبسهاش مجينيش الجراءة نخرج بيها
و كذلك اظن ان السبب في اني لست انيقة هو الخمار لاني مدرتوش عن اقتناع اجبروني اهلي على ارتداءه ساعات نقول كان جيت مش مدايرة خيمار كان راني انيقة جدااا و كي نشوف برى البنات اللي مش مدايرين خمار انيقات نغير منهم و نقول كان غير جيت انا هوما

و اخر شيء انا اقارن نفسي كثيرا بالاخرين ...و خاصة عارضات الازياء المشهورات مثلا بيلا حديد عارضة ازياء مشهورة جميلة جداااا و نقول لاه ربي دارلها هكذا و انا دارني هكذا اقل جمالا منها يخي ربي عادل مالا لاه مدارناش متساويين في الجمال ...؟؟؟ ارجو ان تقولو لي تفسير وجواب مقنع

ارجوكممممممم ماذا افعل ؟؟؟؟
و لا تقولو لي الجمال جمال الروح و الاخلاق لان هذا الوقت المظهر هو كلش









 


رد مع اقتباس
قديم 2022-05-10, 20:28   رقم المشاركة : 2
معلومات العضو
الجميلة انا
عضو مميّز
 
الصورة الرمزية الجميلة انا
 

 

 
إحصائية العضو










افتراضي

يا أختاه مشكلتك انو انت مراكيش متقبلة روحك و لست متصالحة مع ذاتك و هذا في حد ذاتو مشكل كبير و زيد معندكش الثقة في روحك على هديك لازم طوري من ذاتك لازم تتقبلي ذاتك كما هي و تقتنعي لانك جميلة. و انو رب خلقك في أحسن صورة و متقرنيشي روحك لا ليلة حديد لا بحتى واحد كوني انت و فقط حبي نفسك شكلك البسي القش الي تخليه و الي يواتيك و متقليشي او ميجنيشي مليح بالعكس خلي روحك جميلة في عين نفسك و لا يهمك كلام الناس و كانا على الزواج هذا مكتوب من عند رب لازم تخممي في روحك و بس و تزيني لنفسك أولا و البسي و عيش حياتك و خلي عندك الثقة في روحك و كان على الخطاب هذا فرض من عند رب و عفة للمرأة و درك كاين ملابس محجبات محتشمة روعة دنك ثقي في نفسك سيدتي و كوني الأجمل دائماâ‌¤ï¸ڈâ‌¤ï¸ڈ��������










رد مع اقتباس
قديم 2022-05-10, 23:03   رقم المشاركة : 3
معلومات العضو
أم رقية نسرين
عضو محترف
 
إحصائية العضو










افتراضي

السلام عليكم و رحمة الله و بركاته
أختي أظن أنها ليست المرة الأولى التي تضعين فيها مشكلتك
شوفي أختي لا تحملي هم الزواج لأنه رزق من عند الله و الله سبحانه هو أعلم بنا وأرحم بنا من أمهاتنا .
قلتي هادا الوقت المظهر هو كل شيء صح بالنسبة للبشر لكن رب البشر أمرنا بالستر بالحجاب الكامل الساتر لن يحاسب أحد مكان أحد كلنا سنحاسب فردا فردا
تعوذي بالله من الشيطان الرجيم فهو من يزين لكي التبرج
ربي يصلح حالنا وحالك وربي يرزقك الزوج الصالح ذو الخلق والدين










رد مع اقتباس
قديم 2022-05-11, 22:26   رقم المشاركة : 4
معلومات العضو
Rofrof
عضو مشارك
 
الصورة الرمزية Rofrof
 

 

 
إحصائية العضو










افتراضي

بصح انت تقارني روحك ببيلا حديد قبل عمليات التجميل ولا بعد؟
المهم حبسي ماتقارني فروحك بالمشهورات كاين بزاف بنات ماشي شابات ولابسات الخمار بالسيف الله يهدي العائلات لي تلزم بناتها بالحجاب سبحان الله ممكن تصيبيهم صلاة مايصلوش ويحبو يفرضو الحجاب ع اي فتاة*
المهم انت روحي ديري سبور وحاولي بلعقل تبدلي ستيل ديالك اقعدي فالسامبل فالاول ، وبلعقل ربي يهنيك ويخفف عنك الحزن.










رد مع اقتباس
قديم 2022-05-12, 03:02   رقم المشاركة : 5
معلومات العضو
بشرئ عاشقة العلم
عضو مميّز
 
الصورة الرمزية بشرئ عاشقة العلم
 

 

 
إحصائية العضو










افتراضي

بغيتينا نقولك البسي العاري برك باه تجذبي الذكور كما عارضات الازياء؟!هي صح الله فرق بينا و خاصة مقارنة مع الاجانب في الجمال و الطول رجة ملحوظة ،و لكن هذا كلو ابتلاء و الدنيا فانية لبغات تعيشي قرن تموتي و تما ما ينفع لا مال و لا جمال تنفع الأعمال الصالحة فقط ،من جهة اخرى انت اختي عندك مشكلة ايمان ناقص طبعا انا مثلا عندي تفكيرك بخصوص الجمال لاني كذلك ناقصة من هذ الناحية و لكن كي آمنت بلي اي حاجة يديرلي ربي فيها خير اسلمت امري له و قويت قلبي على مثل صغائر الامور ما غدا في لحظات الضعف طبعا...و منخفيش عليك بلي انت تني غالطة الله من عليك بالملل كنت قادرة تهدري روحك شوي بشرتك لبستك ...انت لي درتي بروحك هاك ، أكيد مكاش راجل يقبلو بوحدى تلبس مبهدل يقول هذو روحها و مسلكتش معاها بغي تنظم دار مستقبلا، لا علينا، حاولي اختي تسقمي روحك و تلبسي لباس محترم و لاىق و تصححي اخطاءكي قبل فوات الاوان. أكثر ، و ليلة حديد ماعندها شا جميلة انت لي مكيش تشوفي مليح










رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 13:55

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc