لحم محمر في طنجرة الضغط

إكليل · 2014-10-06, 12:03

السلام عليكم و رحمة الله تعالى و بركاته

عيدكم سعيد و كل عام و أنتم بخير ينعاد عليكم بالصحة و الخير و الهنا إن شاء الله.

اليوم حبيت نشاركم بعض أطباقي للعيد نتمنى يعجبوكم .
و أول طبق راح نحطو هو لحم محمر في الكوكط و اللي ما نستغنوش عليه في أي عيد و إن شاء الله عن قريب نحط البقية .

و الأن نخليكم مع طريقتي في إعداده

اول شي نحطوا ملعتين زيت و حبة بصل مقطعة شرائح ثم نضيفوا قرفة عود و ملح نخلوا البصل يتقلى شوية

نضيفوا فوقها قطع اللحم

و من بعد نضيف الرند و الثوم و فلفل أسود وحبات الكبابة تقريبا 3 حبات

ونبقى نخلط طبعا ليس بملعقة و إنما برفع الطنجرة و هزها حتى تختلط جميع المكونات لما تشوفي أنوا اللحم بدا يتقلى أغلقي الكوكوط دون إضافة أي ماء و نقصي للنار لأنوا اللحم راح يطلق الماء اللي فيه و يطيب فيه و خليها تطيب حوالي ساعة أو ربما أقل إذا كان لحم خروفك صغير أما إذا كان كبش راح يدي وقت أطول .
و طبعا مرة على مرة حركي الطنجرة حتى يمتزج اللحم مع المكونات و يستوعب كل التوابل وطبعا حتى لا يلتصق في قعر الطنجرة.و ا راه طاب صدقوني يجي روعة روعة جربوه على ضمانتي يخرج هايل

هنا راني قدمتوا مع بطاطا سوتي نتاع أختنا إلهام خرجت هايلة نشكرها بزاف بزاف على الوصفة الرائعة و هذي ثاني مرة نجربها و تخرج روعة

اه نسيت نقولكم أنوا المرق الي راح تتحصلوا عليه من اللحم كمية لاباس بيها طبعا هذا دون إضافة أي ماء

و هذا رابط البطاطا سوتي لأختنا إلهام ربي يحفظها
https://www.djelfa.info/vb/showthread.php?t=1592046

[SIZE="6"]ملاحظة: هذه هي صورة الكبابة تلقاوها عند اللي يبيع التوابل أو حتى اللي يبيعوا الأعشاب الطبية و هي مليحة تمشي مع المحمر بزاف تعطيه ذوق هايل سواءا الدجاج أو اللحم [/SIZE]

lمنال · 2014-10-06, 12:11

شكراااااا اختي وصحة عيدكم

ام هاديل وياسين · 2014-10-06, 12:15

يعطيك الصحة معييتنيش كنت نحوس على الوصفة بارك الله فيك

أم هنيدة · 2014-10-06, 12:38

يعطيك الصحة يشهي اختي من فضلك الكوكوطة نغلقو عليها بالصفارة؟

ayaa2006 · 2014-10-06, 12:50

شكرايعطيك الصحة اختي وصحة عيدكم

قطيطوشة · 2014-10-06, 14:01

يشهيييييييييي الله يعطيك الصحة
حابة نديرو و خايفة يلسقلي في الطنجرة
لازم الكوكوط تتقفل لانو تاعي ماتقفلش مليح نخاف يتحرق

loudjeine2000 · 2014-10-06, 15:29

صحة عيدكم انا ديما نحمر اللم في الكوكوط و يجي فوووووووور يدوب في الفم مي نحط غير الثوم مام الرية نفليها فيها باش على الطرطاش تاع الزيت تبقى الكوشة نظيفة وبارك الله فيكي

sandibal · 2014-10-06, 16:17

Yam yammmmmmmmmmmmme ychahi
Besahatkom
4444444444444444

إكليل · 2014-10-06, 16:35

اقتباس:

المشاركة الأصلية كتبت بواسطة أم هنيدة

يعطيك الصحة يشهي اختي من فضلك الكوكوطة نغلقو عليها بالصفارة؟

أكيد أختي تغلقي عليها بالصفارة و ما تخافيش لأن اللحم راح يطلق الماء إنتاعه

أم ضياء عبد الرحيم · 2014-10-06, 19:29

اختي درت اليوم للعشاء طريقتك تاع اللحم و جات ما شاء الله روعة

جا بنين و طايب زبدة ربي يجازيك كل خير و يجعلو في ميزان حسناتك تستاهلي احلى تقييم

تينا ماريا · 2014-10-06, 19:48

يعطيك الصحة و صح عيدكم

noursaya · 2014-10-06, 21:27

صح عيدكم هايــــــــــــــــــــل

cherinou · 2014-10-06, 22:36

يم ماشاءالله يعطيك الصحه عيدكم مبروك
ايلا تنجمي ختي عطيني رابط البطاطا سوتي

lyzzabel · 2014-10-06, 22:57

عيدك مبروووووك حبيبتي و كل عام و نتيا بخير ،،،، مممممممم صح يجي طري و بنيييين ،، يعطيك الصحة على الموضوع و هذا وين عرفتك بلي من ولايتي حتى انا كنت شاكة هههههه ،، متشرفة بيك يا الحبيبة

انتصار فاطنة · 2014-10-06, 23:24

نفس طريقتنا في تحمير اللحم احنا ما نديروش القرفة