اختي و زوجها

[مشكلتي]

السلام عليكم

اختي رزقت بولدين توفيا مباشرة بعد الولادة و بعد سنتين من وفاتهما رزقت ببنت وحيدة عمرها عام الان متعلقة بها الى حد الجنون
مؤخرا مرضت اخت زوجها بمرض خطير و معدي """مرض السل العقدي ((في الرقبة))"" و طلبت من اخيها (زوج اختي)
ان ياتي بابنته (بنت اختي) لكي تراها

اختي رفضت الموضوع قاتلو الطفلة صغيرة معندهاش مناعة و زيد راهي مريضة بالزكام هو اصر و قالها """اخبطي راسك انا نديهالها و خلي تموت """""
و مع اصراره اختي تركت بيت زوجها و هي الااااان عندنا بالبيت و ترفض العودة

اختي مراهيش موسوسة هي طبيبة و فاهمة جيدا خطورة الوضع
فهل هي مخطئة؟؟؟؟؟؟؟

[bello angel]

ربي يصلح الاحوال

[الفاتحة]

علاش ما داتهاش بنفسها وخلاتها بعيدة شوي احسن من المواجهة وزيد نقولك حاجة قل لن يصيبنا الا ما كتب لنا ولا عدوى كون ربي كاتبلها تعيش واحد ما يضرها والعكس صحيح

[abir mimi]

ربي يصفي ويقرب القلوب

[حياتي نبع امل]

لا انا نظن اختك اعطات الموضوع اكبر من حجمه .يعني ماتلحقش باه تخرج من الدار .لانو خروجها هنا كان من اجل كسر كلمتها .بما انها طبيبة كانت تدي بنتها وتروح وتفهم المريضة انو المرض معدي والطفلة صغيرة ماعندهاش مناعة وبما انها طبيبة نظن تعرف تهدر معاها بطريقة ماتجرحهاش .وتان كي تروح ليها يسما راهي كببرت بيها .ومنها ما تكسرش هدرة زوجها .ان شاء الله تعاود تلم الموضوع ويصلح ربي بينها وبين زوجها يارب

[سامر020]

الله يوفقكم ..............................................

[ام رضوان]

اختي حبيت نقولك بلي مش اختك كي عادت طبيبة تفهم كل شيء
المرض اللي مرضت به اخت زوجها ليس معدي وهذا الكلام قاله لي دكتور كبير مختص لان ابني مرض به وخفت عليه ان يعدي اخوته
فقال لي الدكتور بهذه الكلمة
لو كان يعدي مستحيل نسمحلو يغادر العيادة كون ذرك بلغت عليه وياتون لاخذه الى المكان الازم يعني المستشفى وهناك يقومون بالازم.
على هذا قلها بركاي ما دللتي وارجعي لدارك
كون حطت ربي في قلبها راهي اخذت البنت وراحت زارت المريضة وقدمت بنتها بطريقة ذكية خلات العمة شافت البنت ورضات زوجها
وكسبت اجر الزيارة .
ربي يلم الشمل ويشفي المرضى ويهدينا. اميييين

[zizou b]

ربي يشفيها ويعافيها

[ام هزار]

ربما كاين انواع تاع هذا المرض فيها المعدي و غير المعدي و بما انها طبيبة راهي فاهما واش راهي دبر............عندها الحق تخاف على بنتها يا لو كان عندها 10...... فقط اذا تقدر تقنع زوجها تروح وحدها عند سلفتها و تتحجج بمرض بنتها و توعدها انها تجيبهالها بعد الشفاء و هكذا تربح الوقت حتى شفاء قريبتها

[bello angel]

المشاركة الأصلية كتبت بواسطة ام رضوان

اختي حبيت نقولك بلي مش اختك كي عادت طبيبة تفهم كل شيء
المرض اللي مرضت به اخت زوجها ليس معدي وهذا الكلام قاله لي دكتور كبير مختص لان ابني مرض به وخفت عليه ان يعدي اخوته
فقال لي الدكتور بهذه الكلمة
لو كان يعدي مستحيل نسمحلو يغادر العيادة كون ذرك بلغت عليه وياتون لاخذه الى المكان الازم يعني المستشفى وهناك يقومون بالازم.
على هذا قلها بركاي ما دللتي وارجعي لدارك
كون حطت ربي في قلبها راهي اخذت البنت وراحت زارت المريضة وقدمت بنتها بطريقة ذكية خلات العمة شافت البنت ورضات زوجها
وكسبت اجر الزيارة .
ربي يلم الشمل ويشفي المرضى ويهدينا. اميييين

اختي راكي غالطة صاحبة المشكل عندها حق المرض معدي و خاصة هدا النوع يقولولو السل اللمفاوي
ديجا بما انها طبيبة اكيد راهي فاهمة الوضع جيدا
اما بالنسبة للزيارة كون راحت وحدها و قالتلها بنتي مريضة

[amira19]

اختي انا اعمل في هدا المجال و السل في الرقبة ما يعديش و اني عارفة وش راني نقول
اختك كبرت الموضوع و حرام عليها حتى و هدا المرض معدي لازم تكون عندنا شوي انسانية و ربي لي يستر من المرض و لي يدير النية يسلك
انا نتعامل مع مرضى السل يوميا بكل لطف و يحبوني و نحبهم و عمري حسستهم بلي راهم يعديو و لله الحمد و الستار ربي
قولها تطلب السماح من راجلها و تروح تطل على سلفتها حرام عليها

[ام رضوان]

المشاركة الأصلية كتبت بواسطة amira19

اختي انا اعمل في هدا المجال و السل في الرقبة ما يعديش و اني عارفة وش راني نقول
اختك كبرت الموضوع و حرام عليها حتى و هدا المرض معدي لازم تكون عندنا شوي انسانية و ربي لي يستر من المرض و لي يدير النية يسلك
انا نتعامل مع مرضى السل يوميا بكل لطف و يحبوني و نحبهم و عمري حسستهم بلي راهم يعديو و لله الحمد و الستار ربي
قولها تطلب السماح من راجلها و تروح تطل على سلفتها حرام عليها

بارك الله فيك اختي
انا لما قلت مايعديش راني متاكدة لان فلذة كبدي اصيب به والحمد لله لم يسبب العدوى لاحد من اخوانه وانا امه كنت اقبله واحضنه واكل من نفس الصحن معه ولم يعديني والحمد لله.
عالجته عند دكتور استاذ مساعد ويعمل هنا في الجزائر ومطلوب حتى في الخارج وهو من قال لي ان المرض ليس معدي.
ربي يسترنا.

[راية الاسلام1]

سلااااامــ
السل مرض معدي وخطير بالنسبة لطفلة صغيرة ,,, حتى في المستشفيات ممنوع دخول الاطفال الى المصلحات العادية فمابالك بمصلحة الامراض المعدية!!!
أختك لم تخطئ بخصوص المرض لأنني لو كنت مكانها لفعلت فعلتها لكن لو شرحت الامر لزوجها بطريقة وأسلوب أفضل من أن تترك بيتها وتمضي هكذا
حتى زوجك يجب أن ينتبه ,,, فالسل ينتقل بسهولة ,,, والوقاية خير من العلاج
أما بالنسبة للمريضة أسأل الله أن يشفيها شفاء لا يغادر سقما

[نورالهدى بيولوجيست]

موقف صعييييييييييييب فعلا و لكن المفروض المريضة ماتطلبش طلب كما هدا

ربي يصبح الاحوال ان شاءالله

[منار 96]

اولا ربي يشافي المريضة ويصلح الاحوال بينك وبين راجلك
ثانيا من حق اي ام تخاف على بنها لكن هنا اختك غلطت في الطريقة اللي رفظت بيها كيما هاك راهي تحسس في المريضة خاصة ان المريض دايما يجي حساس كاين الف طريقة ترفض بيها اقلها تتهرب من الموقف اي في كل خطرة تجيبلها عذرتقوللها راها راقدة ولا راها ترضع فيها ....
ثالثا هذ المرض مش معدي اكبر دليل انا مرضت بيه كي كان عندي 10 سنين وهو عبارة على ورم في الرقبة اسمو la tuberculose de nerf يجي من الاعصاب هوا مش معدي بصح احتمال كبير وراثي و الحمد لله ذركا راني لاباس عليا
واختك قلها ترجع لراجلها و تطلب السماح من سلفتها وتفهمها بلي راهي خايف على بنتها راها علا بالها بلي ماجات تكبرلها الطفلة بين عينيها حتان
وانا نضن رايحا تتفهمها اذا عرفت كيفاش تسسمح منها