Des gateaux divers pour fetes

serine.fly · 2012-06-30, 22:37

السلام عليكم

بمناسبة la soutenance

نتاع أختي الاسبوع

اللي فات حضرنا هذي الحلوى، وحبيت تشوفوها وهكا نتبادلوا الافكار,
الصور الأولى انتاع لعرايش ب، 4 شكل مختلف شوية عن العادة
ان شاء الله يعجبوكم

à suivre,,,

serine.fly · 2012-06-30, 22:45

وهذي صور الكنافة و الكفتة

à suivre,,,

serine.fly · 2012-06-30, 23:03

les gâteaux secs
صابلي وتشاراك العريان فقط بشكل هلال من باب التنويييييييييع

وجربت حلوى قدمتها الأخت في المنتدى وكانت صح رائعة ، هي حلوة أمريكا للأخت

sisi 26

مع لاتاي حضرنا المقروط مقلي، ومحنشة بالديول، ومكسرات، ما صورتهمش للأسف

om nour · 2012-06-30, 23:15

الف مبروك النجاح و الحلويات رووووعة

jackin · 2012-07-01, 00:14

الف مبروك النجاح و الحلويات رووووعة

لينا11 · 2012-07-01, 10:44

للاسف ماخرجوليش تصاور بصح بصحتكم حنونة

meriama13 · 2012-07-01, 13:50

ماكانش الصور المهم مبروك عليها التخرج

serine.fly · 2012-07-01, 23:02

اقتباس:

المشاركة الأصلية كتبت بواسطة meriama13

ماكانش الصور المهم مبروك عليها التخرج

شكرا أخواتي بارك الله فيكن,

ما فهمتش مشكلتي مع الصور، كي نحملها تبان ثم تختفي ؟؟؟؟؟؟

إ ن شاء الله هذه المرة تبقى باينة

missou fiére · 2012-07-02, 22:12

مبروك و حقا حلويات في القممممممممممممممممة شكرا

missou fiére · 2012-07-02, 22:13

تعيشي لاكان تقدري تمديلي الوصفة تاع هادوك القلوب

serine.fly · 2012-07-06, 23:28

اقتباس:

المشاركة الأصلية كتبت بواسطة missou fiére

تعيشي لاكان تقدري تمديلي الوصفة تاع هادوك القلوب

شكرا أختي على الاهتمام، وهذي هي وصفة الكفتة

المقادير:

كيلة لوز أبيض ومرحي رطب
كيلة سكر بودرة - sucre glace-
لافاني بودرة
شوية مايزينة للتشكيل.
le sirop اللي نلمو بيه العجينة ، حضريه بكأس سكر عادي + 2 كأس ماء وحركيهم ثم خليهم يغلوا لمدة 12 الى 15 دقيقة بعد الغلية الأولى، ثم خليه يبرد.

تحضير الحشو:
كيلة قاطو ماجور ذوق شوكولا مرحي + نصف كيلة لوز مرحي خشين بالقشور + أنا نضيف شوية حلوة الترك وخلطي مليح ثم طميها بالسيرو اللي حضرتيه.

تحضير عجينة اللوز:
خذي المقادير السابقة ( كيلة اللوز المرحي رقيق مع السكر الرطب ولافاني ) خلطيهم ملييييييييييح بليد باش يدخلوا فيما بيناتهم، ثم سيريهم في سيار رقيق ، وأضيفي السيرو بالشوية لأنها سريعة الالتئام ، أضيفي لكل العجينة ملون غذائي أبيض باش تكون ناصعة، ثم أضيفي لجزء من العجينة ملون غذائي وردي أو أي لون ترغبين به، لكن من الأفضل في السيرو باش يكون اللون متجانش، ثم احتفضي بها في ورق بلاستيكي غذائي.

حضري طاولة للعمل ورشيها بالمايزينة ثم حلي الحشو بالسمك اللي تشوفيه مناسب ، وقطعي بالطابع اللي تحبيها، ثم امسحي مليح الطاولة مليح من بقايا الحشو، ثم حلي بالحلال عجينة اللوز وقطعي بالطابع ( l`import pièce) ولصقيها فوق وتحت قطعة الحشو باستعمال شوية فقط من بياض البيض، اذا كانت طبقة الحشو وطبقة عجينة اللوز العلوية والسفلية عير متجانشة الشكل ، زيدي قطعيهم بالطابع اللي راكي تستعمليه باش يعطيك الشكل المناسب.

للتزيين حلي طبقة من عجينة اللوز الملونة والمقطعة بالطابع واطويها في الجانب كيما في الصورة، فقط حاولي ما تخدميش كمية كبيرة مرة واحدة لأن عجينة اللوز تنشف بسرعة وما تنطوالكش كيما لازم، ثم زينيها كيما تحبي.
إن شاء الــــــــله توفقي فيها

تحياتي...

chaima angel · 2012-07-07, 00:45

abassia81 · 2012-07-07, 11:54

هايلين ...الله يبارك

yousra26 · 2012-07-07, 12:07

merciiiiiiiiiiiiiiiiiiiiiiiiiiiii

mimi53 · 2012-07-07, 13:10

ياختي يعتيك الصحة عجبني بزاف ياريت تعطيني مقادير الصابلي وشكر