السلام عليكم
والله يا أخي ماكنش لي راح يحس بيك قدي لأني مريت بنفس الموقف أني دورقا 8 سنين زواج والحمد الله أحلى زوجين وخير مني حبو بعضاهم وتزوجوا على قناعة
أنتا تقول 20 يوم فطنة مع روحها و راهي بدات تسقسي أحمد ربي
أنا ليلة العرس قالي ماتسنايش مني نكون راجلك جيبت باش نرضي يما وتموت هانية برك ودام الأمر على حالة لمدة 2 شهور وحاجة تعدبت بصح نالت فالأخير أني هانية دورقا والحمد الله
صبر لي راك صابرو هو ليخاليها تزيد تحبك والله عن تجربة
أرجوك إبدأ صفحة بيضاء وأأكد لك أنك لن تندم توكل على الله ياخي قالتك نوليو زوجين وراحي نادما على شي لي داراتوا كامل نعديو بضغط ساعة حنا ساعات غيرنا ولازم نصبروا على بعضنا ربي يهنيكم نشاالله صارحا أحكي معاها أفهمها وكل الأمور راح تنحل نصيحة لا تستمع لمن يقولون لك طلقها كمجربة
ربي رزقك بالصبر نتا صبرت ونالت وأنا نأكذلك بلي راهي دورقا تحبك بويسك مخليتلهاش مجال باش تكرهك برزانة تاعك كيما قالوا الإخوة كان إختبار ليك إتقي الله فيها وإن شاء تكون أحلى زوجين
طمنا على حالتك أو بالأحرى بشرنا برجعتكم