التاي ديما يبهدل بيا عاونوني

[reine rofaida]

سلام يا لبنات واش راكم تعيشوا شكون لي تعرف طيب تاي اخضر ديما نديرو ما يجينيش بنين حابة الطريقة لي يديروها تاع الصحراء التاي تاعهم روعة و يجي مليان فقاعات واش هو السر؟؟؟؟؟؟؟؟؟؟

[ام ايمان16]

حتى انا حابة نتعلمو ماعرفتش

كاين لي قول التاي غليه مرة وارميه ومن بعد غليه وهاذاك هو التاي لي تشربيه

وكاين لي غليه طول مرة وحدة ويشربو

وكاين لي يضيفلو النعناع

ان شاء الله توريلنا الطريقة الصحيحة كاش وحدة

[om kamilia]

تاي ام رحاب

اسمهان وحنان هاهي الوصفة تاع لاتاي ان شاء الله اتجربوها واتعجبكم
توجدي كاسرونة كبيرة تاع الما يغلي واتوجدي لتاي ديالك لازم ايكون من النوعية الجيدة اتحطي الكيل الي راكي رايحة اتكيلي بيه وكي يغلي الماء لازم اتشلي لاتاي ديالك 3 مرات باه ايروح كامل هاداك اللون الغامق ومايجيكش بنين امبعد حطيه ايطيب في الماء على نار قليلة وخليه حتان اتشوفيه عقد في هاداك الوقت جيبي النعناع اليابس والاخضر خليه امبعد شلي النعناع بالماء البارد وكسريه كامل مليح وخليه في البراد تاع لاتاي وكي يعقد لاتاي الي كنت اطيبي فيه صفيه على النعناع وتم هو السر ديال لاتاي تبقاي اتعقري فيه يعني تبداي اتخاطي فيه ماشي بالمغرف لالا لازم لاتاي تخلطي في زوج بقارج حتان اتشوفي لاتاي تاعك ادير في الرغوة واتبقاي تعقري حتان اتشوفي رغاوي كثرت امبعد اجيبي السكر واتكملي نفس الطريقة وكي اتشوفيه عاد الحلو نحي النعناع اليابس واديري لخضر ويلا حبيتي قطرات من ماء الزهر وان شاء الله يعجبكم

[ام البنوتة]

ان شاء الله نجربو نشربو في الاعراس لكن عمري ما فهمت كيفاش يخدموه..شكرا ليك اختي على الطريقة

[قطوفها دانية]

كيما قالت الاخت والسر ايضا كاين لي يضيف السكر يطيب مع التاي باش تتنح المرورة
ايلا حبيتي

الرغوة بزاف كي تكوني رايحة تسربي ديريه في قرعة ما وخلطي ههههه رايحة تنبهر ي ن الرغوة لي تجيك

[fatisousou]

شكرا لك ام كاميليا يعطيك الصحة وتحياتي للجميع

[sabine 1988]

نفس طرريقة ام كامييليا ببدوون اضافة ماء الزهر والكيلة تتقرييبا 1 لتر ماء او اقل قليلا نديروولها كااس تااي ااوراق نتاع الشاي ونخلو الماء يغلي جيدا تم نضيف الشاي ببعدما نغسلوه ونخوه يطيب على نارر قلييلة تقريبا لربع ساعة او اكتر انت شوفي ولما يطيب صفيه وتم خلطيه مع النعناع جييدا بواسطة انائيين + السكر
وتاني السر في انو يجي مليح لازم ااوراق الشاي تكون ملييحة وعلامة جيدة والطياب على نار قليلة

[dima 08]

نفس الطريقة لكن كان تاي اسمو الكمية هو النوعية المليحة قتلق عليه صحبتي من الصحراء

[chiraz mymi]

ديري تاي الرقيم هايل

[ياسمين قدسي]

شوفي ختي انا من الصحراء ونقولك كيفاش نديروه
تجيبي براد التاي ...منعرف كيفاش تقولو نتوما المهم تحطي كاس صغير من التاي ( طبعا هداك الي نشروه من الحانوت ) وتزيدلو كمشة نعناع يابس ( حنا في الصحراء النعناع الاخضر نحطوه يشيح يومين هكاك ونخبوه نستعملوه في صنع الشاي ) المهم كي تحطي كمشة العناع اليابس تكوني من جهة اخرئ غليتي الماء تجيبي البراد نتاعك تعمريه بالماء وتشليله وتتخلصي من الماء هاداك وهاد الخطوة جدااا ضروربةةةة لانها تنحي المرارة تاع التاي
ومبعد تعاودي تعمريه البراد و تخليه فوق نار هادية يغلي ليح تفرغيه في براد اخر .....هاد التاي الاول ويكون قوي
مبعد تزيدي تعمري البراد الاول وتعاودي نفس الخطوة تغليه ....هاد التاي الثاني و يكون اخف من الاول
تخلطيه مع السكر حسب الرغبة وتجيك الرغوة والفقاعات كي تولي تخلطيه بالسكر وهو سخون ممممم ي سلام و تزيديلو وريقات نعناع اخضر .....و بصحتك حبيبة
ان شاء الله تكونو فهمتووووو

[youmost]

ممممم ي سلام