السلام عليكم أحنا نديرو التعمير وحدو بدون البركوكس نديروه بالكبد تاع ادجاج
شوبة كبد على حساب أفراد العائلة تقطعيها صغيرة بزاف ما ترحيهاش في الروبو تخسر تضيفلها شوية بصل مكرفج خشن و ثوم و معدنوس و راس الحانوت و فلفل أسود و شوية سميد متوسط كيما تاع المقروط ما تضيفيش بزاف تجي يابسة يعني بمجرد أنك تحسي هذك الكبدة المفتتة ترمدت في السميد ثم تزيدي الملح و البيض على حساب الكمية أنا ندير واحدة لمقدار 3 كبدة تاع الجاج و مبعد تخلطي مليح ثم تأخذي كيس ممكن تاع السباقيتي تديريها فيه وتديريها تطيب في قدر فيه ماء 45 دقيقة و تخدميها صوص بيضة بالحمص تجي هايلة بنينة بزاف إن شاء الله أكون وفقت في الشرح
( تقرير عن مشاركة سيئة )، و الموجودة أسفل كل مشاركة .
2013-10-04, 19:48
العرض العادي
