من فضلكم عاونوني

[Tensim]

السلام عليكم
راني حابة تعونوني وتعيطو عليا ...انافي شهر ماي دخلت لمستشفى الامراض العقلية قعدت شهر و كي خرجت كان رمضان على الابواب الهم كانت يومياتي تنشاف الارضية طبخ و غسيل الاواني ولكن المشكل منودش بكري نود على 12 صباحا ومزلت حتى الان على هذه العاده ولكن وليت فنيانة كثر وليت منسيقش نهاراتي مديقوتين خاصة واني حامل فالشهر 7 حابة نولي كيما كنت قبل مندخل لسبيطار كنت نود على 4صباحا نستغفر ونصلي الفجر في وقتو ونبدا الشغل على 6 نخلص شغلي على 8 صباحا كنت كل يوم ندير قاتو ياربي عوني

[أم شروفة]

يا اختي وعلاش تقلقي روحك المهم صحتك ....ديري قاعدة صحتي انا وابني اولى من اي شيئ ....بلاك راكي تاكلي في دواء يرقد ....رانا نوضو بكري وقتلنا غير الفراغ ...ارقدي احسن ..النوم يساعد الاعصاب ..اما عن خدمة الدار اخدمي اللي قدرتي عليها..او تساعدك اختك او احد قريباتك ... ..اختي مريضة بالاعصاب ..متزوجة بعيدة عنا...تجيها وحدة قريبة لينا تعاونها في عمل البيت وتقلها لما يجي زوجك قلو انا خدمت ..ربي يعطيها صحتها ....الواحد وش يدي من الدنيا سوى عمل الخير .. اخدمي في الليل وحافظي على كل ما نظفتي نظيف تساعدك بزاف ....وربي يعطيك صحتك وترجعي مثل ايام زمان

[ام ضياء01]

ربي يكون في عونك خممي في نفسك اولا و ماتضغطيش عليهاممكن فترة و تفوت فكري في الحمل لازم تستراحي و بعدي على هذا التفكير

[Tensim]

baraka allaho fikom rebi yahfedekom nchallah wasitouni chewia hamd

[OUMALI]

ربي يشافيك

[hanouna09]

ربي يشافيك ويعافيك ويجيبلك ساعة ساهلة
شدة وتزول
كي تشوفي روحك تقلقتي اول حاجة ديريها
الوضووووووووء
ثم قراءة صفحات من كتاب الله العزيز
راح تحسي براحة كبيييييييرة
الا بذكر الله تطمئن القلوب
وكثري من الاستغفار
وكي تحطي راسك على المخدة
تقولي
الله اكبر 34 مرة
سبحان الله 33 مرة
الحمد لله 33 مرة
وراح تولي تنوضي وتكملي شغل البيت بلا ماتفيقي كيفاش خدمتي كل هاد الشئ
تحسي بلي ربي سبحانو سخرلك ملائكة عاونتك
نتمنى تكون فترة وتعدي وتولي كيما كنتي

[hanamohamed]

الله يشافيك ويعافيك كل شيء باذن الله ادعي الله هو الحنان المنان

[oumhana]

إنشاء الله شدة و تزول أكثري من الإستغفار وراح تشوفي كفاه حياتك تتغيرإلى الأحسن ربي يشفيك وعافيك ويفرج عيكوعلى كل مهموم.آمين آمين آمين

[سرين رحمة]

ربي يفرج عليك شدة وتزول انشاء الله الصحة هي الاهم