الجزء69 من واش طيبتي اليوم لدوام المحبة والاخوة - الصفحة 4

رياحين الجزائر · 2014-04-17, 09:25

ههههههه ام ياسو قالولي هديك القهوة اتهبل انا مانشربهاش اللي انسيت مارديتش عليها تسمحلي ممكن رديت في قلبي لانو الزهايمر

ام احمد وصال · 2014-04-17, 09:30

صباح الخير و الربح والهنا مبروك رياحين الكوزينة ان شاء الله نشوفو ونسمعو فيها الخير لي عودة للباروك

ام اسلام تحشننننننننننننننننننناك

غدايا هو العشا تاع البارح بطاطا جريوات ام يسرا كثرت باه تبقى

islam1aya · 2014-04-17, 09:35

لعيونك ام ماجد تفضلي
الباروك تع المطبخ الجديد لعيونك رياحين الجزائر

تارتولات بالكرام موسلين والشانتي

الأمنيات · 2014-04-17, 09:35

السلام عليكم واسعد الله يومكم بكل خير
غدايا مازال ما درته راني صايمه
رياحين مبروك الكوزنه بصح ما شفت والو الصور كبااااااااااااااااااااااار بزاف والنت ضعيفه
المهم مبروك
اصبحنا واصبح الملك لله

faryal zahira · 2014-04-17, 09:42

صباحكن سعادة وهناء
يظهر انكم ماتشفوش ردودي لانكم ولا وحدة حست بوجودي ولا ماتستعرفوش بالوافدة الجديدة عليكم
رغم اني نطل عليكم مرة على مرة لاني اعمل ولااجد الوقت للجلوس كثيرا على الانترنت
يعطيكم الصحة على كل الخيرات الي تحطوها ربي ايبارك فيكم وديم عليكم النعم

اللهم مااصبح بنا من نعمة فمنك وحدك لاشريك لك فلك الحمد ولك الشكر كما ينبغي لجلال وجهك ولعظيم سلطانك

fadoula fcb · 2014-04-17, 09:43

اقتباس:

المشاركة الأصلية كتبت بواسطة islam1aya

لعيونك ام ماجد تفضلي
الباروك تع المطبخ الجديد لعيونك رياحين الجزائر

تارتولات بالكرام موسلين والشانتي

وكيفاه درتي لابات حبيبتي ممكن تقوليلي حبيت نديرهم لعشيه

رياحين الجزائر · 2014-04-17, 09:46

اختي فريال هاه راني شفتك ههههه ممكن ماانتبهوش لبنات فقط مش تقصير راهم ولاو في باراكة انا وحدة ننسا بزاف انشوف وانقول في قلبي وش راح انرد وننسى نكتب بصح عند ربي وصلت

R I A D · 2014-04-17, 09:53

دائمة الحمد اييه اليوم عييد
و ربي يقويك و يشفيك و يشفي جميع المرضى ان شاء الله

ليزا العزيزة الله يبارك اكل و لا مطعم 5 نجوم "اشحال المونيو تاعك"

ام اسلام تاغتولات يهببببببلو تسلم الايادي

اماني السلام = الامنيات = فريال و فضولة صباحكم بالخير و الربح

لا اله الا الله محمد رسول الله

x ام رحاب x · 2014-04-17, 09:54

[quote=faryal zahira;1056156079]

صباحكن سعادة وهناء
يظهر انكم ماتشفوش ردودي لانكم ولا وحدة حست بوجودي ولا ماتستعرفوش بالوافدة الجديدة عليكم
رغم اني نطل عليكم مرة على مرة لاني اعمل ولااجد الوقت للجلوس كثيرا على الانترنت
يعطيكم الصحة على كل الخيرات الي تحطوها ربي ايبارك فيكم وديم عليكم النعم

اللهم مااصبح بنا من نعمة فمنك وحدك لاشريك لك فلك الحمد ولك الشكر كما ينبغي لجلال وجهك ولعظيم سلطانك
[/quote]
اهلا وسهلا بيك بيناتنا حبيبتي وراكي مشرفتنا في الكوزينة مافقتش للردود تاعك سامحينا اتفضلي واش حبيتي رانا اهنا

رياحين الجزائر · 2014-04-17, 09:59

هدي مانعرفش اسمها شفتها في النت هي عبارة عن بطاطا مسلوقة مخلطة مع فرماج مفرشة في مول فيه بلاستيك وفي الوسط قلاو فيونداشي واضن شونبينيو وتوابل وزادو غطاوبالبطاطا وزينتو بالبيطراف بعد ماقلبتو
وهدا رولي نورمالمو بالجاج واللحم انا درتو باللحم والبيض

islam1aya · 2014-04-17, 10:02

اماني حبيبتي حتى انا توحشتكم كيفك ان شاء الله لاباس
فضيلة اختي اليك والى ام ماجد
الذ واروع عجينة هي عجينة نينا رووووووووعة قليلة فيها اليك الوصفة طبقيها على ضمانتي قالت انها وصفة نرمين تع فتافيت هايلة
العجينة
500غ فرينة +حطي معاها 250غ مارقرين لابال باردة ومقطعة قطع+ وقرصة ملح وفاني و+4ملاعقكبيرة سكر عادي كخستاليزي دخلي باصابعك الزبدة مع الفرينة وبدون عجن
اضيفي 2صفار بيض ملعقة صغير خميرة الحلوة لمي ب4ملاعق كبيرة حليب بارد
متخليش العجينة ترتاح واستعملي باركات او القوالب للقاعدة تنزع من الاسفل
انا عملت كريات اغطستهم في الفرين وسويتهم في القوالب اتركي الجوانب اخشان والقاعدة رقيها واثقبيهم بالفرشيطة حطيهم يطيبو في فرن 180درجة في نصف الطياب اجبديهم وحبطيهم بيدك شوية برفق وبدون ماتكسريهم ورجعيهم يطيبو ثم اشعليلهم يتحمرو شوية من الفوق
ماتنزعيهمش من القوالب حتى يبردو تماما
بالنسبة للكريم موسلين روووووعة معتمدتا ومانغيرها لانها سهلة تكيلي غير بالكاس تع العصير
2كاس حليب +حبة بيض +نصف كاس سكر عادي +ربع كاس نشا واروم الفرولة ووتخلطي جيدا وتحطي على النا غير تبدا تعقد نحيه واضفي قطعة من المارقرين فريال حوالي 25غوهي ساخنة جدا وخلطي جيدا ثم غير تبدا تدفى كملي المارقرين الي قعدت100غ يعني كمية المارغرين هي 125غ وخلطي جيدا بالياتور تصبح عندك كريمة روووووعة دهنية خفيفة ولذيذة
زينيها بالفرولة والشانتي و الجولي حطيه فوق النار واضيفي عليه عطر الفرةولة وملون احمر وزيني وبصحتكم

ام احمد وصال · 2014-04-17, 10:02

ام اسلام الوصفة بللللللللللللللللللليز

islam1aya · 2014-04-17, 10:07

شكرا ام رياض هذا من ذوقك تسلمي

رياحين الجزائر · 2014-04-17, 10:07

سلطة روز وماسيدوان هدي بالاك على المتوحمات

أم ماجد · 2014-04-17, 10:07

الف شكر ام اسلام مشهية فعلا
رياض اليوم الانتخاب واش من عمل؟تهنينا ههههههههههه
المهم خارجة نؤدي بعض الواجبات ونرجع ليكم في المساء ان شاء الله
دمتم في رعاية الله وحفظه