ريحة الفطيرة تشهييي من مطبخي ارواحو ذوقو

[ابني نور عيني]

صباح الخير حنوناتي جيتكم اليوم بحاجة نحبها بزززاف وعندي ذكريات معاها ماما كانت تطيبهانا مع الصباح مع قهوة سخونة ولا العشية مع اتاي الله الله
الا وهي الفطيرة
حنا نقولولها الفطيرة وكاين يقولولها الكسرة المهم تجي بنييينة ومليحة مع القهوة وانا اليوم درتها قبل ما يروح راجلي يخدم و عجباتو كيما كل مرة نديرها هههه حوحو يشكر روحو
انا درت 3 كيلات سميمدة مع كيلة فرينة بصح عادتي ندير عيني ميزاني وواش يكون عندي تزيديلها الزيت وتبسسيها مليح هادي الخطوة مهمة باش تدخلي الزيت في الخليط وتحتتيه بين يديك كامل ومنبعد تجيبي ماء دافي مع 3 مغارف صغار ملح و تذوبيه في الماء وتخلطي بالشوية حتى تتحصلي على عجينة تكون طرية مي ماشي طرية بزاف باش تجي مقرمشة و لذيذة ونخليها تريح شوية ونسخن الطاجين و نقسم العجينة على 4 صغار ونحلها بالحلال ونحطها فوق الطاجين على نار متوسطة ونقلبها و نخليها تطيب من الداخلوالله غير تجي هااايلة وساهلة جددددا في التحضير انا نخلطها في 5 دقائق وتسلكني كي يخلاصلي القاطو نتمنى تجربوها خاطرش ما تتشبعش و قولولي رايكم نخليكم مع الصور الى الملتقى يا حبوباتي

[&ام ايوب&]

صباحك جميل
فطيرة هايلة مع البرد تاع الصباح
بصحتكم
يعطيك الصحة

[ابني نور عيني]

المشاركة الأصلية كتبت بواسطة &ام ايوب&

صباحك جميل
فطيرة هايلة مع البرد تاع الصباح
بصحتكم
يعطيك الصحة

الله يسلمك والله غير راجلي غير حطيتها كلاها ما خلانيش حتى نصورها هههه

[جنة الفردوسْ]

بارك الله فيك

[اسراءوفاء]

يعيشك حنونة وربي يعطيك ما تتمناي ان شاء الله.

[اسيل الباتول]

يعطيك الصحة اختي

[lyna2007]

يعطيك الصحة اختي والله هاد الطياب تع الزمان صحي جدا أحسن هد الحلويات اللي مرضونا وسمنوا ولادنا .
هاد الكسرة تشبع مع الصباح كي تاكليها ماتزيديش تاكلي حتى 12. وهنا تكمن ايضا. الفائدة ديالها .
شكرا لك

[jenah]

4444444444444444444

[الأستاذ الفاضل]

بارك الله فيكم

[سحابة باردة]

شهيتيينا ام محمد تسلم الايادي

[أم الحبايب 26]

يشهي الصحة الصحة✌✌✌

[أم سيفاكس]

شكرا. لك حتى حنا نطيبها هايلة
خرجتلك روعة

[sab26]

بارك الله فيك اختي