عجينة مورقة سحرية ساهلة وناجحةمية بالمية - الصفحة 14

ام ساجد · 2015-09-11, 22:14

السلام عليكم ورحمة الله وبركاته
كيما راه باين من العنولن عندنا عجينة سحرية للامانة الوصفة شفتها في الفيس
وطبعا عملت شوي تغييرات وكانت نتيجة رائعة راح تشوفو معايا بالتفصيل
الوصفة الاساسية:كيلو فرينة ومغرفة ملح ومغرفة زيت ونجمع بماء بارد و500غ زبدة توريق
الوصفة لي عملتها:كيلو فرينة +فنجان قهو ة زيت+مغرفة سكر +نص مغرف اكل ملح + مغرفة خل ابيض
نجمعهم بماء بارد فيه قطعة ثلج من غير ما نعجن نلمها برك ونحطها في بلاستيك وندخلها لثلاجة
مدة30دقيقة ترتاح باش تساعدنا كي نحلهاوفي هاذ الوقت نحط الزبدة في المجمد
نخرجها من الثلاجة وباستعمال الفرينة نحلها قدر ما نستطيع وناخذ لراب ونربي زبدة التوريق
فوق العجينة ونوزعها في كل الجوانب والا تجاهات
ثم نلف العجينة نتحصل على لولب نضرب ضربات بالحلال بالطول وبالعرض
ونحل العجينة ونطبقها على ثلاثة وخلاص راي واجدة للاستعمال فورا وحالا
شوفو التوريق كيفاش
وفورا بعد ما كملتها قسمتها الى نصفين ونصف خدمت بيه فوا الميلفاي
ومن بقايا العجين لي خدمت بيه الميلفاي عملت ليفولفون وحشيتهم كرام باتسيير وزينتهم بالفوندو
نتمنى تجربوهاحتى لي عمرها ما خدمت عجين مورق راح تنجح فيها لانهافعلا ساهلة وناجحة باذن الله