صابر ديما ونامل *****في ايامات لهنا يتردو
رميت ضري على جبل *****ضري ذاك اجبل هدو
عندي صبري هو الحل *****والصبر كيفاه نشدو
الصبر راه مني مل *****وصبري لمولاي ردو
الصبر فيا انا تقتل *****والصابر شكون قدو
جمرة في قلبي تشعل***** وصبري باليام نعدو
يالصبر انت ليا صاحب *****وفي وما يخون عهدو
من الضر اه راني تاعب *****وايامي خوتي ما سعدو
من كاس المرشارب *****عييت وقوايمي انهدو
الصبر علمني وعلمتو***** مع بعض يدي بيدو
مرة غلبني ومرة غلبتو***** ومرة عليا فات حدو
ايه كلمني و انا كلمتو***** وليام علينا راهم شهدو
وفي ذاتي انا سكنتو***** والبيبان عليه فيا انسدو
يادرا وقتاش يفرقني *****والفراق يجي من عندو
حالي يا لسامع تعبني *****بصح الصابر يا سعدو......................*بادي مراد* 
( تقرير عن مشاركة سيئة )، و الموجودة أسفل كل مشاركة .
2015-04-15, 12:33
الصبر
العرض العادي
