قصيدة النعرة للشاعر الفحل زيعر عمر ردا على قصيدة الدشرة للشاعر جلجلي جلول

[gourari]

قصيدة النعرة للشاعر الفحل زيعر عمر.


هذه القصيدة عبارة عن رد على ما جاء في قصيدة (الدشرة )

خـَـيرَكْ لا تـــَهْداه دِيــْـرُوا فِـي سُـــرَّة...........إدِّيــهْ مْعـاكْ للنـْصَارَى وَ الـرُّومَـان
إدِّي هـَـذَ ا الـخَـــيرْ وَهْــدَى ذَا الدَشْـــرَة........خـَـلي غاشِــيهَا يـْعَافَـرْ بالـلِّي كـــانْ
أمـْـــثيِـــلَكْ الله لا يــْـخَــلـِّـي لوا جـُــرَّة........عَــيْبْ بــْـنَادَمْ توصْفــُوا بالحـَـيَـوان
سـَجْدَتْ لـُـوا لـَـمْلاَكْ طَـاعَـــة بالكــُثــرة.......والشِّـيطَانْ إيْذَا عْصَى أصْـلوا شِـيطَانْ
بـَخَّـسْـتْ أمَّـالـِـيكْ وَامـْـدَحْـتْ الكَــفـْـرَة........يـَاكْ احْنَيــَا دِيــْـنَّـا خَـاتــَمْ لـَــدْيــَـانْ
تـَـتـْـهَمْ في سَــادَاتْ كــَانـُوا لَـكْ نـُعـْـرَة.......وَ هْـدَاوْ الـتاريخْ ذَاهـَـلْ ذَ الــعُــقْبَـانْ
لاَْتـــَجْـحَـدْشْ احـْـنَا مَّــالـِــينْ الصَــحْرَة........نــَعَّرْفــُوا فـِــيْهَا دْقــَـادِيقْ الفـُـرْسَانْ
أهـْـــلْ البــَــارُودْ لَلــْمْحَـايـَـنْ صَـبــَّـارَة.......أهـْلْ الغَــيْثَة وَاجْـبِينْ هْـلَ المــَـيْدَانْ
هـُومَا أهـْــلْ الجُـودْ وَالـخَـيْمَة الحـَـمْرَة........خَيـْمَة رَبـِّي يـُوجْبـُولَكْ بـَاللـِّي كــَانْ
كــان تـْجِــي لَلــْـجُودْ جــَـادوا بالـكُـــثرة......كَانْ تجـِي لـشَانْ هُومَا أهْـل الـشَـانْ
وِينْ النـَخْــوة يـَا الـهَارَبْ من الـدَشْـــرَة..... ...أصْلْ الصَحْـرة يـَاك مَـهْـبَطْ للـقُـرْآنْ
لـِيكْ الحَـــقْ وْ ذَا جْـمـِيـلَكْ يـَا دَ شْـرَة...... .....هَاذِي بـَيْضَة فَاسْـدَة في وَسْطْ حْـظَـان
مَنْ صُـغْرَكْ وَانـْتَــا تمْـَـطْمَطْ فـالـبـَــقْرَة........حـَـتَّى جَـفْ حْـلِـــيْبْهَا وَحْـظَى مَــكَّـانْ
رَاه عْـطَـبْ بـــَزُّولْـهَا نـَابْ الــغــَــدْرَة........نـَابْ مـْـقَابَلْ نــَابْ كَـثــْرَتْ الـنِيْبَـان
يـَا جـَاحَـدْ لــَجْـمِــيْلْـهَـا ويِــنْ العِــشْـــرَة.......لَـْو مَا الدَشْــرَة ماتـْـقَـفِّي ذِي لـوْزَانْ
كـُــنْتْ تــْسَـــلَّمْ للشْــــيُوْخْ الشُعَـــــــارَة........وِ يْـدَ لـُّوكْ بـْـرَايـْهُـمْ تــَجــْبَرْ عُـــنْوَانْ
يـَــا بـــُوجَـادي وَاشْ لــــَزَّكْ للهَـــدْرَة........ظهْـرْ الـمَوْجَة مَا يـْسَـاعَفْ للـتَــطْعَـانْ
غَيْ فـَـرْطُوطْ وْ سَـلْعَــه ضَـوْ الجـَـمْرَة........عَـنْدْ دْقِــيْـقَة جَـنْحْتـُـوا صَارَتْ دُخَّـانْ
وَلاَّ نـَمْلَة زْهــَـاتْ بجَــْنــَـاحْ الــطَـيرَة........شَاوْ الـفَّـزَّة تـْصَـادْفَتْ بـَهْلْ الجَـنْحَانْ
حَالكْ حَـالْ كـْـفـِيْفْ في لـرْضْ الـوَعْــرَة.......مَنْ بـَكْرِي لـَعْمَـى يـْخَالَفْ في لَلْوَانْ
هـَـاذِي دَعـْـوَة يــَـا الشَــــاعر للــْـهَجْـرَة.......وَ حْنـَـا في حَاجَة كْـبِيْرَة للشُـبـَّــــانْ
كـَانْ أنـْتَـايـا دْرَيتْ بـَحْــقَايــَـقْ مــُـــرَّة.......مَـا حَــقــَّـكَشْ تــْقوْلـْهَـا في ذَ الأوَانْ
البَـهْجَـة مـُحَالْ لا تـَـرْجَـعْ دَشْــــــــــرَة........مـُحَالْ صْـنَادِيــْـدْهَا تـَرْجَعْ رَعـْــــيَانْ
مَاهُو وَقـْـتْ مْـلآوْمـَــة هَـــاذِي زَرَّة........وَ نـِّي لاَ تــُغْدَى الخـَـيْمَـة بالسُـكَانْ
لا تــَرْمـِيْشْ حْـرِيْرْهَا وَسْــــطْ السَـــدْرَة......يَرْجَعْ عَـنَّا سْـلاَكـْـهَا مَحْـنَة وَ مْـحَان
مـَنْ وَاجـَـبْنـَا كـُـلْ نبَـْـكُوا وَاشْ صْــرَى.......نـَـبْكُواهـًوْلْ بـْلا دْنَا في عُـقْبْ زْمَـانْ
بِيْنــَا جُرْحْ كْــبِـيرْ وَ خْـــيُوطـَـهْ بـــَــــرَّة.......سَهْمْ مْصَاوَبْ جَا عـْلَى الكَـبْدَة نـِيشَانْ
أتــْـفَــرَّقــْـنَا وْ صَــفـْــنَا وَلاَّ عـَــــشْرَة.......بــَـينْ الخاوَة يا الخـُو ما كَانْ أَمَــانْ
ذَاكْ مْـشَــرَّقْ ذَا مـْغَـرَّبْ للـــــظَـهْـرَة.......ذَاكْ يــْطَــفِّي ذَا يــْـلَهـَّـبْ فَالـنِيْرَانْ
يـنْصُر دِينْ رْجَــــــالْ مَا لــَـعْبُوا صَفْرَة......نـَاضُو بَالصُّدْقْ وَالوْفَى صَانُوا لَـيْمَانْ
لـَـوْمـَا هومَـا بــْلادْنـَـا صَـدَّتْ بـُـكْــــرَة.......صَـرَّفْ عـَنْهُمْ يَا الله كَـيْدْ العـَـدْيـَانْ
عـَاهَـدْنـَا مَـازال يــَا مـُــــولْ الــدَشْــرَة .....حَتــَّى نـَمْضُـوا كـُـلْ نـَعَّـشْرُوا لَـكـْفَانْ
أحـْـنـَا مـَا جَــيْنـَاشْ للخـَـــايـَنْ نــُـعْرَة......وَ حْـنَايـَا مَـانـنْصْرُوا صَـفْ الخـِـيـَّانْ
لا تـَجْعَلْ مـَنْ حـْدِيـْثــْنَا لـِيهُـمْ سُــترَة........يــَا سَامَعْني دِيــْــرْ للـْكَلـْمَة مـِــيْزَانْ
وَ الـنـــَاسْ اللــِّي قـُـلْتْ كـَانَتْ تـَتْـعَزْرَة......أطـْلُبْ رَبــِّي العَـاقبة لـِـيهُمْ تـَشْيَان
مــَا يــَفْــلَحْ مـُحَالْ مَنْ خَــانْ الثــَـوْرَة.......يـَا لوْ كـَانْ يـْـشَدْ فِي قَبْـرْ الـعَــدْنــَانْ
وَ حْــــنَايَـــا فَالــحَـقْ مــَـانـَـا شُــــعَارَة......قـُـلْنَا غـَــيْرْ نــَّـبْهُوا مـَنْ هُـ غـَـلْطَانْ
كـَـرْمَسْ ذَا عُــنْوَانــَا للــِّـي يــَـــــقْرَى.......وَ تـْـيَارَتْ بـَـمْجَادْهـَا مـَهْدْ الــفُرْسَـانْ
إذا سَــلْتْ الأصْـلْ نــَسْبــتْـنَـا صَحْــــرَى.......مَا نـَرْضُو لـَكْسَالْ وَعْـرَاشَهْ تــَتـْهَان
مــَا نـــَـنْعَتـْهَـا لا بـْــنَعْـرَة لا ذَعْـــــــرَة.......نــَهْدَاهَــا لــَـسَّـامـْعِــبنْ بـْـلاَ عُــنْوَانْ
يـَا رَبــِّي طـــَـفِّي عـْــلِيـْنَا ذَا الــجَمْـــرَة.......حـَـشَّمْنـَاكْ بــْجَـاه مَـنْ جَا بَالفُـرْقَانْ
و الصَلاة عْـلـِيكْ يـَا أبــــــوا الــزُهْـرَة.......أَلْـفَ صْلَى وَ سْـلامْ يَا نـُورْ الأعْــيَانْ
عمر زيعر / بَنْ عَـلآلْ - عين كرمس - تيارت

[الكوثري]

فيما يخص طالعة القصيدة،وعجز البيت الأول منها تحديدا أحفظه من في سي عمر هكذا :

خيرك لا تهداه،ديره في صرةْ ***متن عنو بالخيوطةْ والشرطان


فهل تُراه غيره أم هي رواية أخرى للقصيدة ؟

والله يرحمك ويرحم والديك على القصيدة فكرتنا بسي عمر والملحون،وإذا كانش خير كيما هذا عندك جيب لي نقرا ويقراو الي يبغو الملحون.

[رشيد آل عمر]

خيرك هنا خليه، خلِّي بالكثـــــرة ... عمَّر ذي الصفحات متعنا بالالحان

الكوثـــري راه غــير هنا يقـــــرا ... اصْحَــيَّبْنَا زيــــدلو من كل الـــوان

[الكوثري]

مادامت من عندي رشيد تعجبني،فهلا حاولت إكمالها ؟

[gourari]

بارك الله فيك اخي كوثري عندي مجموعة قصائد مسموعة. ام بي 3. للشاعر جلجلي جلول .
عندما ارفعها للنت ساضعها في منتديات الجلفة........... ان شاء الله...

[الكوثري]

المشاركة الأصلية كتبت بواسطة gourari

بارك الله فيك اخي كوثري عندي مجموعة قصائد مسموعة. ام بي 3. للشاعر جلجلي جلول .
عندما ارفعها للنت ساضعها في منتديات الجلفة........... ان شاء الله...

كثر الله خيرك،وإن كانت رغبتي الحصول على مسموعات لسي عمر،وعلى كل حال كل ما تجودون به فيه فائدة

[البيرين1]

gourari لا فض فوك امتعتنا وابقى هكذا بلبلا في سماء الملحون

[حمد كارل]

كي صبت لمطار و الرعد اتكلم لقصر لفاش ترقد هذا الناس

[علي النموشي]

الحق الحق ان شاعرنا الفحل جلجلي جلول قد اصاب في ما قاله ، لانه تعرض في مجمل قوله الى مشكل الاخلاق لا اكثر ، و ما اضنه قد اعاب في ما ذهب اليه .

[الكوثري]

أخانا النموشي حتى سي عمر أنصف الرجل،وعاب عليه توقيت القصيدة وزمن خروجها للناس،قال:

عندك حق،وذا جميلك يا دشرةْ .... الابيات

[attaoui]

الله ينورك

[بلقاسم21]

الله يحفظك ويرحم والديك ويرحم الشيوخ اللي قراوك يا سي عمر من اخيك عمراوي من الصحراء

[medcherif03]

السلام عليكم

على حسب ما أضن حتى الردود و التعليقات وجوه و بالمعريفة... يا سبحان الله
بعض القراء و المتصفحين يمارسون تكميم الأفواه لا أدري لماذا؟؟؟؟؟؟؟؟؟؟؟؟؟؟؟؟؟؟؟ عجب!!!!!

[محمد الشاعر]

الحقيقة ان رائعة جلجلي جلول تبقى خالدة خالدة ولن يستطع إلى اليوم شاعر مهما بلغ مجاراتها لأنه ايقونة خالدة قمة في كل شيءووحسب رأي المتواضع ان قصيدة الزيعر عمر لم تستطع مجاراة نسقها ومعانيها وصورها لأن الأولى صادقة فكانت خالدة لا يملها القديم ولا الحجيث -نعم قصيدة حلجلي فاقت الوصف والجمال والروعة بدليل تلقف الناس لها وتلهفهم لسماعها وقد حفظها الكثير وغناها من غناها -اما قصيدة الزعير مع احترامي للشاعر الكرمسي فإنه لم تجاريها ولا تضاهيها-وهذه الأمور توفيق من الله وفقط
ابقاي على خير يا هذا الدشرة**لي غاشيها غير فلان يرد و فلان
راني حالف مانولي ذا المرة**و لو نموت في صحرا عطشان
نعشر بر الروم و بلاد الكفرة**و لا نعيشر بر ش....و الرعيان
لحديث تنوفيق و الضحكة صفرة **و الصحبة تحيا و تفنى بالقضيان
بلسانو يعطيك قنطار مصرة**و الحيلة متلبدة تحت البيطان
بالرشوة تلقاه ماشي للعمرة**و يصلي في البيت في آخر رمضان
و يولي بكلاح و عباية صفرة**و يعطيها للزور و كلام البهتان
يحلفلك ليمين قداه مرة **و يحلف بالكعبة و يحلف بالقرآن
و يحرم البزوز و يحرم لمرا**و غير يصد عليك تلقى كذبو بان
أخزيهم يا خالقي في ذا الدشرة**ذا القوم للي حلفها ما فيه امان
أبقاي على خير ياهذا الدشرة **للي يحكمها غير الجاهل و الخوان
تلقى لي ملو غبار السبورة **للسياسة داخلين بلا سلطان
المرفوعة تاليتــها مجرورة**و العطف يوروه غير لفلان و فلان
و الفعل المجهول مبني للكسرة**و اسماء الخمسة يديرو ليهم شان
تلقى المير .... و النايب ......**و المجلس تعبان يختل في تعبان
ما تفرز أمي على واحد يقرا**و لا تفرز صاحي على واحد سكران
غير هيدورة لاصقة في هيدورة**و غيرخاين مدسوس بين الخيان
كا..... مدربين على الحقرة** و يا ويح الي جالهم بين النيبان
كي تسمع لحديثهم عند الهدرة**تقول أنت لبطال هاذو و الشجعان
لو تعجنهم ما يجو في صاق مرا**و لو توزنهم ما يوفولك ميزان
كي الغراب منين يعلا فالشجرة**يحسب كل الخلق تحتو ذبان
أبقاي على خير يا هذا الدشرة **للي لاحت تاريخها في عقب زمان
يا سعد الي جا موظف من برا**بلوصلة يضحا عزيز و مولا شان
يدولو لفراش و يزيدوه مرا**و كل خميس عشاة مشوي عند فلان
ما يحتاجش لا حليب و لا خضرة**كلش خالص جاي من عند الرعيان
هذا باهز جايب مخدة حمرا**و هاذا يجري جايب قريعات دهان
تلقى المشمت غير توصل فالهدرة **و تلقى المرعن غيرتجرجر فالخرفان
أخزيهم يا خالق يفي ذالدشرة**ذا القوم لي شانها ما جا كشان
و ارزقهم لعجاج و معاه الغبرة**وزلط الي بدراهمو يولي جيعان
إذا راد الله من هذا المرة**ما نرجعش خلاص لبلاد الرعيان
أبقاي على خير يا هذا الحفرة **راها ليكم يا شمايت و العديان
ما رنيش على الرجال أهل النعرة**لي كلمتهم ما لقلت منين تبان
ما رنيش على البزوز الى تقرا **و مارانيش على الي سكنو لكفان
مارانيش على الشجرة و الحجرة **وما رانيش على الولية و الحيوان
مقصودي رعيان ما ليهم جرة **و كي عكست ليام و لا ليهم شان
كانو مدسوسين في وقت الكفرة**و ياسر منهم كان في صف العديان
ضروك جاب شهود و ادخل الثورة **و اخرج عندو كاميو قهوة وبلان
لحقولو رابيل حج وزاد امرة**و اصبح في التاريخ يفتي بالبرهان
و يعود يقول بيا واش صرا**كي كنا في الجيش أنا و حياة فلان
فوق احمار و لاحقتني طيارة **ذاك الشي و ضربتها بين الجنحان
و اهجمت على شار بعمود و حجرة **دقدقتو و قديت في جدو نيران
أخزيهم يا خالقي في الدشرة**ذا الحركة لي عايشين بالبهتان
و أرحم من شافو الكحلة و المرة **و ماتو شهداء على الصدق و الايمان
متعهم بالحور في الجنة الخضرة**و اسكنهم يا خالقي خير الجنان