تطبيقي الفاشل...الى محترفات الطبخ أين الخلل

سماح الجيجلية · 2013-10-25, 13:43

طبقت خبز المطلوع في الكوشة لاحدى العضوات نسيت اسمها لكن فشلت
أول حبزة طيبتها انتفخت لكن من التحت ماطاباتش و اللي بعدها مانتقحوش مليح و ماجاش هشوش

nour inasse · 2013-10-25, 13:49

اختي راكي ما سخنتيش الفرن مليييييييييييييح قلتي بلي ماطابتش من تحت لأنو الخبز لازمو فرن سخوووووون مليح باه ماتفسدلكش حنا نقولو صاشت
المهم اذا عاودتيه خليه يخمر مليح ماتزربيلوش ودخليه فرن حامي موفقة انشاء الله

ام البنتين · 2013-10-25, 14:22

من اسرار نجاح الخبز هو لازم تخليه يطلع مليح كي تحطيه في البلا اي قبل ما تدخليه للفرن هذه خطوة جد مهمة

المستغفرة · 2013-10-25, 14:27

اختي اذا راكي على خبز ام ابراهيم يهبل وهشيش
سخني الفرن مليح وشعلي من فوق كي طيب
منفوق خرجيها و اقلبيها تحمار
وكي تخرجيها تلقايها حمرا امسحيها بشوي زيت
انا في دارنا نولي غير ندير في السبة باش
نديرو يهبل ايمات العيد درتو ميديش الوقت في طياب
لوكان دريه بالفرينة وكي تقرصيها دريلها السميد
يهبل ياي يا ام ابراهيم كل منديرو نجيبلك دعوة

lahna moka · 2013-10-25, 18:38

خبز أم ابراهيم هاااااااااايل
اذا هذاك اللي جربتيه عاودي قراي الخطوات بتمعن و ان شاء الله تحطيلنا تطبيقك النااااااااجح

fatma1977 · 2013-10-26, 11:17

أنا وقعتلى نفس المشكل ومرتين وحلفت ما نزيد نعاودها لكن فى الاذاعة نتاعنا عاودتها أم العيد وكى جربتها بطريقتها جاتنى هايلة ودائما نخدم بوصفتها إليك الوصفة
3 بيضات
3ملاعق كبار خميرة خبر
3 ملاعق كبار سكر
3 كيسان حليب
كأس زيت
كيلو فرينة تخلطى المقادير وتتركيها فى مكان دافى مدة ساعة كاملة ومن باعد إقسمى العجينة على 2 وإدهنى السنيوة نتاعك وطبقيها فيها وإدهنيها بصفار بيض ودخليها للفور يكون سخون وإتركيها 20 د راهى تجيك هايلة

سماح الجيجلية · 2013-10-26, 14:08

اقتباس:

المشاركة الأصلية كتبت بواسطة المستغفرة

اختي اذا راكي على خبز ام ابراهيم يهبل وهشيش
سخني الفرن مليح وشعلي من فوق كي طيب
منفوق خرجيها و اقلبيها تحمار
وكي تخرجيها تلقايها حمرا امسحيها بشوي زيت
انا في دارنا نولي غير ندير في السبة باش
نديرو يهبل ايمات العيد درتو ميديش الوقت في طياب
لوكان دريه بالفرينة وكي تقرصيها دريلها السميد
يهبل ياي يا ام ابراهيم كل منديرو نجيبلك دعوة

صح هو لأم ابراهيم تأكدت من الوصفة أما الحطأ اكتشفته ما حليتوش يخمر بعدما قرصتو ما تولهتش لهدي النقطة حسبت يطلع في الكوشة

islam02 · 2013-10-26, 20:02

اختي ننصحك بخبز الاخت فريال 88 اوكي اجي اطيبي الخبز حمي الفرن امليح او حطي الخبزة اعلى وجها يعني القاعدة اتولي من الفوق والوجه من التحت

ام ساجد · 2013-10-27, 10:38

معليش تصرى حتى لمحترفات الطبخ عاوديه وان شاء الله تنجحي