اريد حلا طماطم معجون..........

[بوبازين]

اعضاؤنا الكرام اريد حلا طماطم معجون في التلاجة وتتعفن وتصبح رائحة كريهة.ماهو الحل ارجوكم............. وشكرا مسبقا

[dalal 28]

تقدري تكونجلي جزء منها اختي

[ام منيب]

السلام عليكم باين انك ماتستعمليهاش بزاف على هكا تبطالك و تتعفن اشري علب صغيرة تاع نصف زطل لما تشريها وتفتحيها حوليها في علب زجاجية اعملي فوقها طبقة صغيرة من الزيت العادي ولما تعودي تستعملي الطماطم اغلقي العلبة باحكام حاولي ماتحطيهاش في باب الثلاجة و من الاحسن تحطيها في اعلى رف ومباشرة تحت المجمد باش ماتتعفنش ربي معاااااك

[crystale49]

اختي انا نعمل نفس طريقة الاخت ام منيب خاصة اني مانستعملهاش بزاف

[سمراء الدنيا]

شكرا للاخوات على الاجابة
انا نشري نتاع الكيلو و نقسمها على 3 بلارات زجاج 2 نديرهم في الكونجيلاتور و 3 ندبرلها طبقة زيت ما تفسدش
و حداري انك تخليها في العلبة نتاعها دائما فرغيها في بلار زجاج

[بوبازين]

شكرا علي الردود انانستعمل طماطم تاع الكيلو دائم.بحكم زوجي يعمل بعيد ومكانش طليا سؤالي واش من زيت زيتون او زيت العادي وكم الكمية علما راني نفرغها في بلارة زجاج

[kika85]

انا دايما الطماطم غير نشريها نديرها في باطة تع الزبدة وندير معاها شوية زيت عادية باش كي نجي نستعملها بعدما نديرها في المجمد ما نلقاهاش جامدة وتنقسملي بسهولة وتقعد واش تقعد ما تتعفنش كاااامل تبقالي دايما نقية
جربيها على ضمانتي

[ثلوج الشتاء]

انا ثاني نجمد طماطم تاع لبايط في الكوجيلاطوربعد ما نحطها في علبة تاع بلاستيك بغطاها وكل ما نحتاج طماطم نحي قيمة ما نحتاج ونرجع العلبة خاطر مهما تجمد تبقى شوية طرية وتفسدش حتى تخلص

[تينا ماريا]

اختى كما قالولك لبنات اما جمديها او حطي لها طبقة زيت طبعا بعد تغيير العلبة
الزيت حطي اي نوع كما تحبي بحيث تغطي الطماطم برك باه تعزلها عن الهواء لانه هو اللي يسرع عملية التعفن،

[ايمان نور الجزائر]

انا كي نشريها ونفتحها نفرغها في علبة نتاع زجاج
كيما علبة المايونيز ونضيف في قاع العلبة زيت نباتي من بعد نفرغ الطماطم المصبرة
ونزيد نصب شوية زيت ونخلط بالمعلقة مع قرصة ملح
ونغلق عليها مليح ونحطها في الفريجيدار
ونستعملها وتشد مدة مليحة ما يصرالها والو

[djazia87holi]

اختي ديري فوقها الزيت برك وكي تحتاجي منها نحي الزيت وطيبي عاااااااااااااااادي