مايونيز خفيف و زاكي كيما اللي يتباع

[إلهام07]

صباح الفل و الياسمين ياحراير المنتدى

تفضلوا من هنا تعديل الوصفة : https://www.djelfa.info/vb/showthread...1#post12925221

استفدت كثيرا منكم يا فحلات ، راني كل أسبوع نتعلم وصفات جديدة و نطبقها و تخرج تهبل .
بصراحة حشمت منكم ، انا ديما نتعلم منكم و لكن ما فدتكمش بحتى وصفة من وصفاتي مع انني عندي حوايج بزاف نشاركهم معاكم و السبب أنني ما عرفتش نحمل الصور .
المهم جبتلكم وصفة نتاع مايونيز خفيييف شفتها في منتدى و جربتها البارح و عدلت فيها شوية وجات خفيفة تهببببل.
الوصفة الأولى

هاذي المقادير :
1- بيضة كاملة طازجة و بحرارة الغرفة
1- كاس متوسط زيت
1- ملعقة صغيرة سكر ( من الأحسن sucre glace )
1- ملعقة صغيرة ملح
2- كاس ماء
4- ملاعق كبيرة نشاء
* خل أو عصير ليمون حسب المتوفر لديك ( الأحسن عصير الليمون لأنه رايح يخلي عطر و ذوق مليح أحسن من الخل )
* فلفل أسود
* من 1-2 فص ثوم
* القليل من مبروش الليمون ( اختياري ) ZEST
1- ملعقة صغيرة خردل (اختياري )
4- حبات جبن ( ممكن أكثر او أقل أو الاستغناء عنه ، لكن هذه الإضافة تجعل من الوصفة جدا لذيذة )
الكيفية :

* حطي الماء + النشاء في طاوة على النار و حركي بسرعة و باستمرار حتى يثقال الخليط ، طفي عليه النار و خليه.
* حطي البيضة في العجانة ( لأن السرعة وقوة الخفق نتاع العجانة أكبر من الباتور ، وإذا ماعندكش عجانة استعملي الباتور و حطيه في السرعة القصوى ) ، اخفقي البيضة بالسرعة القصوى ( الهدف من هذا هو الحصول على مايونيز خفيييف ) .
* لما يطلع البيض مليح و يصبح مثل الكريمة الثقيلة أضيفي الزيت قليلا قليلا على شكل خيط رفيع.
* أضيفي الثوم+الخل أو الليمون +الفلفل الأسود +مبروش الليمون le Zest + الملح+السكر ، مع الخفق.
* أضيفي خليط النشاء و اخفقي .
أفرغي المحتوى في إناء وأحكمي إغلاقه و ضعيه في الثلاجة .
- ملاحظة: 1 بيضة واحدة راهي الديرلك كمية كبيرة ، أنا بيضة متوسطة حصلت منها على مقدار بلارة نتاع حمص كبيرة معمرة .
- حضري دائما كمية قليلة من المايونيز واحتفظي به في الثلاجة ، يعني لما تستعمليه رجعيه مباشرة إلى الثلاجة وحافظي عليه دائما بارد ،لأن المايونيز المنزلي يفسد بسرعة فهو لا يحتوي على مواد حافظة.
- هذه الوصفة تحتوي على كمية زيت أقل من الوصفات الأخرى و تحتوي على بياض البيض اللي يخلي المايونيز خفيف.
- لما تستعملي العجانة رايحة تختصري الوقت ( حوالي 10دقائق و انتهى )
جربوه و ردولي بالخبر ، راني نستنى في تطبيقاتكم .

[ام عماد الدين]

فكرة مليحة وساهلة رايحة نجربو ان شاء الله ونردلك الخبر شكرااااااااااااااااااااااااااااااااااااااااااااا

[شهـرزآد]

شكر جزيلا للطرح القيم...

[thawizat]

merci ma soeur
ya3tik saha

[منال 22]

Merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiii

[ام اكرم31]

شكرااااااااا رايحة نجرب

[إلهام07]

يا بنات ، راني عدلت في الوصفة و خرجت أحسن من المرةالأولى .
كاش وحدة جربتها؟

[الوهرانية 1]

شكرا حبيبتي على الوصفة وننصح الاخوات يجربوها لاني نعتمدها كثير وتخرج هايلة بارك الله فيك وفي الاخت الي مدتلي الوصفة
للامانة وصفتك فيها مكونات اكثر من الوصفة الي عندي نحاول نجربها بطريقتك لكن الشي الافضل هو انها اقتصادية احنا درناها في عرس اختي
تحياتي

[إلهام07]

المشاركة الأصلية كتبت بواسطة الوهرانية 1

شكرا حبيبتي على الوصفة وننصح الاخوات يجربوها لاني نعتمدها كثير وتخرج هايلة بارك الله فيك وفي الاخت الي مدتلي الوصفة
للامانة وصفتك فيها مكونات اكثر من الوصفة الي عندي نحاول نجربها بطريقتك لكن الشي الافضل هو انها اقتصادية احنا درناها في عرس اختي
تحياتي

هذا من ذوقك أختي الوهرانية ، ما تتصوريش سعادتي لما شفت الرد انتاعك في وصفتي المتواضعة.
أنتهز الفرصة لاقول لك : مرحبا بعودتك إلينا و في انتظار جديد إبداعاتك
فيما يخص الوصفة: الوصفة الأصلية فيها مكونات أقل لكن كل ربة بيت لها لمستها أنا حبيت نحسن فيها فأضفت على الوصفة الأصلية : الملح و الثوم و الفلفل الأسود و zest و الخردل و الجبن، خرجت لوصفة أخرى هههههه

[الوهرانية 1]

المشاركة الأصلية كتبت بواسطة إلهام07

هذا من ذوقك أختي الوهرانية ، ما تتصوريش سعادتي لما شفت الرد انتاعك في وصفتي المتواضعة.
أنتهز الفرصة لاقول لك : مرحبا بعودتك إلينا و في انتظار جديد إبداعاتك
فيما يخص الوصفة: الوصفة الأصلية فيها مكونات أقل لكن كل ربة بيت لها لمستها أنا حبيت نحسن فيها فأضفت على الوصفة الأصلية : الملح و الثوم و الفلفل الأسود و zest و الخردل و الجبن، خرجت لوصفة أخرى هههههه

حبيبتي وصفتك في القمة وماكانش وصفة متواضعة الكل رانا نستافدو انا افديتني اليوم بلمستك وراح نجربها وعلى كل تواضعك دليل على رقة قلبك سلامي ليك حبيبتي واي حاجة تحتاجيها مني انا موجودة

[نعيمة29]

يعطيك الصحة.

[ام زيزو]

يعطيك الصحة باين هايل وبنين

[serine31]

فكرة مليحة وساهلة يعطيك الصحة

[faizarbh]

يعطيك الصحة الهام فووووووووووور

[linat]

بارك الله فيك على الجهد المبذول