يوميات عضوة

[ام عبودة]

السلام عليكم واش راكم
اليوم نظت على 4 وجدت القهوة لزوجي
وتوضيت وصليت وقعدت نوض فيه لقريب 6 وجدتلو حوايجو وحبيت نرقد نوضني نسخنلو في القهوة
هو خرج وانا وليت رقدت
نظت على 8 فتحت التواقي وتقهويت ومن بعد خملت الحالة خفافي وكنست الداخل والبرا
خرجت ميمي نلعب فيه برا دخلت ودرت رياضة
لحق الغداء حطيت للزوج وهو خرج وانا صليت واوووب للنوم هذا وين فطنت وراني نشرب في كاس تاي

[نخله.]

صباح النوووووووووووور

اليوم فطنت 7 توضيت وصليت وجدت الفطور و نوضت ولدي البكر فطر وراح ونا ما نقدرش نبدا شغلي حتى يفطن الزوج طلعت تكسلت حتى ناضو البقيه على 9
فطرنا وراح الاب للعمل الام الى المطبخ درت الغدا ..........الحوايج فالمشينه.................نظفت الدوش و التواليت درت الميناج اليومي ما فتحتش لانو غبار كنست الداخل والبر رشنت بالما

حاولت نبدا البرنامج تع بيتك جنتك بدبت بخزانه الاحذية والمرايا للي معاها جايين مع الدخله نقيتهم مليييييييييح قعدت معاهم سااااعه جا وقت الغدا تغدينا وغسلت الماعن ودوشت وطلعت للميكرو نريح في انتظار صلاة الظهر وراني نسمع فيه يأذن............نروح نصلي سلام

[ام ياسمين10]

وين راكم واش بيكم!!!!!!!

[ام عبودة]

المشاركة الأصلية كتبت بواسطة ام ياسمين10

وين راكم واش بيكم!!!!!!!

هههههههه رانا هنا
رانا معروضين عند سمورة
راه المنتدى ثقيل معايا توحشتكم مووووووت

[ام ياسمين10]

يتوحشك الخير ام عبودة انا تانى توحشتكم مالا نروحو قع عند سمراء بالاك نتلاقاو تما

[ام ياسمين10]

نخلة حبيبتى سامحينى والله مشفت رسالتك غير هذا وين شفتها .رانى سقسيتلك راجلى وقالك راها متضرش البيبى اذا كان فى الاشهر الوسطى يعنى الرابع والخامس والسادس ونضن انتى راكى فيهم وهى فى الشهور الاولى تسبب اجهاض يعنى لوكان كشما كاين تمتم يبان وانتى فوق طابلة نتاع طبيب تحسى بالتقلصات .متخافى ماوالو الحمد لله راكى لاباس وربى يجيبلك الشفاء.

[نخله.]

هنيتيني الله يهنيك ام ياسمين خفت كاش ما يصرا ؟؟؟ ونا راني قريب نكمل الرابع ولله الحمد

و سمحيلي كثرت عليهك راكي تعرفي لخلايع تع الحامل

[ام ياسمين10]

نخلة لاشكر على واجب واى سؤال رانى هنا فى خدمتك .

[ام ياسمين10]

نخلة لاشكر على واجب واى سؤال رانى هنا فى خدمتك ....

[ام ياسمين10]

شكون تعطينى طريقة تنظيف وجه الماطلا .توسخلى ومعرفتش كيفاه نقيه

[ام عبودة]

السلاااااام عليكم وليكم وحشة
ام ياسمين انا في راي غير الغسيل وخلاااص
بصح راهم كاينين دي كوفير يتحكمو بلاستيك في الجنابات شفتهم في لي زوتيل وعييت نحوس علهم هنا ما لقيتهمش حطي عينك عندكم بلاك تلقايهم
كي يتوسخو اجبدي واغسلي ورجعيهم

[ام عبودة]

هاذو الايامات الاعمال تكرر من غسيل وتسياق ومسيح
والحمدلله كملتالحزب الثاني من سورة البقرة
عزوجتي راحت للعرس وانا راني مولات الدار هاذو الايامات
هذوين كملت العشاء وراني قاعدة

[نخله.]

ام عبوده الكوفير ولا لي اوس كاينين انا شريت منهم عندي وحد 3 سنين تع بلاصه 90سم ب 180 الف وتع ماتلا دوبل ب250 واذا ما لقيتيش كوموندي عليهم

الحانوت للي فالمقام مقابل لاري 600 يبيع الاحوايج شبه صيدلانيه والكاليتي تاعهم هايله انا راني نغسلهم فالمشينه البلاستيك تاعهم مقطن ملداخل




ياسمين انا ثاني وحد لي تاش كيما درت معاهم ماراحوش خيطت كوفير وحدوخر وزدتلو تع النيلون وخلاص

[ام ياسمين10]

سلام عليكم ربى يحفظكم يا صديقاتى لعزاز .والله انا تانى خيطتلو كوفير يسترو من تحت وفوق بصح كتانو رقيق وكشما تتكفح حاجة عليه تعقب مالا وصيت راجلى على النيلو لى حكيتى عليه بصح ماصابوش نزيد نقولوعلى حوانيت شبه صيدلانية بالاك نصيبو وراه عندى واحد نتاع بلاصة دايراتو فى مطرح ابنى جابولى راجلى من السبيطار هههه يستعملوهم فى مطارح المرضى

[ام ياسمين10]

صباحكم سعيد ومليء بالنشاط والحيوية