الدرس الخامس فى الفتلة بالمشينة

djamilach23 · 2014-12-10, 11:14

الله ايبارك فيك المهم كلش راه مهضوم لحد الساعة ان شاء الله في ميزان حسناتك. ماهوش شرط الظفيرة من الاحسن البرم عندي والبرم ايكون اثناء الخياطة ام قبلها مشكورة وماجورة انت والاخت كرونو. انتمنى نروحواللمكينة لان الكل ينتظر في تلك المرحلة ربي يعطيك ما تتمني.

ام رشدى · 2014-12-10, 12:13

شكرا اختي لخروبيةشكرا ليك على تعبك معانا وربي يجازيك قداش اندير طول كل وحدة وهل كبة وحدى انتاع الفتلة تكفيني في الاشياء الي رايحا تعلميهوملنا ولا نزيد نشري والف شكر

ام رشدى · 2014-12-10, 12:17

وسؤالي الثاني انتي قلتيلنا الجبة الي تكون بالفتلة وحابة مولاتها تحرجها لازم المودال نمررو عليه الزيقزاق سواء علي القطيفة او الساتان هكدا ولا لالا جاوبيني باش نزيد نسقسيك ياخي تموتي على الاسئلة هههههههههههههههههه

djamilach23 · 2014-12-10, 12:24

اقتباس:

المشاركة الأصلية كتبت بواسطة الخروبية

السلام عليكم ختى حبا نقلك بلى لازم تبرميها او تضفريها من قبل ماتبداى تقدري تتحكمي فيها وتجيك الخدمة متقونة ماشي سواقى راح تجيك مرخوفا وعيانة خدى الراى انى نجى وكون نجى اكى تحرجيلى قندورة ههههههههه تحية من الخروبية للجميع سلام ياكرام

بالطبع رايحة انتبعك يا احلى معلمة وراح انخيطلك ابهىواغلى قندورة.لانك تستاهلي كل خير اوعافية اوصحة.

ام رشدى · 2014-12-10, 14:07

شكرا يلعزيزة ربي يشفيك ويهنيك وبارك فيك وفي اهلك

*ام عبد الكريم* · 2014-12-10, 14:21

بارك الله فيك اختي الخروبية في ميزان حسناتك ان شاء الله

KHOULOUD05 · 2014-12-10, 15:36

ok كلهم مفهومين شكرااا على المجهود اللي راكي تبدلي فيه الله يجعلو في ميزان حسناتك
أنت والأختcrono الله يحفظها
سلام

تقوى اماني · 2014-12-10, 17:25

اختي خروبية لازم نبرموالكبة كامل ولا اشحال نبرمو

om safo · 2014-12-10, 18:48

أنا حابة نشارك في هذا الموضوع ما فهتش الفتلة ذيك نثبتوها بالمشينة ولا بيدينا بالإبررة والله عجبتني العفسة هاذي حابة ندير وحدة بالحجرات

ترانيم مطر · 2014-12-10, 19:10

شكرا لك اختى الخروبية حبيت نساال على الفتلة المضفورة في الصورة رقم ستة راهم زوج خيوط وفى
الصورة الاخرى خيط واحد كل وحدة تدير وش تحب ولا زوج خيوط لتوضيح بارك الله فيك

ام رشدى · 2014-12-10, 20:33

هدا هو تطبيقي نتمنى الصورة تكون واضحة والفتلة المبرومة ماقدرتش نتحكم فيها تتحل وشكرا

imi122009 · 2014-12-10, 23:39

بارك الله فيك اختي الخروبية في ميزان حسناتك ان شاء الله

ام رشدى · 2014-12-11, 07:48

صباح الخير ياوجه الخير حاب انسقسك اعلى عرض الفتلة هل تتباع بحجم واحد ولا فيها احجام قصدي عرضها ولا سهكها لانو الضفيرة انتاع ستة انتاعي جابلي ربي خشينة اعلى الي وريتيلنا ووالا الصور برك فيهم اختلاف في الحجم وكي نضفر نشبح الضفيررة ولا نرخفها وبارك الله فيكي

مريم سلمى الجزائرية · 2014-12-11, 08:21

السلام عليكم و رحمته تعالى و بركاته:
بارك الله فيك أختي و شفاك عاجلا غير آجل و رزقك الجنة إن شاء الله.
ملاحظة للأخت السعودية: قماش القطيفة عندنا في الجزائر يسمى أيضا "المُخْمَل" ربما هذه هي التسمية المستعملة عندكم.
مرحبا بك معنا و بارك الله فيمن جمعنا.

ام ظافر · 2014-12-11, 08:45

ربي يجازيك اختي الخروبية
حابة نسالك على كل نوع من انواع الظفيرات لواش تصلح ووين نقدرو نستعملوها وتكون خير مثلا تاع 6 وين تكون وتاع 3 وين تكون احسن