وصفات حراير الكوزينة الجزء الثاني - الصفحة 107

idron0 · 2015-12-31, 15:55

المطلوع دائمة الحمد

إضغط هنا لرؤية الصورة بحجمها الطبيعي.

وردة برية · 2015-12-31, 16:00

يعطيك الصحة

idron0 · 2015-12-31, 16:01

خبز السندويتش دائمة الحمد

انا ندهنو بصفار البيض وحبيبات نسكافي مذوبين في الصفار

إضغط هنا لرؤية الصورة بحجمها الطبيعي.

idron0 · 2015-12-31, 16:02

طاجين العصبان دائمة الحمد

إضغط هنا لرؤية الصورة بحجمها الطبيعي.

idron0 · 2016-01-01, 19:13

بيتزا ايطالية awladi

إضغط هنا لرؤية الصورة بحجمها الطبيعي.

idron0 · 2016-01-01, 19:14

عصير بلاكمين awladi

الياغورت انت وذوقك بصح انا عجبني تاع البنان ونواة كوكو روعة والفاكهة لازم تكون طايبة مليح مليح وتقدري تستغناي على البرتقال ويجيك عصير كما تاع برا وافضل لان صحي
عصير ببفامهة بلاكمين قشرة زوج حبات وقطعتهم وعصرت برتقال وشوية عصير الليمون وسكر وكأس حليب وماء وعلبة ياغورت نواة كوكو ورحيتو وزدت الماء والسكر حسب الذوق تحبي تصفيه باه يجيك كما تاع برا ولا تخليه هكذاك من الاحسن تصفيه وتمتعي بذوقو .

إضغط هنا لرؤية الصورة بحجمها الطبيعي.

idron0 · 2016-01-01, 19:19

الروز اسيا 27

اولا تطيبي مرقة صفرا تديري أطراف جاج بصل رابي بطاطا و زرودية مقطعين مكعبات حفنة زيتون مقطع دوائر مغلي من قبل ورقةً رند
شوية زيت و ملح تحطيهم فوق النار و تقليهم شوية من بعد تزيدي الماء و تديري التوابل الحرور راس الحانوت الكمون و اذا عندك الكاري ديري في المرقة بنتو مع الروز هبااااال و العرق لصفر (الكركم ) و الزعفران اذا بغيتي تطيب تم تم ديريها في الكوكوت
اقلي الروز في شوية زيت و مارغرين حتي يتحمر شوية
صفي الجاج و ورقة الرند من المرقة و فرغيها على الروز مباشرة بعد ما تقليه نقضي النار و خليه يطيب
فتتي الجاج و زيديه للروز بعد ما يطيب و زيني كيما تبغي .

idron0 · 2016-01-03, 12:14

الروز مع الحوت انا هي رزيقة

من الاحسن تستعملي حوت كبير شوي انا استمعلت ميرلون و روجي بعد ما تنقيهم تبليهم بثوم و معدنوس و عصرة ليمون و كمون و فلفل اكحل و ملح و فلفل احمر و هريسة لمحبي الحار و شوية زيت زيتون خليه يتشرب مليح من التتبيلة ثم حطيه في بلا مفرش ببصلة صغيرة و فلفلة ديري عليهم رشة صغيرة ملح و فلفل اكحل ثم ستفي الحوت تاعك من فوق و زيدي فوقو شرائح الطماطم و ورقيتن رند و غطيه بورق الالومنيوم و دخليه للفور لمدة 20 دقيقة على الاكثر بعدها نحيلو الورق باه يتحمر . بالنسبة للروز هو روز بالخضار تقلي حبة بصل صغيرة مع سنتين ثوم مع حبة زرودية مقطعة مربعات صغيرة مع ورقة رند و شوية كمون (لازم الكمون يعطي بنة للرز) و فلفل اكحل و شوية قرفة و ملح و فلفل احمر و شوية كركم و مغرفة صغيرة طماطم مصبرة تقلي الكل مليح ثم مرقيهم قيس كلتين و نصف من الماء لكيلة الروز لي رايحة تستعمليها ثم زيدي شوية زيتون مقطع شرائح او جلبانة او الاثنين انتي و ذوقك. تحضري كيلة من الروز ايتوفي (مفور) و تغسليه مليح عدة مرات باه تنحيلو النشا ثم ترميه في لاصوص و تنقصي للنار يطيب بعقلو و عسي عليه مره على مره خلطيه بلعقل و عسي الماء اذا نقص زيدي ماء سخون مشي بارد و ذوقيه على الملح و خليه حتى يشرب كامل هذيك لاصوص و شهية طيبة .

إضغط هنا لرؤية الصورة بحجمها الطبيعي.

idron0 · 2016-01-03, 17:37

اقتباس:

المشاركة الأصلية كتبت بواسطة souso07

صباح الخير تعيشو خياتي كانت وحدة حاطة و صفة تاع بسبوسة بالياؤرت تاع لفراز لي عندها تحطهالي محتاجتها شكرا

https://www.djelfa.info/vb/showpost.p...postcount=1319

idron0 · 2016-01-03, 17:38

السيقار بالنواد كوكو مڤلي الامنيات

إضغط هنا لرؤية الصورة بحجمها الطبيعي.

idron0 · 2016-01-03, 17:44

الأرز البرياني ام سدرة

المكونات:2 مغارف صغار ملح .ملعقة صغيرة كركم نصف ملعقة صغيرة فلفل أسود.ملعقة كبيرة بهارات البرياني. ملعقة صغيرة فلفل عكري ملعقة صغيرة زنجبيل طازج مفروم. بصلة مقطعة شرائح.4فصوص ثوم مقطع دوائر .4حبات هيل .كاس اﻻ ربع ياغورت طبيعي قطع دجاج.ملعقة معجون الطماطم
الطريقة:أو ﻻ تأخذي البهارات تخلطيهم مع بعض وتأخذي نصف الكمية تاعهم تبلي بيها الجاج.وفي مقﻻة تحطي الزيت وتقلي فيها الجاج حتى يتحمر ونحيه من المقﻻة وفي نفس الزيت حطي البصل الثوم الزنجبيل يتقﻻو شوية ومن بعد زيدي معجون الطماطم وحبة كبيرة طماطم مقطعة مكعبات وزيدي نصف البهارات لي بقاتلك
وزدي الياغورت الطبيعي وكاس ماء وزيدي رجعي معاهم الجاج يكمل طيابو واغلقي عليها وخليها حتى يطيب الجاج
درك نرجعو للروز تحطي في كسرونة الماء يغلي وتحطيلو شوية زيت 2ورقات رند وكي يغلي ارمي فيه الروز الكمية على حساب عدد العائلة وخلي النار قاوية خليه يغلي شوية قدر مايدخلو الطلاب ونحيه قطرية حطي نصف الكمية في طنجرة ومن بعد رغي فوقو لمرقة ﻻزم تكون ثقيلة ومن بعد زيدي فرغي الكمية المتبقية تاعالروز يعني طبقة روز طبقة مرقة وطبقة روز غطيه مليح ووخليه يكمل طيابو على نار خفيفة
بالنسبة لبهارات الخاصة بالبرياني ماعﻻباليش ادا كانت متوفرة في الجزائر ادا ماعندكش استعملي رأس الحانوت
وأي سؤال راني موجودة بالنسبة للياغورت الطبيعي هي الوصفة جي بيه بصح أنا مادرتوش درت الماء ﻻنو زوجي مايحبش الياغورت في المرقة.

idron0 · 2016-01-03, 17:48

قاطو الطبقات ام سدرة

المكونات تاع بﻻطو لي يدخل الكوشة
8بيض ،كأس ونصف سكر عادي ،كأس ونصف زيت 2لفاني 3خميرة كاس ونصف نشأ
وتشيحي بالفرينة وماﻻزمش جي يائسةﻻزم جي طرية وتقسمي االعجينة إلى ثﻻث كريات
واحدة منهم زيدي لها الكاكاو ادهني البﻻط انتاعك بالزيت واطرحي فيه العجينة اﻻولى
وحطيها تطيب وكي تخرجيها من الفرن ادهنيها بالمعجون ومن بعد اطرحي فوقها العجينة
تاع الكاكاو وحطيها تطيب وكرري العملية مع العجينة اﻻخيرة وكي تطيب ديري لها الشكولة.

idron0 · 2016-01-03, 18:32

المرقة بالخضرة على شكل كفتة om joujou

للامانة هزيتها من عند ام عبدو وملاك
شوفي حبيبتي انصبي مرقة تاعك عادي حمراء بنصف صدر دجاج والنصف الاخر ارحيه وخليه بجهة خلي المرقة تاعك تطيب فوق نار هادية
ارحي حبة بطاطا كبيرة مع حبة جريوات وحبة زرودية وتقدري تزيدي على حساب عدد افراد عائلتك جيبي الصدر تاع الجاج لي رحيتيه خلطيه مع الخضرة لي رابيتيها ضيفيلهم سنة ثوم وشوي دبشة ومعدنوس ملح فلفل اسود وحبة بيض خلطي مليح وكورهيهم كورات على شكل كفتة خليهم يرتاحو شوي في الثلاجة وامبعد ديريهم في البيض ومرمديهم في الفرينة وااقليهم في زيت سخونة قطريهم مليح من الزيت
ولوحيهم في المرقة تاعك يغلوا شوي وطفي .

idron0 · 2016-01-03, 18:35

سوبر كريم تاع دار om kamila

بقالي سيرو الرمان , زدت عليه ملعة صغيرة نشاء حركتو على النار غير بدى يعقد ضفت نحيتو وضفت ليه عير بتراف شوية مع عطر الفرولة هذا مكان
وانا على حساب ظني نقدرو نديروه بكل الالوان و الذوق لي نحبوه
مثلا
ندير عصير اي نوع فاكهة المهم ما يكونش حلو بزاف و نشاء و ملون و عطر حسب الذوق المهم نخيرو الالوان الطبيعية من الاحسن لتفادي الكميائيات و منها رانا زينا التارت تاعنا
مقادير النشاء يزيد حسب كمية لي نديروها

مريم ريمة · 2016-01-05, 08:36

شكراااااا ليك على الوصفات بارك الله فيك كون تقدري تحوسيلي على مسكوتة بالبرتقال حطتها وحدة ما عرفتش اسمها ودارت فيها فلان كراميل من فوق دارت شكولا حوست مت لقيتهاش شكرااا ثانية سلامي