~ ~ ~الجزء 124 من واش طيبتي ليوم : ابداع ، نشاط ، حيوية ~ ~ ~

زينب 83 · 2015-03-31, 13:40

حبيباتي في اول الامر انا ترددت لفتح موضوع جديد في الكوزينة خاصة بعد الركود الذي أصابها مؤخراً ، فأنا بطبعي لا أحبط هذا النوع من الهدوء و الخمول ، انا أحب العمل و اعشقه و أحب النشاط و الهمة العالية

لذا فكرت و فكرت و فكرت و اخيراً قررت لكن ليس وحدي فقد ساعدني و دعمني و شجعني شخص غالي على قلبي و هو مشرفتنا الرائعة ام كوثر التي و بكل تواضع تبنت أفكاري البسيطة ، شكرًا لك ام كوثر

حبيباتي هذه الكوزينة أعطتها الكثير و و الكثير و حان الوقت ان نرد الجميل ، فلا يجب ان نتخلى عنها هكذا بكل بساطة ، هي كوزينة واش طيبتي ليوم و سبتبقى كذلك ، ستبقى متنفسا لمحبات الطبخ و اللمة الطيبة و لأخوة في الله ، لذا هلموا لتتعاون معا على تجديد روح هذه الصفحة الطيبة

معا الى النشاط

هذه الكوزينة لن تكون عادية ابدا ، لماذا ، لانها ستكون مسرح الإبداعاتكم في عالم الطبخ ، ستقولون كيف ذلك

اولا ستقام منافسة بسيطة في الكوزينة و ان شاء الله ستعتمد في باقي الكوزينات و هذه المنافسة لن تكون كسابقاتها

المنافسة ستكون على التالي

اولا منافسة في تقديم

احسن طبق تقليدي

تقديم طبق تقليدي لكن بلمسة جديدة و جميلة

احسن طبق عصري

تقديم طبق عصري جزائري او عالمي

احسن تدبيرة تخص الطبخ

مثلا فيما يخص التعليب و للتصبير ، او حفظ الطعام ، او، ،،،،،،،،،،

احسن تطبيق لوصفة من المنتدى

في اخر الكوزينة سيكون هنالك فائزة في كل نوع يقدم لها وسام تقديرا لجهودها

العضوة تضع طبقها او تدبيرها عادي كأي مشاركة من مشاركات الكوزينة مع شرح بسيط و مختصر و في اي وقت ، يعني كالمعتاد لا تغيير في قوانين الكوزينة

يعني الكوزينة راح تبقى تمشي عادي و نحطو اطباقنا اليومية عادي و كل وحدة تحط واش عندها من تدابير او اطباق و في الاخير لجنة حكم من المشرفات راح يقرو من الفائزة و تعلن النتايج في اخر الكوزينة

اتمنى ان تعجبكم فكرتي ، هي ليست مسابقة بالمعنى السابق ، الفكرة فقط انو العضوات ستكون عندهم مكافأة على مشاركتهم في الكوزينة و لو بتدبيره بسيطة ، لو طبق يومي عادي

الان هيا الى النشاط أمتعونا بأطباقكم الجميلة و تدابيركم المفيدة ، هيا حبيباتي فلنعد بمطبخنا الى سابق عهده

هذا بغرير ام ماجد درتو البارح واش نقولكم جا تحففففففة*

بلا مدوا يديكم بسم الله

هذه بعض اطباقي*

ملاحظة ، ليس شرط تصوير الخطوات بالتفصيل فقط شرح الوصفة مع بعض الصور كافي

حبيباتي لي تحط طبق او تدبيرة او تطبيق لازم تذكر بلي راهي مشاركة بيه في المنافسة

أنواار الإيماان · 2015-03-31, 13:44

من زماااااااااااااااااااااان مادخلت للكوزينة من الاول
كوزينة الربح اختي زينب والسعادة ان شاااااء الله
نروح نجيب الباروك ونرجع

ام ساجد · 2015-03-31, 13:49

السلام عليكم

وصح غداكم

اختي زينب ما شاء الله عليك وعلى حماسك ونشاطك الله يبارك

بالنسبة للكوزينة دائما هكا في العطل مثلا انا الان راني في داربابا

ندخل نقرعج من بعيد ان شاء الله كي تم العطلة نرجعو كيما قبل واكثر

وفكرة المسابقة جميلة واكيد راح تكون ممتعة

*وردة الشرق* · 2015-03-31, 13:52

الف مبروك الكوزينة الجديدة مربوحة علينا وعليك بادن الله
اكي تعرفي بلي انا نحط طيابي ادا كان باللحم او بدون لحم ما عندي حتى مشكل واكيد العضوات التانيين ايضا بادن الله في الحقيقة عجبتني الفكرة بالتوفيق وحنا مع بعض نكملو لانها كوزينتنا احلى كوزينة

زينب 83 · 2015-03-31, 13:54

اقتباس:

المشاركة الأصلية كتبت بواسطة أنواار الإيماان

من زماااااااااااااااااااااان مادخلت للكوزينة من الاول
كوزينة الربح اختي زينب والسعادة ان شاااااء الله
نروح نجيب الباروك ونرجع

اهلين أنوار اليمان منورة حبوبة

اقتباس:

المشاركة الأصلية كتبت بواسطة ام ساجد

السلام عليكم

وصح غداكم

اختي زينب ما شاء الله عليك وعلى حماسك ونشاطك الله يبارك

بالنسبة للكوزينة دائما هكا في العطل مثلا انا الان راني في داربابا

ندخل نقرعج من بعيد ان شاء الله كي تم العطلة نرجعو كيما قبل واكثر

وفكرة المسابقة جميلة واكيد راح تكون ممتعة

اهلين ام ساجد ، نتمنى تشاركينا و لو بتدبيرة ، راني نستنى حبوبة

ام اسماعيل2009 · 2015-03-31, 13:56

[COLOR="rgb(139, 0, 0)"]مبروك عليك الكوزينة انشاء تشوف عليها الشفاء في اقرب اجل باروكي راني جربت صابلي ريهام بالزيت ودرت tarte au fraise [/COLOR]

زينب 83 · 2015-03-31, 13:57

اقتباس:

المشاركة الأصلية كتبت بواسطة زينب66

الف مبروك الكوزينة الجديدة مربوحة علينا وعليك بادن الله
اكي تعرفي بلي انا نحط طيابي ادا كان باللحم او بدون لحم ما عندي حتى مشكل واكيد العضوات التانيين ايضا بادن الله في الحقيقة عجبتني الفكرة بالتوفيق وحنا مع بعض نكملو لانها كوزينتنا احلى كوزينة

اهلين زينب ، بما انك ماشاركتيش في مسابقة السفرة هذي فرصة جديدة حبيبتي ، باه تكوني نجمة الكوزينة

anaris · 2015-03-31, 14:04

مبروك عليك الكوزينة اخت زينب وفكرة تاعك هايلة يعجبوني افكارك خاصة النصائح لفي مواضيعك

*وردة الشرق* · 2015-03-31, 14:09

اقتباس:

المشاركة الأصلية كتبت بواسطة زينب 83

اهلين زينب ، بما انك ماشاركتيش في مسابقة السفرة هذي فرصة جديدة حبيبتي ، باه تكوني نجمة الكوزينة

ربي يعيشك حبيبتي راكي درتيلي الكوراج نبدا من اليوم ان شاء الله في الحقيقة انا راحت فيا طبيعة لما نعود نطيب دائما نصور المراحل لكن ما عنديش بزاف فقط عدة وصفات خفيفة ندعمهم ان شاء الله ونعدل الصور ونحطهم انا قاعدة كما ناس بكري دائما نحوط للمفاجاة
اليوم غدايا كان عدس والعشا بادن الله خفيف كسرة وبطاطا وجزر في الكوشا والحمد لله رب العالمين