جزء 55من واش طيبتو اليوم تفضلو - الصفحة 3

lahna moka · 2014-01-31, 09:35

صباح الخيرات والبركات في هاذا اليوم المبارك
دائمة الحمد حنونة صباح الخير,رايحة ندير طاجين الشفلور تاع أم رامي ,و البارح سقسيتك واش هاذيك التحلية في الكؤوس ممممم تسخف
أم تاجو ربي يرجع الوالد بألف سلامة و يتقبل منو يا رب
ام عائشة صباحك سعيد
بشرى راكي ناشطة اليوم صباح الخيرات و بسكويت أم أماني طبقو أمس و اليوم رايحة نحط الصور
ليزابيل وين الباروك ما شفت والو صباحك مبارك

دائمة الحمد · 2014-01-31, 09:39

اقتباس:

المشاركة الأصلية كتبت بواسطة lahna moka

صباح الخيرات والبركات في هاذا اليوم المبارك
دائمة الحمد حنونة صباح الخير,رايحة ندير طاجين الشفلور تاع أم رامي ,و البارح سقسيتك واش هاذيك التحلية في الكؤوس ممممم تسخف
أم تاجو ربي يرجع الوالد بألف سلامة و يتقبل منو يا رب
ام عائشة صباحك سعيد
بشرى راكي ناشطة اليوم صباح الخيرات و بسكويت أم أماني طبقو أمس و اليوم رايحة نحط الصور
ليزابيل

وين الباروك ما شفت والو

صباحك مبارك

صباحك زين يا لهنا يا وجه الخير والهناء
شفت سؤالك البارح روتار قلت كي تدخلي اليوم نجاوبك
هذيك راحي تحلية بسيطة راح نعاودها ان شاء الله اليوم والا غدوا نحطهالك باذن الله

oum anas 69 · 2014-01-31, 09:40

صباح الخير و الخمير ياأحلى عضوات حاضرات و غايبات و جمعة مباركة على الجميع
جيت نحط حاجة حلوة في كوزينة أم ريمة و ريمة الغاليات على قلبي لقيت كوزينتها مقفولة للأسف بصح ماعليش نبعثهملها من هنا في كوزينة غاليتنا عهد الله
عزيزتي عهد الله مبروك عليك و علينا الكوزينة و بنيتك حلوة و زينةماشاء الله ربي يحفظها من العين و أطباقك تشهي يعطيك الصحة و راكي تساليني بإذن الله حاجة حلوة
هذا باروك أختي و غاليتي أم ريمة

هذا ياسيدي قالك المدرسة لي يقرى فيها إبني ريان يقولو للأولياء أنهم يصنعو كيكات و حلويات في البيت و هما يبيعوهم في المدرسة للأولياء و التلاميذ ممبعد هذوك الدراهم يولو يخرجو بيهم الأطفال للرحلات و المتاحف و المسرح و المزارع و إلخ
يعني ينطبق عليهم المثل لي يقول : من لحيتو بخرولو هههههه
نخدم قاطو باه نشريه من عندهم ههههههههههههه هههههههه
البارح في الليل خدمت هاذو لي تارت و أديتهم اليوم الصباح

lahna moka · 2014-01-31, 09:40

الحمد لله تحملو الصور تفضلو
تارت الشكلاطا لناتاكابيل بصح أنا ما درتلهاش طبقة الشكلاطا ماكانتش عندي

فريكاسي و دوبارة الغالية دائمة الحمد وأنا زدت فيها قطعة صغيرة دجاج و شوية فول طايب (دائمة الحمد راكي عاقلة على قصة هاذاك الفول ههههه)

ليجوا الفانيلا لأم أنس و ما كانش عندي كراميل درتلو صلصة التوفي تاع حنان حبيبة قلبي

lahna moka · 2014-01-31, 09:42

دائمة الحمد شكرااا جزيلا يا الغالية
أم أنس صباح الخير و الله ليك وحشة, التارت اللي خدمتيه مممممممم روووعة متألقة دائما سلمت يداك

oum anas 69 · 2014-01-31, 09:47

شكرا حبيبتي لهنى يتوحشك الخير حتى أنا متوحشتكم و إن شاء الله قريبا راح نرجع كي قبل و أحسن بإذن الله
صباح الخير لكل الحاضرات
أم تاجو ربي يرجع الوالد بألف خير و مبروك عليكم الفرحة حبيبتي

بشرى2008 · 2014-01-31, 09:52

هكدا يا أم أنس راكي فرحتني كي قلتي نرجع كما بكري

lyzzabel · 2014-01-31, 10:06

صباح الورد داءمة الحمد لهنا بشرى ام عائشة ام نس وكل البنات
لهنا كيفاش ما شفتيش الباروك تاعي آمالا توتة عندها الحق مين قالت راه كاين شبح اسود يسرق فالصور راني حطيت مووووس البرتقاااال للغالية ام محمد
حقاً اسينات إذا تدخلي راني نقولك كيفاش تحملي الصور اسمحيلي البارح ما قدرتش لهيت مع الأولاد وزاد زوجي ن ع كي دخل دالي الآي باد و ما طلقهششششش خخخخخخ

lyzzabel · 2014-01-31, 10:14

حبيبتي داءمة الحمد التحلية تشهيييي مممممم راني فالانتظار
وهذا كان عشايا البارح بطاطا فالفرن و سكالوب الدجاج و سلاطة والحمد لله على نعمه

ام طيري الجنة · 2014-01-31, 10:15

صباح الخيرات على احلى بنات
الكل طياباتكم تهبل يعطيكم الصحة
ام انس 69 ليتارت يهبلو يعطيك الصحة
و لهنة ماشاء الله فحلة الله يبارك
وليزابيل ماشاء الله يعطيك الصحة
و كل كل الاخوات ماشاء الله

lahna moka · 2014-01-31, 10:20

أم طيري الجنة بارك الله فيك حبوبة
ليزابيل ووووووووعععععععع دوك نجيك و الله الصور ما بغاو يظهرو بصح على بالي بلي ممممم يشهو كلشي من تحت يديك رااااائع

دائمة الحمد · 2014-01-31, 10:21

الله الله ام انس لي تارت يهبلو عودة ميمونة
ليزابيل ماكلتك انيقة صباحك زين
ام طيري الجنة صباحك زين
لهنا راكي قلشت الدوبارة ورجعتيها بابيشا سلمت يداك عزيزتي

ام طيري الجنة · 2014-01-31, 10:21

هذا باش يتقهواو اللي ماناضوش بكري (كيما كيفي هههههه)

ام طيري الجنة · 2014-01-31, 10:25

صباحك خير و بركة اختي دائمة الحمد
غدايا اليوم راح يكون ان شاء الله صيفي بروشات باللحم و الكبدة ( او كما تسمى في تلمسان لانو اصلي من تلمسان نسميوها الكحلة ) و garniture شابة و سلطة

lyzzabel · 2014-01-31, 10:27

لهناااااااا بصحتك الله يبارك التارت و للييجوا خرجولك رووووعة مام بلا شكولا و بلا كاراميل و الفريكاسي و الدوبارة تاني يشهووووو مممم و الشكر موصول ليك داءمة الحمد الحنينة
ام انس الله يعطيك الصحة على les tartes aux pommes magnifiques تقول خدمهم بروفسيونال ماشاءلله الله و هذيك المبادرة لي راهم يديروها للأطفال والله فكرة رائعة منها تفرحو الأطفال و منها تذوقو وتشوفو طيابات بعضكم بعض و الأهم أنهم يخممو على الأطفال كيفاش يديفولو و يخرجوهم يحوسو مشي كيما عندنا ............ ميشقاش نكمل راكي عارفة لاسويت هههههه
ام محمد الله يرجع لكم العزيز الغالي بالسلامة و العافية و رانا في الانتظااااار يا سكرة
بصح المنتدى هبلنيييي نحط المشاركات و منبعد بحححححح نتوما تاني ولا غير أنا