إليكي أختي sidali 2007 و لكن جميعا شطيطحة بالطون من إبتكاري

oum anas 69 · 2013-05-29, 22:19

السلام عليكم
بما أنو رانا في فصل الصيف و السخانة جبتلكم اليوم طبخة تقدروا تسموها شطيطحة بالطون طبعا كانت من إبتكاري نعملها دائما لزوجي كتنويع للأكل الخفيف لأنو مستحيل يأكل المرق بأنواعه في الصيف ... فقلت ممكن تعجب الأولاد والرجال خاصة لأنهم من محبي الطون في الصيف
نبدأ على بركة الله
نحتاجوا طماطم حب حسب العائلة أنا إستعملت 4 صغار و سنينات ثوم و طماطم علب و توابل و طبعا علب الطن
طبعا كالعادة نحب نشرح بالصور للفهم

في مقلة عميقة أو طنجرة صغيرة نحط الطماطم المرحية مع الثوم + الملح ما تكثروش خطرش الطون مالح+ ملعقة أكل طماطم علب + رند+لفاح+كمون أكدولي عليه+فلفل أحمر+ فلفل أسود +قرصة سكر لأن الطماطم الحب لي عندي حامضة +الزيت و إذا أستعملتي الطون بالزيت ألغيه و عوضيه بزيت الطون ممممم
خلطيهم و غطيهم و خليهم يطيبو يأخذو دقيقتين فقط

ممبعد نزيد الطون أنا درت nature طبيعي بدون زيت و حاولي تحركي بلا ماتفتيه باش يقعد يبان هبرة و نزيد نغطيه ممكن دقيقتين يتجمر

ممبعد نعمل حفر و نفقس البيض حسب رغبتك أنا عملت أربعة نرش شوية ملح فوق البيض فقط و نغطيها طيب لدقائق ثم نرش فوقها الكسبر الأخضر و تقدميه مرفق بالبطاطا المقلية أو الأرز الأبيض كصلصة أوكيما قدمتو أنا بالبطاطا البوري

إن شاء الله تجربوه خطرش متأكدة بلي راح يعجب الأولاد خاصة الشباب كيما عجب زوجي بزاف و زيد إقتصادي بحكم باطة طون متشبعش فرد واحد
كيما شفتي طبق في دقائق ملائم جدا للعاملات و ربات البيوت لي معندهمش الوقت خاصة صاحبات الدودودووووو ههههه راهم يعرفوا رواحهم
ملاحظة تقدري تستعمليها كحشوة للبيتزا أو الفريكاسي أو البوراك أو لي كيش أو أي شيء آخر

أم ماجد · 2013-05-29, 22:25

انا الاولى يعجبني راني من الجماعةههههههههههههه

هايل ام انس اكيد يعجب ماجد وحفيظ يحبو الطون بزاف تحياتي يا بنت الاصول

Oum yousra · 2013-05-29, 22:36

صحيتي أختي علي هاذ الكيفية راهي باينة بنينة وsurtout ساهلة خاطش الدوووو دوووو رآه ماخلاناش الوقت إخلاص ههههههههها

omaymen · 2013-05-29, 22:37

مممممممممم الوصفة جديدة وانا نحب الجديدالمنظر ديالها يغوي يعطيك الصحة والله يخليلك ويحفظلك راجلك وولادك
وماجورة ان شاء الله على كل وصفة تحطيها والبنات يستفادو منها خاصة اللي راهم جدد يتعلموا شكرا عزيزتي

oum anas 69 · 2013-05-29, 22:37

اقتباس:

المشاركة الأصلية كتبت بواسطة أم ماجد

انا الاولى يعجبني راني من الجماعةههههههههههههه

هايل ام انس اكيد يعجب ماجد وحفيظ يحبو الطون بزاف تحياتي يا بنت الاصول

هههههههههه أم ماجد عرفتي روحك هههههه وين كنتي مابنتيش اليوم
إن شاء الله يرح ماجد الغالي ودريهولو و يعجبوا و نتي هي الأصيلة غاليتي و الله ليك مكانة كبيرة في قلبي عسى الله يدوم محبتنا

أم ماجد · 2013-05-29, 22:44

اقتباس:

المشاركة الأصلية كتبت بواسطة oum anas 69

هههههههههه أم ماجد عرفتي روحك هههههه وين كنتي مابنتيش اليوم
إن شاء الله يرح ماجد الغالي ودريهولو و يعجبوا و نتي هي الأصيلة غاليتي و الله ليك مكانة كبيرة في قلبي عسى الله يدوم محبتنا

هههههههههه المعزة عرفت روحها ههههههههههههههه

اليوم رحت للدكتورة وزدت تسوقت للشارع شريت لوازم لرمضان المنيوم واشياء اخرى
وشريت اواني حطيتهم في حانوت بروقة اضربي طلة

واش جابلك ابو انس الخضاضة وهل اشراها من العلمة

أم أسامة 07 · 2013-05-29, 22:46

دائما حاسباتك عايشة معانا ماكيش في الغربة
مبدعة وأصيلة وامثا لك قلال في هذا الوقت

oum anas 69 · 2013-05-29, 22:47

اقتباس:

المشاركة الأصلية كتبت بواسطة omaymen

مممممممممم الوصفة جديدة وانا نحب الجديد

المنظر ديالها يغوي يعطيك الصحة والله يخليلك ويحفظلك راجلك وولادك
وماجورة ان شاء الله على كل وصفة تحطيها والبنات يستفادو منها خاصة اللي راهم جدد يتعلموا شكرا عزيزتي

و أخيرا طل القمر الغالي وينك أم أيمن إن شاء الله الأولاد فوتو الإمتحانات بخير ربي يجعلهم من الأوائل يا رب و يفرحوك و شكرا لمرورك الرائع ولا تغيبي علينا كثيرا يا قمر

oum anas 69 · 2013-05-29, 22:53

اقتباس:

المشاركة الأصلية كتبت بواسطة أم ماجد

هههههههههه المعزة عرفت روحها ههههههههههههههه

اليوم رحت للدكتورة وزدت تسوقت للشارع شريت لوازم لرمضان المنيوم واشياء اخرى
وشريت اواني حطيتهم في حانوت بروقة اضربي طلة

واش جابلك ابو انس الخضاضة وهل اشراها من العلمة

هههههههه إن شاء تكوني بخير و ربي يرزقك ثوب الصحة عزيزتي
نعم جابلي وحدة بصح مازال مجربتهاش حتان نجيب الحليب من المزرعة ... لالا شراها من المسيلة و قالي الناس كامليدو فيها ... غذا بإذن الله نصورهالك و نحطهالك في حانوت بروقة
حسنا ذرك نضرب طلةعزيزتي حتى أنا شرالي زوجي حوايج ضرك نحطهم

oum anas 69 · 2013-05-29, 22:57

اقتباس:

المشاركة الأصلية كتبت بواسطة نصرية

دائما حاسباتك عايشة معانا ماكيش في الغربة
مبدعة وأصيلة وامثا لك قلال في هذا الوقت

شكرا أختي دائما منورة مواضيعي و لي الشرف الكبير أني نعاون أخواتي على الشيء لي نقدر عليه و إن شاء الله دائما نكون عند حسن ضنكم و لا و لن تستطيع الغربة أنها تبدل في شيء أنا تربيت عليه في بلادي الحبيبة

omaymen · 2013-05-29, 23:20

اقتباس:

المشاركة الأصلية كتبت بواسطة oum anas 69

و أخيرا طل القمر الغالي وينك أم أيمن إن شاء الله الأولاد فوتو الإمتحانات بخير ربي يجعلهم من الأوائل يا رب و يفرحوك و شكرا لمرورك الرائع ولا تغيبي علينا كثيرا يا قمر

الله يسترك ان شاء الله ام انس انت القمر اللي ينور المنتدى ,الحمد الله جازت فترة الامتحانات وان شاء الله ربي يوفق الجميع مشكورة على الدعوات الله ينصرك

ladymillion · 2013-05-29, 23:30

ألف شكر والله فالصيف ما ينفع غير الطون والاطباق السهلة يعطيك الصحة وصفاتك نحبها بزاف دائما تفيديني الله يحفظك

oum anas 69 · 2013-05-29, 23:38

اقتباس:

المشاركة الأصلية كتبت بواسطة ladymillion

ألف شكر والله فالصيف ما ينفع غير الطون والاطباق السهلة يعطيك الصحة وصفاتك نحبها بزاف دائما تفيديني الله يحفظك

شكرا لادي أنا ثاني نحب وصفاتك و تعجبني كثيرا سعدت كثيرا بتواجدك دمتي وفية عزيزتي

الأمنيات · 2013-05-30, 09:09

يعطيك الصحة تبارك الله

سمراء الجزائر · 2013-05-30, 11:02

روووووووعة يهبل يعطيك الصحة