مشكلتي مع الدراسة

[مشكلتي]

طالبة مقبلة على اجتياز امتحان البكالوريا ذات مستواي عالي في الدراسة هده السنة اواجه مشكلة وهي انني نكون حافظة كل شئ وفاهمة ونمارس في الدار ونجيب كل شئ صحيح لكن عندما ندخل قاعة امنتحان ننسى كل شئ برغم من اني نقرا القران وندعي ونصلي صلواتي في اوقاته وماشي مقصرة مع ربي سبحانو لكن مشكلة ظهرتلي غير هاذ العام لي عندو حل يقلي


وباااارك الله فيكم وجزاكم كل الخييير

[طيور الجنان]

اولا ربي يوفقك انشالله وتجيبي شهادة الباكالوريا
ثانيا بالاك الخلعة و الخوف من المتحان هما اللي يخليوك تنساي لازم كي تدخلي للامتحان تحطي روحك كيما في الدار و تحلي تمارينك عادي واثقة بللي تجيبيهم صحاح والله ولي التوفيق

[ahlem 05]

اختي لازم تكوني واثقة من روحك حاولي اقراي بزاااف وكي تروحي حتى ولو نسيتي في اللول بعد 5 دقائق تعاودي تفكري ماتخافيش برك وربي يوفقك ان شاء الله

[blanche rose]

ربي يوفقك حبيبتي
رايحة نجاوبك علميا

اكتشف العلماء أن التوتر يعطل عمل الذاكرة.
هذا يعني أن تثقي بنفسك وقبل ذلك بالله عز وجل
ابعدي كل توتر عنك

فالبكالوريا امتحان كغيره من الامتحانات

ربي يوفقك وتجيبي معدل كبير
ولما لا تكونين الأولى على مستوى الوطن
فهذا ممكن وممكن جدا.

[amran6688]

اقراي في الصباح دائما

لاتكثري من القراءة في وقت واخد

كرري القراءة /المراجعة/ولكن بشكل متباعد حتى ترسخ في ذهنك

لان الفكر يعني العقل لايحمل الا القليل والباقي لايحتفظ به /وشكرا/

[bachir94]

هذا المشكل كنت أعاني منه عندما كنت في البكالوريا والحمد لله اجتزتها بمعدل حسن جدا وانا الان في الثانيه جامعي..
انا حليت هذا المشكل بتجنب المراجعه ليلة الامتحان بل اتوقف عن المراجعه يوم قبل الامتحان
ولحاجه الاساسيه هي الخوف ... كن تدخلي للقاعه نتاع الامتحان ويحطولك الورقه نتاع الاختبار وتلقي روحك حلاتيها 20 مره في الدار بالصح الخوووف والله يخليك شغل راك شفتيها اول مره لابغا حوايج بسيطه وساهله تنسيها من الخوف .....

[فاطمة الزهراء 29]

السلام عليكم

اختي النسيان هذا سببه الخوف و التوتر ، كوني واثقة من نفسك و لا داعي للخوف

ايضا حاولي متراجعيش ليلة الامتحان كما نصحك الاخوة ، و افضل وقت للحفظ هو الصباح الباكر ، يعني مور الفجر

انا ايضا عندي الباك هذه السنة ، صحيح فيه شوية خوف و توتر لكن انحيه بالأذكار و الدعاء و اما بالنسبة للحفظ فأستيقظ في صباح الباكر على السادسة و كل يوم نحفظ شوية حتى لو لم يكن عندي فرض اما المواد العلمية جمعت بعض التمارين و راني نحلها في اي وقت فراغ
،،


موفقة ان شاء الله

[..بسمة أمل ..]

السلام عليكم

اختي انا ننصحك بالرقية الشرعية

بلاك عين وصابتك

حاولي تركزي و نحي الخوف من بالك

ربي يسهلك

[Minawapa20]

بالتوفيق ، الثقة في النفس و توكلي على الله قبل كل شيء