استفسار الى كل طلاب نظام قديم ..؟؟؟؟

حنان89 · 2010-09-09, 12:49

السلام عليكم و رحمة الله و بركاته ....
هل صحيح ان بكالوريا نظام قديم 2011 ألغيت ..اي انها معادتش كاينا ...لاني قريتها في احد المواضيع في هدا المنتدى ...من جهة اخرى وحدين
يقولو انو تجدد لمدة 3سنوات اضافية اي حتى 2013 ...فأي الخبرين صحيح ....ارجوا ان تفيدوني و تفيدو الطلاب اللي ناويين يفوتو الباك
و السلام عليكم

صبرينة · 2010-09-09, 14:48

ان شاء الله كاين مزال ما نحوهش

SERAIDI B · 2010-09-09, 15:45

السلام عليكم ورحمة الله

أختي الباك نظام قديم ماكانش

سمعتها في الاذاعة و سقسيت قالوا كاين غير أحرار نظام جديد

هذي الوزارة تاعنا تحطم في مستقبلنا وحنا سكتين و نتفرجوا على القرارات التافهة

تقبلي تحياتي

وصح فطوركم

صح عيدكم

stillkhaled24 · 2010-09-09, 18:27

il n'ya pas de bac 2011 ancient programme
je suis desolè pour cette information et saha ftorkom

alpha · 2010-09-10, 17:29

السلام علبكم
انا سمعت هده المعلومة انها موجهة لطلبة التعليم بالمراسلة وهدا في موقعهم .بصح نظام قديم احرار لم اسمع اي معلومة انه تم منعهم وادا صح غادي يمنعوه نورمال لان الجديد افضل بكتير من القديم خاصة في المنهجية
يمكن استعا ب الدروس بكل سهولة بالرغم من ان الكثير من الدروس متشابهة
ادا راكي باغي تعاودي ديري جديد
صح عيدك

حنان89 · 2010-09-11, 11:17

اشكرك جزيل الشكر .....لكن كيفاه هادي ينحوه ...هادا من حقنا ...و النظام الجديد لازم على الواحد ان يكون متفرغ ليه وحدو ...و احنا رانا قرينا القديم و عارفين واش فيه ...و نسمع بشحال من وحدين قراو تخصص اخر مع الباك نظام قديم و نحو ..انا نسمع انو النظام الجديد فيه تسهيلات لكن بالنسبة لينا لازم نتفرغو ليه ..
والله اعلم ......ربي يخلصم غاليا فالشي اللي داروه بينا ...
صح عيدك و كل عام و انتم بالف خير ...شكرا

lahouiouwalid · 2010-09-11, 12:04

السلام عليكم حقيقة ومن الموقع الرسمي للنتدى التكوين والتعليم عن بعد قد الغى التسجيل في البرنامج القديم ومن اراد التسجيل فما عليه الى التوجه للبرنامج الجديد حسب كلام الموقع
الجديد في التسجيل عبر الانترنت للموسم 2010/2011

ينطلق الديوان الوطني للتعليم والتكوين عن بعد في التسجيلات عبر الانترنت للعام الثاني على التوالي بعد تسجيل أكثر من 270000 متعلما في العام الماضي.

ولتسهيل عملية تسجيل المتعلمين ثم إجراء سلسلة من التحسينات على نظام التسجيل عبر الانترنت نوجزها فيما يلي :

1- تبسيط استمارة التسجيل

2- فصل المتعلمين المسجلين سابقا عن المتعلمين الجدد.

3- تبسيط طريقة دفع مستحقات التسجيل وذلك بطبع كشف تسجيل أولي "bulletin de préinscription" مباشرة من الانترنت والتقدم بهذا الكشف إلى أحد مكاتب بريد الجزائر على المستوى الوطني لإجراء التخليص دون الحاجة إلى أية حوالة أو أي وثيقة أخرى.

على مستوى مكاتب بريد الجزائر تتم مراقبة المعلومات الموجودة في "كشف تسجيل أولي" وفي حالة صحتها يدفع المستحقات ثم تسلم للمتعلم وصل العملية Reçu de l'opération ، يقوم المتعلم بإرفاق "كشف تسجيل أولي" و "وصل العملية" مع بقية الوثائق المطلوبة ليكون بذلك ملف التسجيل الذي يرسله أو يسلمه إلى المركز الجهوي الذي ينتمي إليه.

ملاحظات هامة:

دفع مصاريف التسجيل لدى مكاتب بريد الجزائر يبدأ يوم 15 سبتمبر 2010.

يجب أن تدفع مصاريف التسجيل لدى مكاتب "بريد الجزائر" خلال مدة لاتتجاوز 30 يوم بعد قيامك بطلب التسجيل (تطبق هذه القاعدة إبتداءا من 15 سبتمبر)

4- لاتتم المصادقة على أي متعلم دفع مصاريف التسجيل بالطريقة القديمة أي عن طريق الحوالة رقم 1418

5- مصاريف حقوق التسجيل : - بالكتاب 2077 دج

- بالقرص 1677 دج

- المعوق 1477 دج

- المعيدون 1377 دج

6- يتقلص عدد فروض المراقبة من 02 إلى 01 بداية من هذه السنة ، وستكون مواضيعه جاهزة على موقع الديوان بداية من تاريخ :10/09/2010. إن المتعلم مطالب باحترام أجال إعادة الفرض إلى المركز الجهوي.

7- تتوقف عملية تسجيل التلاميذ في السنة الثالثة ثانوي للنظام القديم ، وعليه فإن المتعلمين التابعين لهذه الفئة يمكنهم التسجيل في النظام الجديد وفق إعادة التوجيه التالي:

النظام الجديد النظام القديم المستوى
الرمز الشعبة الموجه إليها الرمز الشعبة الأصلية
316 3 ثانوي رياضيات
326 3 ثانوي علوم دقيقة
3 ثانوي

314 3 ثانوي علوم تجريبية

312 3 ثانوي آداب فلسفة

314 3 ثانوي علوم تجريبية
324 3 ثانوي علوم الطبيعة والحياة

312 3 ثانوي آداب فلسفة

312 3 ثانوي آداب فلسفة
322 3 ثانوي آداب وعلوم إنسانية

312 3 ثانوي آداب فلسفة
328 3 ثانوي آداب وعلوم إسلامية

337 3 ثانوي تسيير واقتصاد (جديد)
336 3 ثانوي تسيير واقتصاد (قديم)

312 3 ثانوي آداب فلسفة

337 3 ثانوي تسيير واقتصاد (جديد)
346 3 ثانوي تقني محاسبة

312 3ثانوي آداب فلسفة

8- ونعلم في الأخير كل المتعلمين التابعين لولاية الوادي أن تسجيلهم عبر الانترنت يتحول من مركز بسكرة إلى مركز ورقلة.

https://www.onefd.edu.dz/cneg/pub_2010.html

alpha · 2010-09-11, 18:54

السلام عليكم
نتاع المراسة كي نحوه لاخاطر فيها تكاليف بزاف كيما لي سوجي وتصحيح والاساتدة المصحيحين وتنظيم امتحانا المستوى...gاع هدا الشى لنظام رايحين ينحوه ومع احترامي لجماعة المراسلة الاغلبية مايدوش لباك في عامهم الاول سي بور صا من درك يحبسولهم ن.ق.
بصح احرار نورمال جو بونس مازال

alpha · 2010-09-11, 18:54

امنيني النظام لجديد فور انا كنت ن.ق ودرت ن.ج انا تبانلي كون الجماعة لي تقرا فور في ن.ق كون يديرو جديد يديرو حالة.مالازمش تتشاءمو بل عكس.
حجا اخيرة لازم ادبرو لكايات وغي لكتاب المدرسى والحلول نتاوعه يكفو

حنان89 · 2010-09-12, 11:02

هاداك اهو المشكل اخي alpha لكايات منين نجيبوهم ...بالنسبة ليا منعرف حتى واحد نظام قديم يعني المقربين مني كلهم نظام .ق...
و انت اخي كنت ن.ق و جوزت ن.ج في رايك هل تقدر تقراه مع تخصص اخر ...؟يعني بالنسبة لينا ادا قرينالو لازم نتفرغولو في رايك .....هو اكيد ادا درت برنامج كل حاجا تتنظم مي نتمنى انك تفيدنا بتجربتك ؟ و شكراااا

حنان89 · 2010-09-12, 11:07

....توضيح : lahouiouwalid ...بالنسبة للملاحظة 7 اللي كتبتها اا في راي لوكان تقراها بتمعن غادي تلقا انهم مراهمش يقصدو احرار ن.ق
و قال ( - تتوقف عملية تسجيل التلاميذ في السنة الثالثة ثانوي للنظام القديم ) يعني لوكان يصدو احرار كانو كتبوها ....و الله اعلم ...ولا واش رايكم ؟؟؟؟؟

alpha · 2010-09-12, 22:39

السلام عليكم
الرياضيات والعلوم الكتاب المدرسي اشريهم
الفيزياء ك.مدرسي+دروس الاستاد قزوري
اجتماعيات ك.م+ملخصات لي يتباعو
فلسفة لازم كايي ديري فوتوكوبي
البقية كتاب مدرسي
اما عن تجربتي المتواضعة انا كنت نقرى وكان عندي لاتاز ولي
ااكسبوزي صافي شارجي بزاف بديت شهر ونص قبل الباك الرياضيات قريت غي الهندسة حنا ن.ق ماناش دايرينهم والمحاور لخرين ماقريتهمش غي شتاكاين في راسي من قبل
العلوم دروس ك.م فقط بلا تماربن مكفانيش الوقت
فيزياء دروس الاستاد قزوري +بعض التمارين من ك.م
اللغات مكاش مشكل
المواد الادبية حفضت الملخصات اللي يتباعو واللي تليشارجيتهم منا والحمد للله ديت 13.79 ماش حاجة بار ابور للمعدلات المرتفعة مي على حساب قرايتك
وكاينة حاجة ن.ج تاني لازمله قراية مشي بالسهولة اللي راهم يقولو عليها.
صلي صلاة استخارة وشوفي

MEDMBA67 · 2010-09-13, 09:57

ارجو مساعدتي في اجتياز الباك2011 من موا&يع ونصائح او كايات او دروس والله يجازيكم وشكرا

MEDMBA67 · 2010-09-13, 09:57

المواد الادبية

حنان89 · 2010-09-13, 11:12

...انا شاكرة لك اخي alpha .... و الله راك رغبتني اني نجور نظام جديد ...لكن انا نقرا تخصص اخر ..و معلاباليش ادا كان ن.ج يسمح لينا اننا نقرو 2 مرة وحدا بالنسبةة ل ن.ق.
لازملها تفكير ...و صلاة الاستخارة + البحث و الاستفسار هما الحل ...مادا عن حقوق التسجيل هل هي كمان.ق يعني 5000DA..؟ و شكراااا