☆التقشف هلكني اليوم☆

~طَـــمُـــوحْ~ · 2016-01-10, 22:08

سلام الله عليكم دمتم بعافية وخير~

قررت اليوم نروح للطبيب على غير العادة

الحافلة الاولى موالف نروح ب 60 دج اليوم رحت ب 80 دج ماعليناش

دخلت للطبيب وخارج /موالف 1000دج/ لكنها قالتلي1500 اووو؟ ياك راني وحدي ......عرفت التقشف راه دار رايو

جعت طارت 300 دج مع عصافير بطني

وصلت للدار بعد خسران80 دج مرة اخرى

الحمد لله وصلت بخير

نسيت مقلتلكمش الدواء طاح 4400دج وماشي كامل مزال يخص

وهذا خاطي الحسابات تاع الفليكسي اللي زادو فيه

انا كرهت وقررت نشرب الدواء الجديد تقشفانول لتحفيز الغدة التقشفية

حصريا في الجزائر

نتمنى منكونش ثقيل ...هذه هي الدنيا

toulay · 2016-01-10, 22:12

وعليكم السلام ورحمة الله تعالى وبركاته
شفتي كل شيء غالي ربي يستر برك
والدواء علاش مشريتيش بهاذيك بطاقة الشفاء
ههههههههههه ضحكتيني مين قلتي تقشفانول
ربي يجعلك الشفاء ان شاء الله

~طَـــمُـــوحْ~ · 2016-01-10, 22:15

اقتباس:

المشاركة الأصلية كتبت بواسطة toulay

وعليكم السلام ورحمة الله تعالى وبركاته
شفتي كل شيء غالي ربي يستر برك
والدواء علاش مشريتيش بهاذيك بطاقة الشفاء
ههههههههههه ضحكتيني مين قلتي تقشفانول
ربي يجعلك الشفاء ان شاء الله

المشكل ميترونبورساش غالي

toulay · 2016-01-10, 22:21

اقتباس:

المشاركة الأصلية كتبت بواسطة عَاشِقْ فِلِسْطِينْ

المشكل ميترونبورساش غالي

مشكل صح
نعم غالي بزاف
ربي يشافيك ان شاء الله
مرة خلاف عاون روحك بالتيزانة لازم انت تاني دير التقشف هههههه

القائدة · 2016-01-10, 22:25

لا كنت خفيف الضل بموضوعك هذا ذو البعد السوسيو-سياسي
بارك الله فيك
لي سؤال :
انا لا اركب حافلات و اريد ان افهم
سعر تذكرة الحافلة 60دج ! ماذا تقصد حافلة النقل الحضري الداخلي ام حافلة من بلدية الى اخرى ؟ لاني وجدت ان السعر مرتفع و انا حسب معلوماتي البسيطة ان السعر في حدود الف ألفين ...؟

~طَـــمُـــوحْ~ · 2016-01-10, 22:42

نعم اختي القائدة بين البلديات والمسافة لاتتعدى 3كلم

~طَـــمُـــوحْ~ · 2016-01-10, 22:43

نعم اختي القائدة بين البلديات مع ان المسافة لا تتعدى 35 كلم

نور لاتراه · 2016-01-10, 22:44

السلام عليكم
شدني التركيز على الأرقام
فحسبت بالآلة الحاسبة وكان المجموع
7420 دج (التقشف الأدنى)
عسى الله يبارك لكم في أموالكم

عصفور الكنآري · 2016-01-10, 23:14

هههه ربي معانا واذا صبت هذاك الدواء ابعثلي منو

إبني حياتي · 2016-01-10, 23:36

رانا في وقت صعيب بزاف ربي يستر

القائدة · 2016-01-11, 00:38

اقتباس:

المشاركة الأصلية كتبت بواسطة عَاشِقْ فِلِسْطِينْ

نعم اختي القائدة بين البلديات مع ان المسافة لا تتعدى 35 كلم

بارك الله فيك على التوضيح
طهور ان شاء الله

~طَـــمُـــوحْ~ · 2016-01-11, 10:33

بارك الله فيكم جميعا ....ان شاء الله

أم سلوى · 2016-01-11, 12:57

سبعمائة الف في يوم... غير قولي مليون.كل يوم مليون يعني 30 مليون لشهر....

وردة برية · 2016-01-11, 13:23

الله يشفيك يا أختي،الله يعين الزوالي

الجزائرية المحبوبة · 2016-01-11, 13:26

ايه اضحك الله سنك

اليوم كالعادة نضت صباحا نشيطة والله ثم والله ثم والله توحشت ابنى وابنتى ورانى ماقلقلة عليهم قلت نصبح عليهم مساج

واحد وصل واحد لالا

وعلاة حضرة التقشف طلع حتى مساج ماصبروش عليه