مديرية التجارة من التوظيف الى الميدان

[فرناس وهران]

ليس دائما عمل المراقب يكون تحرير المخالفات ففي بعض الاحيان يكون امام تاجر لديه يوم او يومين منذ بدأ النشاط و يكون ذلك ظاهرا من طبيعة السلع و السجل الجديد ففي هذه الحالة يجد نفسه يقوم بتحسيس هذا التاجر بطريقة العمل لكي لا يقع في اعمال تخالف النظام التجاري
ليس دائما الردع و العقاب و انما هناك ايضا التحسيس و النصيحة

[kaout]

شكرا لكم
لكن قالو لي ان هذا المنصب في المديرية الجهوية لا يخرج الا مرات قليلة جدا فما رايكم؟؟

[فرناس وهران]

نعم صحيح اخي الكريم
يكون لديه خرجات نادرة و ان وجدت فتكون للتحقيق في قضايا يتعذر على المفتشيات المحلية الدخول فيها او صعبة
او يقوم بالتنقل الى الولايات المعنية
او الدعم مثل شهر رمضان و المناشبات عندما يكون العمل مكثف

[kaout]

شكرا لك اخي على نصحي ان شاء الله ننجح ونجي نفرحكم ياااااارب
والله تعبت من الكونكور فوتهم كامل ان شاء الله يكون الاخير يااااااااااااارب

[فرناس وهران]

كونك واثقة ان النجاح يأتي طعمه احلى بعد التعب
ان شاء الله نفرحوا معا اختنا في القريب العاجل

[ghost_hamza]

بالتوفيق انشاء الله

[kaout]

السلام عليكم

[lila z]

و ع السلام اختي
معليش تصرا انا تامني مرة دخلت قاتلي عرفيلي الخزينة بقيت نخزر فيها
وليت مغيّبة .. امبعد خرجت كي خرجت قلت وش درت انا
وليت نجاوب ف الطريق ههه كي المهبولة
معليش ان شاء الله تنجحي ادا ماشي في هادا في واحد اخر

موفقة

[فرناس وهران]

مكتوب الله و انت كنتي تبحثي و تراجعي و الدليل على الموضوع هنا كان اكثر كن مرجع من جميع المعلومات و ان شاء الله ما يتغلقش و يبقى مفتوح يستفاد منه الاخوة
و راهي خبرة ايضا المرة جاية في ادارة اخرى كوني اكثر ثقة بالنفس .
ما تحصيش النظرة تاعك تعجبهم ليس دائما المعلومات مقياس للمترشح.

[kaout]

ان شاء الله
المشكل انه قالي ماهو الفرق بين البنك والمؤسسة المالية
انا جاوبت قتلوا البنك هو المكان الي يلتقي فيه طالب وعارض المال باش يقرضه وذلك بفائدة
اما المؤسسة المالية وبديت راح نشرحلوا قتلوا مثل شركات التأمين قالي لالا قتلوا اذا تتثل في البورصة لان البورصة مؤسسة مالية قالي لا لا ماشي مؤسسة مالية
انا هنا تلفتلي صح صح
وبقى يشوف في قالي صاحبو المؤسسة المالية كيما الصندوق النقد الدولي واش تقوليلي هنا بلوكيت علابالي بلي هو مؤسسة مالية دولية وبقيت نخمم في واش قريت
طرحلي سؤال وقالي ماهو صندوق ظبط الايرادات قتلوا بصراحة منعرفوش وماقريتوش قالي كاين صندوق اخر في الصحراء واش يديرو به
المهم حسسني فعلا بلي جامي قريت وجامي جاوبت
هذي حكايتي اليوم من صباح وانا نبكي راحت قرايتي على حساب عقود ماقبل التشغيل والله مالقيتها لبخدمة صح لا تبعت قرايتي
ربي يفرج علينا كامل ولي يعرف صندوق الضبط يفهمنا فيه ويعطينا باقي الصناديق
والحمد لله

[فرناس وهران]

ابدا اختي ما يعيضكش الحال في ظنك انه كان يعرف معنى المؤسسة المالية الاسئلة اللي طرحهم عليك
بطبيعة الحال لا
قبل المقابلة راح دخل للنت قرا عليهم بعض المعلومات و راح يؤظف هذه المعلومات في اسئلة و طبعا الاجوبة تع المترشحين كانت زيادة في معلوماته راح اظافها بدون ان يعلم ان كانت صحيحة ام خطأ.
اليك معلومة خذيها مني و اتبعيها مستقبلا:
عند خروج المترشحين من قاعة المقابلة حاولى الحصول على اجوبتهم لان اجوبتهم هي اسئلة لك و حاولى ان تعرفي طبيعة الشخص صاحب المقابلة ان كان شخص اكبر من 45 سنة و يعمل بذات الادارة فاعلمي انه حابس و الاسئلة التي يطرحها مجرد معلومات بسيطة او اكتسبها من المترشحين قبلك. يحاول توظيفها في اسئلة المترشحين الاخرين.
عليك بالكلام و هناك خطأ شائع مع العقلية الجزائرية و هو انك تجلس و تنتظر الكلام مع صاحب المقابلة صحيح تجلس و تنتظر لكن في اوربا نحن في الجزائر عند دخولك و معرفة طبيعة صاحب المقابلة ادخل بطريقة الابتسامة العريضة و عندما يتيح اليك الكلام للتعريف عن نفسك ابدأ في حكاية حياتك من البكالوريا الى اليوم التي انت واقفة فيه امامه .المغزى من ذلك و هو انك تجلب انتباهه الى دراساتك و خبراتك فيقوم بطرح اسئلة في المجال الذي تكلمت عنه. و ليس الجلوس و عندما يسأل عن ااسمك تقولين اسمك و تسكتين.
لا اقول اسمي و اقول في اي ولاية ولد و ان كان لي عائلة كبيرة معروفه او من الشرفة و ائلهم ان كانوا يعرفون تلك المنطقة .
مرة سلأاني عن اسمي بدأت فلا فلان ولدت بولاية فلان ببلدية فلان تعرفوها قال لا منطقة فور فيها و فيها و فيها. جيد يليق نزروها....
واش عندك ليسناس؟؟ قبل الليسانس راح نبدا من الباك عندي باك ......معدل 14 كذبة سجلت في الجامعة تخصص ...و تحكي على بعض المقاييس اللي تعريفها تهمهم و بطبيعة الحال راكي عاقلة عليها غاية لانه بعد ان تنتهين اعلمي انه سيطرح اسئلة حولها.
تفادي اي شيئ لا تعرفينه في مداخلتك لكي لا يجلب انتباهه.

[kaout]

صح راهم كبار في العمر لي فوتولي
ودوخوني مع اني متاكدة من الاجابة المهم ديت درس ماننساهش
خلانني وليت منعرفش وهو اللي يعرف

[زكريا نهد]

ربي يوفقك الأخت kaout .

[KHALED B]

أي تاخذي رأي غير أخطيك من الخدمة هذي بالنسبة للبنات صعيبة بزاااف

[walid_mca]

أنا دخلت عندهم مسالوني ما والوا .......قالولي واش تخدم خع ولا فوات من قبل عدنا .....من بعد خلاص تقدر تروح