*****هنا نتبادل الخبرات في شؤون المطبخ******

ليلى الجزائرية1 · 2010-08-21, 01:35

السلام عليكم
خطرت في بالي فكرة اتمنى ان تنال إعجابكم.
مارأيكم لو نجعل هذا الموضوع كصفحة نتبادل من خلالها الخبرات والنصائح فيما يخص المطبخ.
فكل من لديها معلومة او نصيحة في ما يخص المجال المطبخي فلتتفضل بها مشكورة .
اْنتظر نصائحكم وخبراتكم ،فلا تبخلونا.

ليلى الجزائرية1 · 2010-08-21, 01:39

وأبدأبسم الله بهذه النصيحة:

باش ما تلصقلكش الحلويات نتاعك في المول ادهني المول بشوية زبدة ومن بعد رشيه بشوية فرينة وإلا مايزينة.

sasafede · 2010-08-21, 12:20

اي وصفة اتكون فيها حليب بودرة حمسي الحليب ايجي هايل في القاطو و شكرا على الفكرة

صامهد · 2010-08-21, 14:39

العجينة المورقة باش تتلع مليح لازم كيديري لافارس تكون باردة اومنبعد ديريها في الثلاجة باش اديريها في الفرن

ليلى الجزائرية1 · 2010-08-23, 03:09

وهاذي نصيحة واحدة اخرى:
إذا كان عندك الكسبر وإلا المعدنوس بكثرة ،نظفيه ومن بعد لفيه في ورق الجرائد،اكداك يحافظ على اللون نتاعو

ليلى الجزائرية1 · 2010-08-24, 00:08

النعناع المجفف يعطي نكهة رائعة عند إضافته للشوربة

زينب81 · 2010-08-24, 12:43

باش يجي دوق ماكلتك بنينة وهايلة .....ارحي فص ثوم وارميه في الاخير قبل ماتطفي ب 2 دقائق ..وردي عليا الخبر

sasafede · 2010-08-24, 18:15

اختي اذا اردتي ان تكون عجينتك المورقة طالعة يجب ان ترش الصينية بالقليل من الماء

أم جمانة · 2010-08-24, 20:23

السلام عليكم
كي تكون عندك كمية من المعدنوس أو الدبشة أو الكرافس و ما تستخدميهاش و تخافي تفسد أغسليها و قطعيها رقيق و حطيها في علب ( ممكن تستعملي علب الزبدة بعد ما تنظفيهم أو علب المثلجات بعد إستهلاكها ، أو علب تشريها ) و خبيها في الكونجيلاتور ، كي تحتاجيها ما عليك غير تجبدي الكمية اللي تحتاجيها و أضمن لك الحفاظ على الون و الرائحة

أم جمانة · 2010-08-24, 20:27

كي يكون عندك الليمون باه يعطيك بزاف العصير حطيه قبل العصر في ما سخون ، بعد عصره حطيه في القالب تاع الثلاجة و كي يجمد تسحبيه و تحطيهم كقطع في علبة أو مجرد ساشي و رجعيهم للمجمد

ليلى الجزائرية1 · 2010-08-25, 01:22

باش يطلعلك الخبز اللي فيه الخميرة مليح،ديريلو شوية سكر مع الخميرة.

ليلى الجزائرية1 · 2010-08-27, 02:37

للحفاظ على الدقيق لمدة أطول احتفظي به في وعاء نظيف محكم الإغلاق في مكان بارد وجاف.

ليلى الجزائرية1 · 2010-08-27, 02:38

للحصول على قشرة فطيرة براقة ذهبية اللون امسحي العجينة بصفار البيض مع قليل من الماء أو الحليب قبل الطهي. هذا يعطي الفطيرة منظراً مصقولاً براقاً

امينة111 · 2010-08-27, 08:45

باش متتحلكش المعقودة او السفيريةفي المقلاة لازم تغلي البطاطا مرسيها وخليها في الثلاجة 3ساعات

او اكثر كيما تحبي ....ملزمش تستعمليها مباشرة بعد ما تطبخيها لانها رح تتحل في المقلاة وتقلبيها

بكل صعوبة لكن مع هذه الطريقة رح تقلبها وانت مرتاحة

ليلى الجزائرية1 · 2010-08-28, 00:21

إذا كان الطعام مالح وهو مازال على النار فيمكنك تقشير بصله أو بطاطسه وتقطيعها مكعبات كبيره وغرسها في القدر وعند التقديم تزال فهما يمتصان الملح الزائد .