سفنج المغرف لاتفوتو الفرصة

[ام سراج وملاك]

البسملة1




كيما باين من العنوان ليوم حبيت نوريلكم طريقة ساهلة في تحضير السفنج على فكرة صاحبة الوصفة اختي ام ماسين لي راهي عضوة معانا هنا هيا لي نعتتهالي وقاتلي جربيها و حطيها موضوع وانا جربتها والنتيجة كانت هايلة حبيت نوريهالكم اليوم بلاكش تعجبكم نتم ثاني وممكن كاين لي ميعرفش هاذي الطريقة منطولش ونخليكم مع صور والمقادير
المقادير
تقدرو تستعملو الفرينة وحدها او تستعملو كيما درت انا خلطت شوي سميد وشوي فرينة انا استعملت تقريبا الكمية لي في صور منقدرش نحددلكم الكمية بالتقريب خطراه السفنج يجي جاري كيما لغرايف نتم لي تتحكمو فيه وطبعا كاين حبة بيض + كاس حليب دافئ + مغرف كبيرة سكر ومغرف كبيرة خميرة الحبز + وكمية قليلة من الملح
طريقة التحضير تحطي في اناء كاس حليب دافئ ومبعد تضيفو شوي سميد وحبة البيض وتخلطو مليح وتضيفو الملح والسكر وخميرة الكسرة وتبقاو تخلطو تضيفو كمية قليلة من الفرينة وتبقاو تخلطو وتضيفو السميد بشوي حتان تتحصلو على خليط كيما نتاع لغرايف تغطيوه وتخليوه يخمر تسخنو الزيت مليح وكي يخمر الخليط نتاعكم تبداو تصبو في الخليط بالمغرف راح يتنفخ كيما ليبيني كي يتقلى كامل زينوه كيما حبيتو صبو عليه لعسل او مرمدوه في السكر الاحرش او الارطب او خليوه عادي التزين يرجع لكل وحدة فيكم
نخليكم مع الصور





هنا هاهو الخليط لي راح تتحصلو عليه لازم يكون جاري كيما في الصورة



وهنا نبداو نحطو بالمغرف في الزيت وتعدلوه بعد متحطوه طبعا بالمغرف وتبقاو تصبو الزيت سخون عليه باش يتنفخ





وهاذي هيا المرحلة الاخيرة هنا طبعا وجد

[ام هدول]

راح نكون اول وحدة تدوق يعطيك الصحة يبان هايل فكرة مليحة نجربها ان شاء الله بارك الله فيك ختي

[ام عبد الله01]

ماشاء الله اختي يشهي مع الصباح ندي حبيبات نفظربيهم

سلمت يمينك و بصحتكم

[لجين الحبيبة]

يعطيك الصحة هذا تاع ضياف الغفلة بارك الله فيك ونظن حتى الزيت ما يرفدش ياسر

[شوق الليالي]

ماشاء الله نموت على الوصفات السهلة توجد في ساع ومقادير بسيييييييييطة
بوركتي حبيبتي

[ام سراج وملاك]

المشاركة الأصلية كتبت بواسطة ام هدول

راح نكون اول وحدة تدوق يعطيك الصحة يبان هايل فكرة مليحة نجربها انشاء الله بارك الله فيك ختي

وفيك بارك الله اخني ام هدول نورتني

المشاركة الأصلية كتبت بواسطة ام عبد الله01

ماشاء الله اختي يشهي مع الصباح ندي حبيبات نفظربيهم

سلمت يمينك و بصحتكم

الله يسلمك اختي لوكان جات صح نمدلك الطبسي كامل تستاهلي اختي

[ام سراج وملاك]

المشاركة الأصلية كتبت بواسطة لجين الحبيبة

يعطيك الصحة هذا تاع ضياف الغفلة بارك الله فيك ونظن حتى الزيت ما يرفدش ياسر

الله يسلمك اختي هيه ميرفدوش الزيت بزاف

المشاركة الأصلية كتبت بواسطة شوق الليالي

ماشاء الله نموت على الوصفات السهلة توجد في ساع ومقادير بسيييييييييطة
بوركتي حبيبتي

وفيك بارك الله اختي نورتني بردك

[حبيبة امها]

بارك الله فيك رائع قيد التجريب

[scorpionoir]

هايل روععععععععععععععععععة يا ام سراج
سهل وسريع ههههههههه
سلاما لام ماسين وقلها وصفة تهبل بارك الله فيها

[om_nour]

اللَّهُمَّ إِنّا نَسْأَلُكَ بِأَنـَّا نَشْهَدُ أَنـَّكَ أَنْتَ اللهُ لاَ إِلَهَ إِلاَّ أَنْتَ، الأَحَدُ الصَّمَدُ، الّذِي لَمْ يَلِدْ وَلَمْ يُولَدْ، وَلَمْ يَكُنْ لَهُ كُفُواً أَحَدٌ، أَنْ تَجْزِيَ آبَاءَنا وَأُمَّهَاتِنا عَنـَّا خَيْرَ الْجَزَاءِ.

. اللَّهُمَّ اجْزِهِمْ عَنـَّا خَيْرَ الْجَزَاءِ وَاغْفِرْ لَهُمْ وَارْحَمْهُمْ كَمَا رَبـُّونا صِغَاراً. اللَّهُمَّ مَنْ كَانَ مِنْهُمْ حَيّاً فَمَتِّعْهُ بِالصِّحَّةِ وَالعَافِيَةِ عَلَى طَاعَتِكْ، وَمَنْ كَانَ مِنْهُمْ فِي دَارِ الْحَقِّ فَتَوَلَّهُ بِرَحْمَتِكَ وَأَنْزِلْ عَلَيْهِ شَآبِيبَ رَحْمَتِكَ..

اللَّهُمَّ مَنْ كَانَ مِنْهُمْ مَرِيضاً فَشَافِهِ وَعَافِهِ يَا رَبَّ العَالَمِينَ، وَأَسْبِلْ عَلَيْهِ ثَوْبَ الصِّحَّةِ وَالعَافِيَةِ يا أَكْرَمَ الأَكْرَمِينَ.. اللَّهُمَّ اغْفِرْ لِوَالِدَيْنَا وَوَالِدَيْ وَالِدَيْنا.


اللَّهُمَّ اجْعَلْنَا بِهِمَا مِنَ البَارِّينَ الْمُشْفِقِينَ العَطُوفِينَ.. وَاجْعَلْنَا قُرَّةَ عَيْنٍ لَهُما فِي الدُّنْيا وَالآخِرَةِ.. وَارْزُقْنا بِـرَّ أَبْنائِنا وَبَناتِنا يَا أَرْحَمَ الرَّاحِمِينَ.

اللَّهُمَّ اجْعَلْ رِضَايَ فِي الدُّنْيا عِنْدَ مَوَاضِعِ أَقْدَارِكَ.

[fadila34]

يعطيك الصحة يا الغالية على قلوبنا
نفس الطريقة التاعي كي عود معنديش البيض بزاف ونحب كمية كبيرة

[ام سارة18]

شكرا حبيبتي على الوصفة قداه الوقت باه يخمر

[ام سراج وملاك]

المشاركة الأصلية كتبت بواسطة حبيبة امها

بارك الله فيك رائع قيد التجريب

وفيك بارك الله اختي جربيه اكيد يعجبك

المشاركة الأصلية كتبت بواسطة om_nour

بارك الله فيك
وفيك بارك الله اختي
ساهل وبنين رانى مجرباتو

شكرا اختي نورتني صح ساهل وبنين

[ام سراج وملاك]

المشاركة الأصلية كتبت بواسطة fadila34

يعطيك الصحة يا الغالية على قلوبنا
نفس الطريقة التاعي كي عود معنديش البيض بزاف ونحب كمية كبيرة

الله يسلمك حنونة تسلميلي على الرد انا كي نحب نضاعف الكمية طول نخلي حبة بيض وحدة

المشاركة الأصلية كتبت بواسطة ام سارة18

شكرا حبيبتي على الوصفة قداه الوقت باه يخمر

اهلا سارة اختي شوفي التخمار نتاعو حسب الحرارة لي في الكوزينة ويخمر مثل لغرايف تقريبا حوالي نصف ساعة واذا كنتي مزروبة حطيه فوق حمام مائي بشرط الماء يكون دافي ماشي فوق النار يعني حطيه فوق الماء وحدو وغطيه او تقدري تشعلي الفرن نتاعك يسخن مبعد طفيه وحطيه داخل الفرن الطافي يخمر ثمثم نتمنى ان شاء الله اني نكون افدتك

[ام احمد اسامة]

هايل بارك الله فيك