ساعدوني في تحضير العدس

noha_ali31 · 2012-12-20, 18:58

عندما اطهي العدس دائما يطيب يابس ولونه اسود مع اني اغليه في الماء قبل (دائما يحشمني مع زوجي ) ارجوكم ساعدوني واريد ايضا وصفات للمعجنات المقلية من فضلكن

sarsora777 · 2012-12-20, 19:50

اقتباس:

المشاركة الأصلية كتبت بواسطة noha_ali31

عندما اطهي العدس دائما يطيب يابس ولونه اسود مع اني اغليه في الماء قبل (دائما يحشمني مع زوجي ) ارجوكم ساعدوني واريد ايضا وصفات للمعجنات المقلية من فضلكن

تفضلي أختي هذي محجوبة مقلية تجئ كي السوفليه لذيذة جداً
https://www.djelfa.info/vb/showthread.php?t=732884
فيما يخص العدس ديريه في لاكوكوط

منال2009 · 2012-12-20, 20:32

ديري دواء مخلط +فلفل احمر+ملح+زيت+طماطم باط+بصل+ثوم ديريلهم شوي ماء و خليهم يغليو ثم امرقي و لوحي العدس و اغلقي الكوكوط 45 دقيقة

ريحان الجزائر · 2012-12-21, 00:00

السلام عليكم و رحمة الله و بركاته أختي إيلا ماعندكش لاكوكوط ديريلو وحدى خميرة الحلوة و راح تشوفي كيفاش يطيب زبدة و الله يوفقك سلام

ام ملاك. · 2012-12-21, 07:31

شوفي حنونة انا كيفاش ندير
اغسلي العدس نتاعك ونقيه من الحجر
وغليه في كاسرونة عمريها بالما
وفي الوقت كي يكون يغلي قشري البصلة وقطعيها رقيقة و4 ولا 5 حبات ثوم رابيهم وديريهم يتقلاو ومغرفتين كبار زيت ادا درتيه باللحم ديري اللحم يتقلا مع البصل وادا بلاش ماعليش يجيك هايل ثاني
المهم شدي حبة بطاطا متوسطة اغسليها وقشريها قطعيها مكعبات صغار وحبة ولا زوج زرودية نفس الشي قطعيهم صغار وارميهم مع البصل وقلبي وديري الملح جومبو دجاج نص مغرفة كبيرة نتاع طوماطيش بواطةومغرفة صغيرة فلفل لكحل وفلفل لحمر مرحي حار ولا حلو واذا تحبي الفلف الحار ارمي فلفلة كاملة الداخل
انا سري درك نقولهولك واحد ماعلابالو بيه مي انت غظتيني ديري نص مغرفة كبيرة نتاع سكر هدا هو سري
خلطي الكل مع بعض ومرقي بشوية نتاع الما قيس ماتتغطى الخضرة نتاعك برك
ونحي العدس من النار وفرغيه بالماء نتاعو داخل القدرة اللي فيها الخضرة وخلطي اذا شفتيها وانت تخلطي ثقيل بزاف زيديلو شوية ما مالازمش يكون خفيف ومن الاحسن تطيبه في الكوكوط اذا عندك اغلقي عليها ونقصي للنارغير تبدا تصفر وخليها تطيب نص ساعة برك واذا ماعندكش حطيه في القدرة ولا كاسرونة كبيرة وغطيه ونقصي النار ماتنسايش ومن داك طللي عليه وحركيه حتان تشوفي بللي طابلك
ان شالله نكون افدتك انت جربي كمية صغيرة وشوفي

مولات الدار · 2012-12-21, 16:51

اقتباس:

المشاركة الأصلية كتبت بواسطة noha_ali31

عندما اطهي العدس دائما يطيب يابس ولونه اسود مع اني اغليه في الماء قبل (دائما يحشمني مع زوجي ) ارجوكم ساعدوني واريد ايضا وصفات للمعجنات المقلية من فضلكن

كي تعولي غدوة طيبي العدس انقعي العدس في الماء ووقت الطياب ارم الماء وتلقي حبات العدس انتفخوا ويطيبو بلخف
أو نفخي العدس صباحا على الوقت لي تفطني فيه ووقت العشرة تاع الصباح طيبيه ومايلزموش وقت بزاف جربي ورديلنا خبر

zaklam · 2012-12-21, 17:50

اختي جربي هاد الطريقة تاع هاذ الأخت و الله هاااااااااايلة

شوربة العدس المرحي

المقادير

عدس + قطعة دجاج+ حبة جزر + حبة بطاطا+ حبة طماطم+ عود كرفس +بصلة كاملة +3فصوص ثوم +لحم مرحي+ شوربة فارميسال محمصة في شوية زبدة +كمون +ملح +فلفل +عصير الليمون+ زيت

الطريقة

يوضع العدس مع الدجاج و الخضر والكرفس وفص ثوم في قدر مع المرق على نار ويترك الى ان ينضج .

بعد ذلك يضرب بالخلاط حتى يصبح ناعم.

في اناء اخر نضع الزيت مع البصل والثوم و القليل جدا من القصبر ونحركه حتى يصبح لونه ذهبي ثم نضيف التوابل والملح ويحرك.

نضيف العدس ويترك على النار حتى يغلي

ضيفي فتات اللحم المرحي (يعني هاكداك بلا ما تكوريه) و اتركيه ينضج مدة 10د ثم ضيفي الفارميسال المحمصة

و اتركيها 5د ثم اطفئي النار

زينيها بالقصبر و قدميها بعصير الليمون

cherinou · 2012-12-21, 18:02

انا ندير في كوكوطة البصل مرابي ولا مقطع صغير والثوم بزيادة شوية والزرودية مقطعة والبطاطا مقطعة وايلا بغيتي حبة لفت والكرافس وشوية قصبر وحبة ماجي وفلفل اكحل وكمون وطوماطيس تاع القوطي وفلفلة حمرة والزيت واللونتي والرند ومرقي بالما وا
بلعي عليها تطيب ومين تصفر الكوكوطة نقسي عليه كلشي بارد في بارد يجي بنين

manar7 · 2012-12-21, 18:23

ما تعمليش الطماطم حتى الاخير وهكذا اطيب بسرعة

panpouna · 2012-12-21, 21:32

ادا حبيتي العدس يولي طري ويدوب طيبية فلما وحد بلا ملح فقدرة على نار خفيفة وادا ما حبش يطيب زييلو شوية خمارة نتاع قاطو وكي يطيب قلي البصل+ملح+فلفل+راس الحانوت+رند+طماطم مصبرة+زيت قليهم مشوية وزيديهم للعدس وخليه يطيب كاش ربع ساعة و تقدري تزيدي لحم ولا جاج وتاني خضرة

kakinova · 2013-01-13, 08:37

غربلي العدس حتى تتخلصي من التراب و الحجارة الصغيرة

نقيه ثم اغسليه بماء بارد

حطيه في قدرة و غرقيه بماء بارد بحيث يغطيه فقط زيديلو البصل مرحي و الزيت و الفلفل الاسود و الملح و الطماطم عندك ديريهم رح يبقة يابس
و حطيه فوق النار و خلي الماء لما يبدأ يغلي نقصي النار و غطيه و خليه على نار هادئة
اذا عندك كوكوط اغلقيها
اذا ماعندكش فوق القدرة لي حطيتي فيها لعدس حطي قدرة أكبر منها عمريها ماء هداك الماء رح يعمل يكون ثقل يغلقها مليح و غطيه لأنو الماء رح يسخن و رح تيتعمليه منبعد تمرقي بيه

خليها مدة نصف ساعة فالكوكوط ثم حطي الكوكوط تحت الماء وحلي الحنفية و لما تبرد حليها وشوفي اذا طاب متماسك امرقي و ضفيلو الطماطم و الملح و لما يقرب يطيب ضفيلو ثم مرابية و دائما خليه يطيب على نار هادية لانو لو قويتي النار بعد ما دخلو الطياب رايح يعمل القشور لازم دائما الحبوب طيب على نار هادية
و ذا حبيتيه طايب كي الزبدة كيما نحبو انا زيديرجعيه ربع ساعة اخرى

و فالقدرة خليه مدة ساعة و شوفي و اتبعي نفس المراحل
المهم الخلاصة الحبوب باه يجيوك ملاح و مش يابسن ولا مرقتهم معمرة قشور لازم يطيبو بالزيت و البصل بدون ملح أو طماطم و يطيبو على نار هادئة حتى ما يعملوش قشور و يقساحو

انا نستعمل الطريقة فالعدس و اللوبيا نفس الشيئ و بدون حتى ما نرنخ اللوبيا

خخخخخخخخخخ كثرت فالهدرة المهم ان شاء الله نفيدك

و يتحمر ودهك قدام زوجك

وصال7 · 2013-01-13, 10:50

اختى انا يجينى العدس كيما اشوربة لا سواد ولا شئ ليلة من قبل شمخى العدس فى ماء ساخن وغدوة من داك طيبيه عادى فى الكوكوت ميديش بزاف الوقت متبطايش عليه ودوزنيه كيما الشوربة خضرة وطماطم وزينيه بالحشيش

meriama13 · 2013-01-13, 13:17

اقتباس:

المشاركة الأصلية كتبت بواسطة cherinou

انا ندير في كوكوطة البصل مرابي ولا مقطع صغير والثوم بزيادة شوية والزرودية مقطعة والبطاطا مقطعة وايلا بغيتي حبة لفت والكرافس وشوية قصبر وحبة ماجي وفلفل اكحل وكمون وطوماطيس تاع القوطي وفلفلة حمرة والزيت واللونتي والرند ومرقي بالما وا
بلعي عليها تطيب ومين تصفر الكوكوطة نقسي عليه كلشي بارد في بارد يجي بنين

نفس طريقتي و الكل يعجبهم

noha_ali31 · 2013-01-15, 10:15

شكرا لكن البارح جربت العدس تبعت الخطوات والله نفس الشئ بلاك من الماء راني تشهيت ناكل العدس

كريمة كوكة · 2013-02-15, 19:47

اغسلي العدس مليح ثم شمخيه ليلة من قبل للغد باش تطيبيه ماترميش الماء اللي تشمخ فيه ارميه في الكوكوطة + شوية بيكاربونات أو خميرة الحلوى أغلقي الكوكوطة وخليه يطيب على نار هادية في عقلو ما تنسايش ترميلو عرق كرافس و شوية كمون و بصحتك
جربيه و راح يشكرك زوجك.