ياناس راهو هبلني الراجل هاذا

[basma09]

المشاركة الأصلية كتبت بواسطة imene12

ما دام قاريين الفاتحة راهو يعتبر زوجك شرعا و واجب عليك تخبريه و تشاوريه في كل خرجاتك.

ممممممم صافي انا الغالطة لازم نقولو كي نجي خارجة
يعيشك حنونة شكرا علي النصيحة

[basma09]

المشاركة الأصلية كتبت بواسطة رانيا3

اختي اصبري معاه برك و ما تحاوليش تكدبي عليه زعما قلقتي منو تخرجي و مبعد تقولي ما نخبروش باش ما نزيدش نقلقو ويولي يلوم فيا انا في رايي تقوليلو كلش خير و على الخرجة ما فيها والو ديريلو بخاطرو هكدا قالو ناس زمان .... و صدقيني كي يديك راح تتبدل الاموور خلاص درك الله غالب عله يغير عليك يخاف عليك ومادابيه يا معاه يا ماتخرجيش خلاص ديجا اختي حاجة مليحة لي طلب منك برك تققوليلو راني رايحة للبلاصة الفولانية ماش يقولك هو روحي ولا لا تسمى انتي رايحة رايحة برك يكون هو لابالو ين راها مرتوو

عقبال الزواج و الحياة السعيدة ..

المشكل راهو هنا انا منكذبش عليه مام علابالي بلي يتقلق مني بصح نقولو
ان شاء الله خلاص لازم نبدي نقولو درك الاخت راهي قاتلي يعتبر زوجي صافي لازم نعلمو
ربي يصبرني علي هبالو برك هههههههه
شكرا علي النصائح احتي الله يحفظك

[charifa.bel]

ما دام قاريين الفاتحة راهو يعتبر زوجك شرعا و واجب عليك

[مومي23]

الغيرة الزائدة في وقت الخطوبة و العقد الشرعي امر عادي ستسوى الامور بعد الزواج

[islam.radouane]

المشاركة الأصلية كتبت بواسطة basma09

صحا فطوركم خاوتي
حبيت نسقسيكم علي وحد الموضوع وراني طامعة فيكم باه تنصحوني
عندي مشكل مع خطيبي كل يوم نداوسو عليه لي هو انا مازال ما قتنعتش بلي كل ما نجي خارجة لازم نعيطلو و نقولو بزاف ولا خانقني بهاذي العقلية تاعو مازالني فدارنا ومازال بابا هو اللي يحكم فيا كي نجي خارجة نسقسي بابا و نزيد نسقسيه هو انا هاذي مدخلتليش فراسي و وخاصة في رمضان علابالكم الخرجات فاليل و الله عندي ملي بدا رمضان دابزنا ثلاثة مرات و لا ربعة غير علجال الخرجة بلامانقلو و المشكل انا كي نكون هدرت معاه من قبل و علابالي بلي خارجة نخبرو مي كي نخرج علي غفلة انا في بالي عادي ماشي لازم محبة خاطر برك نقولو
جيتكم بجاه النبي ياخاوتي قولولي اذا فالدين يعني مادامني فدارنا و مازال مادانيش لازم نقلو واذا زعما راني غالطة كي منحبش نقلو ونتقلق منو ?

اختي الفاضلة اذا حبيتي طبقي شرع ربي اذا كان عاقد عليك ولاقريين الفاتحة بعتبر الزوج الشرعي لك وهو يحكم في الخرجات والدخلات

اما اذا مازال ماصرا والو لايجوز له حتى الكلام معك في الهاتف

واذا ماتصبروش وراكم تحكو في التلفون مافيها والو اذا خبرتيه وين خارجة وين رايحة هكا تعودي روحك لانه في الاخير سوف يكون يوم من الايام ان شاء الله زوجك وهو لي يحكم

ااكد لك كثرة العناد والمداوسة بزاف تهبط من المعزة تاعك عندو حتى لوكان مايبينش
الراجل تربحيه غير بالكلمة لحلوة تحشيهالو خصوصا في الخطوبة بعد الزواج لما تقع الفاس بالراس احكمي كيما التحبي
اتمسكني حتي ماتتمكني

[○•كُنوز•○]

إذا ذركا يديرلك هكا كي تتزوجوا واش يديرلك

بطلي عليه عقليتو تتعبك

[basma09]

المشاركة الأصلية كتبت بواسطة charifa.bel

ما دام قاريين الفاتحة راهو يعتبر زوجك شرعا و واجب عليك

ان شاء الله درك نسقم انا روحي ههه و نقلو
شكرا علي النصيحة

[basma09]

المشاركة الأصلية كتبت بواسطة مومي23

الغيرة الزائدة في وقت الخطوبة و العقد الشرعي امر عادي ستسوى الامور بعد الزواج

ان شاء الله بعد الزواج يتسقم
ربي يحفظك شكرا

[basma09]

المشاركة الأصلية كتبت بواسطة islam.radouane

اختي الفاضلة اذا حبيتي طبقي شرع ربي اذا كان عاقد عليك ولاقريين الفاتحة بعتبر الزوج الشرعي لك وهو يحكم في الخرجات والدخلات

اما اذا مازال ماصرا والو لايجوز له حتى الكلام معك في الهاتف

واذا ماتصبروش وراكم تحكو في التلفون مافيها والو اذا خبرتيه وين خارجة وين رايحة هكا تعودي روحك لانه في الاخير سوف يكون يوم من الايام ان شاء الله زوجك وهو لي يحكم

ااكد لك كثرة العناد والمداوسة بزاف تهبط من المعزة تاعك عندو حتى لوكان مايبينش
الراجل تربحيه غير بالكلمة لحلوة تحشيهالو خصوصا في الخطوبة بعد الزواج لما تقع الفاس بالراس احكمي كيما التحبي
اتمسكني حتي ماتتمكني

لا حنا قاريين الفاتحة يعني زوجي
ان شاء الله ندير كيما قتلي
شكرا علي النصائح

[basma09]

المشاركة الأصلية كتبت بواسطة ○•كُنوز•○

إذا ذركا يديرلك هكا كي تتزوجوا واش يديرلك

بطلي عليه عقليتو تتعبك

لا لا اختي انا حبيت نستفسر كيفاش نتعامل معاه ماشي باه نبطل مانقدرش حرام عليا نبطل علاجال هاذي السبب
انا صحيح راهو مهبلني لكن مشي لدرجة نبطل معاه راهو راجلي مفتحين
علي العموم شكرا حبيبة علي النصيحة

[evaevalle]

واش نقولك كل راجل احب يحكم ولوكان في طلة من الباكووووو
ربي اسهلك

[basma09]

المشاركة الأصلية كتبت بواسطة evaevalle

واش نقولك كل راجل احب يحكم ولوكان في طلة من الباكووووو
ربي اسهلك

و الله غير صحيح ههههه
الله يخليك شكرا

[صفــاء]

انا نشوفوا انها من حقو يااختى انك تخبريه بما انه زوجك شرعا

وربي يجمع بينكم عاجلا وليس اجلا

[wafa16]

اختي انا نظن انتي اللي ولفتيه بكثرة المكالمات لدا من الطبيعي لازم تعيطيلو و تقوليلو على كل تحركاتك
انت حاولي تنقصي من المكالمات لانو بالفعل الموضوع يقلق لانو احيانا اجيك خرجة على غفلة او تخرجي اكثر من مرةفي اليوم من المستحيل تعيطيلو في كل مرة
يكفي الادن تع باباك مادمتي عايشة عندو

[**د لا ل**]

عادي يا اختي اصبري فهو زوجكِ الان

وكل ما تقرري الخروج اخبريه ولا تكبري الموضوع اكثر

يسري ولا تعسري فيه

وهي غيرة محمودة ودليل محبة يااختي

وبعد الزواج يتغير الوضع ان شاء الله

وفقكِ الله