السلام عليكم
والله اردت ان اقترح موضوع لتبادل الاراء للجميع
عندما طالعت موضوع الزميا العربي حول الفتاة وهو موضوع جد حساس وخطر جداعلى مجتمعنا..
فالحل الوحيد ان الفتاة تلتزم الصمت وان لا تفتح مجال الحوار من طرف الدكور خالرج عن الطريق الصحيح وان تلتزم با لحشمة والله الحشمة مرة تنقذ ومرة العكس , وكاين يقولك في هذا الوقت الطفلة ما لازم تحشم , وراها العكس اذا كان طفلة معدها ريحة الحشمة والنية الصافيةوالله ماتوصل لهذا الشيئ , وصح يعايروك ويقولولك راكي معقدة وجايحة وحتى يبعدوا عليك والله هنا ربي حبك وعزك وكاينة ملاحظة نقولها اذا كنت مذلولة ومحقورة عند الناس راكي مرفوعة ومعزة وشانك طالع عند ربي سبحانوا
وبالاك تسمعي البنات يقولولك خليك من الحشمة وما ديري بيها والو وراها غير ترجعك الى الوراء
صح ترجعك الى الوراء من جانب واحد فقط انك تتعلمي كيف تجيبي حقك وتتعلمي وتكوني معلمة وذات شخسية كشخصية خديجة رضي الله عنها و عائشة رضي الله عنها هنا تكوني مراْة انتاع الصح وواحد مايقدرلك والكل يحترمك ويخاف عليك
فالحشمة تصلح للبنت ولا للذكر تكون عندو الحشمة قليلة ويكون عاقل.
انا جربتها انك كي تكوني محتشمة ومقدرة روحك ولا تتدخلي فيما لا يعنيك فهنا تكوني عرفتي قدرك .
والمظهر الخارجي مهم واهم شيئ ومش معقول نقولك التزمي بالحشمة والعقالة وتروحي تلبسيلي لبسة متبرجة وغير محترمة فاللباس مهم ويلعب دور مهم وكاين ناس يعرفو الطفلة غير من مظهرها المهم يكون كامل ومحترموامنقولكش البسي جلبلب اوحجاب شرعي وانت في سن صغير البسي لبسة محترمة وفي نفس الوقت مناسب لوقتنا الحاضر ويكون عصري بصح بشرط يكون محترم,لانو يجي وقت والطفلة تسخف تلبس , فاذا كنت من المتحجبين حجاب شرعي او جلباب اهنا ماتقدري وهدا الشيئ الي خلى بعض البنات يغيرو يكونا من المتحجبين ومباعد انزعوه فاحسن الامور اوسطها.
وماتقلقيش من روحك ايجي وقت تكرهي روحك وانت منعزلة مجرد احساس وتقولي واحد مايدور بياوالله راهم حاسين بيك وشايفينك بصح محترمينك وخايفين عليكفقط اصبري واصبري
فالصبر مفتاح الفرج.وباعكس كي شوفوك هك يعودو يجروا وراك لانو قليل ما تلقاي طفلة من هذا النوع ويجوك من الباب مش من النافذة او غار...
وفي الاخير تكوني وصلتي الباب وتفتحيه وتعيشي حياة اخرى حتى تصلي الى الرضا فادا كان كنت راضيا ورضيتي والديك فهدا رضى من الله عز وجل وما تشوفي الدنيا واخدمي للاخرة
مثلا ادا كنت في الطبخ اني انك تطبخي لوجه الله باه ترضيه فاْي عمل تعمليه انوي بالخير ستجدينك اجرك عند الله سبحانه وتعالى..
ارجو ان اكون قد افدتكم بموضوعي وانا انتظر ردكم اختكم في الله لينة السلام عيكم ورحمة الله وبركاته
( تقرير عن مشاركة سيئة )، و الموجودة أسفل كل مشاركة .
2009-02-13, 13:16
والله احبكم حبا في الله
العرض العادي
